Jeremías 19:4 - Qheshwa Biblia DC

⁴ Israelitas saqerpariwarqanku, kay cheqatataj uj mana rejsisqa jallp'aman tukucherqanku, chaypi inciensosta waj dioskunallaman q'osñicherqanku. Chaytaqa ñaupa tatasninku, ni paykuna, nitaj Judamanta reykunaspis rejserqankuchu, chaykunapitaj mana juchayoj runaspa yawarninta jich'arqanku.

DIOSPA QHELQACHISQAN DEUTEROCANONICAL

⁴ Chayta ruwasaj, imaraykuchus qankuna saqerpariwarqankichej, kay cheqatataj millachikunayman tukucherqankichej. Kaypi dioskunaman inciensota q'oshñicherqankichej, mayqenkunatachus mana tataykichejkuna, ni qankuna, nitaj Judamanta kuraj kamachejkuna rejserqankuchu, chaykunaman. Chantá kay cheqapi mana juchayoj runakunata wañuchillarqankichejtaj.

DIOSPA QHELQACHISQ

⁴ Chayta ruwasaj, imaraykuchus qankuna saqerpariwarqankichej, kay cheqatataj millachikunayman tukucherqankichej. Kaypi dioskunaman inciensota q'oshñicherqankichej, mayqenkunatachus mana tataykichejkuna, ni qankuna, nitaj Judamanta kuraj kamachejkuna rejserqankuchu, chaykunaman. Chantá kay cheqapi mana juchayoj runakunata wañuchillarqankichejtaj.

Jeremías 19:4 Iomraidhean Croise

2 Reyes 21:16

Chay jawa Manasesqa mana juchayojkunaj yawarninta jich'acherqa, tukuynin Jerusalenman junt'aykuchin uj k'uchunmanta, uj k'uchunkama. Kayqa wajlla karqa Señorpa ñaupaqempi Judata imaswanchus juchallicherqa chaymanta nisqaqa.

2 Reyes 23:10

Jinallatataj Ben-Himon vallepi altaresta chay ruphachina cheqata ch'ichichaykullarqataj, amaña pipis qhari wawasninta, chayri warmi wawasninta chaypi Molocman ruphachispa jaywanampaj.

2 Reyes 24:4

Mana juchayojkunaj yawarninta jich'aspa, Jerusalén llajtaman yawarwan junt'achisqanmanta. Chayrayku Señorqa manapuni perdonayta munarqachu.

Salmos 106:38

Mana juchayojpa yawarninta jich'arqanku, chay wawasninkoj yawarninta, Canaán dioskunamantaj jaywarqanku. Chay jallp'ankutaj yawarninkuwan ch'ichichakorqa.

Isaías 59:7

Chakisninkoqa sajra ruwanallapaj corren, usqhayta rinku mana juchayojta qhasimanta wañuchinankupaj. Yuyayninkupeqa sajra ruwayllapuni junt'a kashan. Maypichus purisqankupeqa mana allin imasta ruwaspa, may llakiyta saqerparinku.

Isaías 65:11

Qankuna Señorta qonqajkunari, ajllakusqay orqota qonqapunkichej, suertesta choqanaykichejpaj mesasta churankichej, mana rejsisqa diosman vinowan ch'allankichej.

Jeremías 1:16

Kay jasut'i kanantamin kamachisaj saqerpayawarqanku chay juchasapaspa contrampi. Paykunaqa inciensota q'osñichispa yupaycharqanku chay mana rejsisqa dioskunata, paykuna kikinku ruwakusqankuman jaywaspa.

Jeremías 11:13

Judajta tiyan may chhika dioskunasnin llajtasninku chhikallataj. Jerusalempi tiyakojkunataj may chhika altaresta oqharinku Baalman inciensota q'osñichinankupaj, chay llajtapi callesnin chhikallataj.

Jeremías 15:6

Qan saqerpariwarqanki, wasanchakuwarqankitaj, nispa Señorqa nin. Chayrayku noqaqa pacienciay tukukojtin, makiyta oqharerqani jasut'inasuypaj, tukuchisunaypajtaj.

Jeremías 16:11

Qantaj paykunaman kutichinki: Señorqa nillantaj: Kay tukoyqa qhatirisunkichej ñaupa tatasniykichej saqerpayawarqanku, waj dioskunata, qhepantataj riporqanku yupaychaykunasta qonankupaj; noqata saqerpariwarqanku, manataj junt'arqankuchu chay noqaj yachachisqasniyta.

Jeremías 17:13

Señor, qanmin Israelpa suyaynenqa kanki. Pichus saqekojqa p'enqachisqa rikhurenqa. Qanmanta tukuy karunchakojqa chinkarenqanku, ñut'u jallp'api uj suti qelqasqa jina, chayqa kashan saqerparisusqankurayku, uj ch'uwa yaku juturi jina qan kashajtiyki.

Jeremías 17:20

Niytaj runasninman: Judamanta tukuy runas, reykunapis kay punkusta yaykojkuna, llojsejkunapis Señorpa parlasqasninta uyariychej.

Jeremías 18:15

Aylloyqa qonqarparipuwan, chay qhasi dioskunasninmantaj inciensosta jaywakapun. Chay ñaupa cheqan ñanmanta chinkarparin, waj mana rejsisqa ñankunasta qhatiykuspa.

Jeremías 2:13

Aylloyqa iskay layata juchallin: Noqata saqerpariwarqanku uj ch'uwa kausaj juturi yaku kashajtiy. Allarqankutaj pujyusninkuta, yakusta mana sayachej lajra pujyusta.

Jeremías 2:17

Chay tukuy imas qanta qhatirisorqa, noqa Señor Diosniykita saqerpariwasqaykirayku.

Jeremías 2:19

Kikin juchallaykitaj jasut'isonqa; chay mana kasukoj kasqallaykitaj ch'ataykusonqa. Allinta umacharikuy, imayna sajrachus, k'allkutajchus kasqanta noqata saqerpariwasqayki, noqa Señor Diosniykita mana kasuwasqayki ima. Noqa, Tukuy Atiyniyoj Señor chayta nini.

Jeremías 2:30

Qhasillata wawasniykichejta jasut'erqani, yachachiykunasta paykunaqa mana kasuyta munarqankuchu. Kikin qankuna millay phiña leones jina, profetasniykichejta wañucherqankichej.

Jeremías 2:34

P'achaykeqa wajchaspa, jinataj mana juchayojkunaspa yawarninwan ch'ajchusqa rikhurin. Paykunataqa mana ima sajrata ruwashajtapis jap'ejchu kanki.

Jeremías 22:17

Qanrí, mana kajmanta qolqeta jap'iyllata munanki, mana juchayojkunata wañuchinki, runasniykita ñak'arichinki, waqachinkitaj.

Jeremías 22:3

Kay llajtapi ruwaychej allin kajta, cheqan kajtataj. Chay ñak'arejkunata sajra runaspa ñaupaqenmanta kacharichiychej, ama k'umuykachachiychejchu, nitaj ñak'arichiychejchu waj llajtayojkunata, Amataj wajcha wawasta, warmi sapastapis. Ama wañuchiychejchu mana juchayoj runastaqa.

Jeremías 26:15

Jinapis kaytaqa allinta yachaychej: Sichus wañuchiwankichejman chayqa, qankuna, chantá kay llajtapi tiyakojkuna ima juchachasqas kankichej, uj mana juchayojta wañuchisqaykichejrayku; imaraykuchus cheqamanta Señorpuni kachamuwarqa kay tukuy imasmanta sut'ita willanasuykichejpaj.

Jeremías 26:23

Chaykunataj Uriasta Egiptomanta orqhomorqanku, rey Joacimmantaj aparqanku, paytaj wañuchinankuta kamacherqa, ayantataj ima jusk'ullamampis wijch'uykunankuta kamacherqa.

Jeremías 44:3

Chay millay juchasta ruwasqasninkurayku, phiñachiwarqanku waj dioskunasllata yupaychaspa, inciensosta q'osñichispa; chay dioskunaqa mana imatapis ruwanankuchu karqa, paykunawan qankunawan, nitaj ñaupa tatasniykichejwampis.

Jeremías 5:6

Chayraykumin montemanta leones llojsimuspa wañurachenqanku, chay ch'in pampamanta atojkunataj t'isaranqanku, onzaspis llajtasninku qayllapi qhatiykachanqanku. Llajtasninkumanta llojsejtinkutaj paykunata t'isaranqanku, imaraykuchus ashkha kutista juchallerqanku, ashkha kutistataj wasanchararqanku.

Jeremías 7:9

Qankunaqa suwankichej, wañuchinkichej, qhenchachakunkichej, manakajmanta jurankichej, Baalkunasman inciensota q'osñichinkichej. Qankunaqa mana rejsisqa lantista yupaychankichej.

Lamentaciones 4:13

Chay jina jasut'eqa karqa profetas juchallikusqankurayku, sacerdotes millay juchasta ruwasqankurayku ima. Paykunaqa chay llajta ukhupi cheqan runaspa yawarninta jich'arqanku.

Ezequiel 20:26

Saqerqani ch'ichichakunankuta lantisman jaywanasta apaspa, kuraj wawasninkuta wañuchispataj ninapi ruphachispa jaywanankuta. Chayta ruwarqani paykunaj p'enqayninkupaj, rejsinawankupajtaj noqa Señor kasqayta.

Ezequiel 7:22

Noqa kay runasmanta karunchakusaj, saqesajtaj may munasqa yupaychanawanku imasniyta mana allinman tukuchinankuta. Sajra suwa runas jamuspa wasiytaqa mana allinman tukuchenqanku.

Ezequiel 8:11

Chay lantispa ñaupaqempitaj Israelpa ayllunmanta qanchis chunka kurajkuna kasharqanku. Safampa wawan Jaazanías ima paykunawan kasharqa. Chantá sapa ujninku incienso q'osñichinayoj karqanku, incienso q'osñitaj phuyu jina llojsisharqa.

Daniel (hebreo) 11:31

Paypa soldadosnin Diosta yupaychana wasita ch'ichichanqanku, jinallataj sinch'i ruwasqa pakakuna wasistapis ch'ichichanqanku. Diosman sapa p'unchay jaywana kajtapis chinkachenqanku. Aswampis uj millay lantita churanqanku.

San Lucas 11:50

Kay runaj mirayninmanta tukuy profetaspa yawarnin mañasqa kanqa, mayqenkunachus mundoj qallariyninmantapacha jich'arqanku, chayta; Abelpa yawarninmantapacha, Zacariaspa yawarninkama; pitachus templopi wañucherqanku altarnejpi. Arí niykichej, kay runaj mirayninmanta chay yawar mañasqa kanqa.

Deuteronomio 13:13

Diosta mana kasoj runas rikhurimusqanku, chay llajtapi tiyakojkunatataj pantachisqanku, kay jinata: Jaku, waj dioskunata yupaychamuna, qankuna mana rejsinkichejchu chaykunata, nispa.

Deuteronomio 13:6

Ichapis kikin wauqeyki, chayri qhari wawayki, chayri warmi wawayki, chayri munasqa warmiyki, chayri aswan sumaj kausaqeyki pakayllamanta nisunkiman: Jaku waj dioskunata yupaychamuna, nispa. Chay dioskunataqa nitaj qankuna, nitaj tatasniykichejpis rejserqankichejchu.

Deuteronomio 28:20

Señor maldicionta apachimusonqachej, iskayrayayta, imaymana sajratapis tukuy ima ruwasqaykichejpi. Ajinamanta pisi tiempollapi qankuna chay llakiykunaswan tukuchisqas kankichej. Sichus Señorta millay ruwasqasniykichejwan saqerparinkichej chayqa, Señorqa apachimusonqachej onqoykunata, maypichus tiyakoj rerqankichej, chay jallp'amanta chinkachisqas kanaykichejkama.

Deuteronomio 28:36

Señorqa qankunata, ajllakusqaykichej reyniykichejtawan waj nacionesman apachisonqachej, chay naciontaqa ni qankuna, nitaj tatasniykichejpis rejserqankichejchu. Chaypitaj, k'aspimanta, rumimanta ima ruwasqa waj dioskunata yupaychamunkichej.

Deuteronomio 28:64

Señorqa tukuynej nacionesman ch'eqerachisonqachej, kay mundoj cantosninkama; chaypitaj waj dioskunata yupaychankichej, k'aspimanta, rumismanta ima ruwasqasta. Chaykunata qankunaqa, ñaupa tatasniykichejpis ni jayk'aj rejserqankichejchu.

Apocalipsis 16:6

Paykunaqa ajllasqaspa yawarninta, porfetaspatapis jich'arqanku. Chayrayku qampis yawarllatataj paykunaman ujyachinki. Paykunaqa chay jasut'ipaj jina kanku.

Jueces 5:8

Waj dioskunata ajllakojtinkoqa, llajtaj punkusnimpi maqanakus kallarqapuni, chay tawa chunka waranqa israelitas ukhupeqa mana rikukorqachu ni uj escudo nitaj uj lanzallapis.