Jeremías 19:2 - Qheshwa Biblia DC

² Chaymantaqa llojsiy Benhinon valleman, k'analla ruwana punkuman sayaykamuy, chaypitaj willanki imatachus willasqayki chayta.

DIOSPA QHELQACHISQAN DEUTEROCANONICAL

² Chaymantataj paykunawan khuska Ben Jinón valleman riychej, K'analla Punku nisqa qayllaman, chaypitaj imatachus willasqayki, chayta paykunaman willanki.

DIOSPA QHELQACHISQ

² Chaymantataj paykunawan khuska Ben Jinón valleman riychej, K'analla Punku nisqa qayllaman, chaypitaj imatachus willasqayki, chayta paykunaman willanki.

Jeremías 19:2 Iomraidhean Croise

2 Reyes 23:10

Jinallatataj Ben-Himon vallepi altaresta chay ruphachina cheqata ch'ichichaykullarqataj, amaña pipis qhari wawasninta, chayri warmi wawasninta chaypi Molocman ruphachispa jaywanampaj.

2 Crónicas 28:3

Chaykunaman inciensota q'osñicherqa Ben-hinom Vallepi, wawasnintapis uywa wañuchisqata jina jaywaspa ruphacherqa, imaynatachus chay nacionespi ruwayta yachasqankuman jina. Chaykunatataj Señorqa israelitaspa ñaupaqenmanta wijch'orqa.

2 Crónicas 33:6

Jinataj Ben-hinom vallepi wawasninta jaywanata jina ruphacherqa, wañusqa runaspa espiritunta wajyaj, suertesta qhawaj, p'ajpaku jina ruwaj, layqasta, aysiristapis tapurej. Señorpa ñaupaqempi sinch'i sajrapuni ruwasqasnenqa karqa, Señorta sinch'ita phiñachinankama.

Nehemías 3:29

Chaymanta rej perqatataj Imerpa wawan Sadoc ruwallarqataj wasin chimpapi kashan chayta. Chaymanta rej perqatataj Secaniaspa wawan Semías ruwarqa. Payqa inti llojsimuy punku nisqata qhawaj soldados karqa.

Jeremías 1:7

Señortaj niwarqa: Ama waynallaraj kani nispaqa niwaychu. Qanqa rinayki tiyan maymanchus kachasqayki chayman; imatachus kamachisqayki chayta willamunki.

Jeremías 11:6

Chaypacha Señor niwarqa: Judá llajtaspi kay willayta qhaparimuy, jinallataj Jerusalén callespipis. Niy runasman: Uyariychej imaynatachus kay trato ruwasqapi qelqasqa kasqanta, chantá junt'aychejtaj.

Jeremías 3:12

Rispa willamuy, wichaynejman qhawaspa: Señorqa nillantaj: Noqaman kutirimuy mana kasukoj Israel. Mana phiña uyaywanchu qanta jap'isqayki, nitaj qampaj phiñakuyneyqa wiñaypajchu kashan, imaraykuchus noqaqa k'acha khuyakoj kani. Noqa Señormin niykichej.

Jeremías 32:35

Jinallataj Baalman Ben-hinom vallepi altarkunasta ruwarqanku, chaypi qhari wawasninkuta Molocman ruphachinankupaj, jinamanta Judata juchallichispa. Millay imasta ruwanankutaqa mana kamacherqanichu, ni yuyallarqanipischu chaytaqa.

San Mateo 10:27

Imatachus laqhayajpi niykichej, chayta k'anchaypi niychej. Pakaypi uyarisqaykichejtapis, wasi patamanta qhaparispa willaychej.

Josué 15:8

Chaymanta rillarqapuni Ben-hinom vallenejta, Jebuspa uray cantonta, niyta munan Jerusalennejta. Chaymanta wicharerqa Hinom vallej inti chinkaykuynin chimpan orqo puntannejta, Refaim vallej patannejta.