Jeremías 17:3 - Qheshwa Biblia DC

³ Chay campo orqospi kasharqa chaykunamantapis. Juchasniykirayku saqesaj tukuy qhapaj kajkunasniykita, k'acha imasniykipis suwaqas kanankuta. Jallp'aykipi tukuy yupaychana orqosniykitapis qhechusonqanku.

DIOSPA QHELQACHISQAN DEUTEROCANONICAL

³ Jinallataj campopi, orqokunapi ima kashanku. Juchallisqaykirayku qhapaj tiyapuyniykita, valorniyoj kapuyniykita ima apakapunankupaj wajkunaman jaywaykusaj. Loma patapi yupaychana cheqakunatapis suwanankupaj jaywaykullasajtaj.

DIOSPA QHELQACHISQ

³ Jinallataj campopi, orqokunapi ima kashanku. Juchallisqaykirayku qhapaj tiyapuyniykita, valorniyoj kapuyniykita ima apakapunankupaj wajkunaman jaywaykusaj. Loma patapi yupaychana cheqakunatapis suwanankupaj jaywaykullasajtaj.

Jeremías 17:3 Iomraidhean Croise

2 Reyes 24:13

Nabucodonosorqa Señorpa wasinmantataj tukuynin waqaychasqa kajkunata orqhomorqa, reypa wasimpi waqaychasqasnintawan ima. Israelpa reynin Salomón Señorpa wasimpaj tukuy imata qorimanta ruwasqasnintapis p'akirarqa, imaynatachus Señorqa nisqanman jina.

Salmos 78:58

Manakaj altaresninkuwan phiñacherqanku, mana kaj dioskunata yupaychaspa tumpachikorqanku.

Isaías 27:9

Ajinamanta Jacobpa millay juchasnenqa perdonasqa kanqa. Chaytaj ruwasqa kanqa kay jinata ruwanan kajtin: Tukuy altaresninta cal rumista jina jallp'aman tukuchinan kajtin, amaña yupaychana k'ulluspis kachunchu, amataj intiman rijch'akoj lantispis.

Jeremías 12:12

Tukuynin ch'in pampaj orqosninta jamorqanku, millay phiña runas, noqa Señorpata uj espaday tiyapuwan, kay jallp'ata cantonmanta cantonkama tukuchinaypaj jina, sonqo tiyasqa kayqa mana pipajpis kanqachu.

Jeremías 15:13

Israel, qanta tukuy juchasniykiraykumin enemigosniykej juchasninraykumin jaywaykusaj, qolqesniykita, kapuyniykita, tukuy imaschus jallp'aykipi kajtawan, paykuna chay tukuyta qhasilla apakapunankupaj.

Jeremías 20:5

Jinallatataj kay llajtapipis tukuy ima kajkunasniykichejta, Judapi reykunaspa tukuy imasninkuta Babiloniaman apanankupaj jaywaykullasajtaj.

Jeremías 21:13

Qan, llajta, valleta kamachinki, pampapi uj chhanka jinataj kashanki, noqa Señor contraykipi oqharikuni. Qankunarí ninkichej: Pitaj maqanakoj yaykuykamuwasunmanri?, nispa. Pitaj pakakunanchejkama chayamuwasunmanri?, nispataj.

Lamentaciones 1:10

Enemigosqa Jerusalempata k'acha imasninta jap'ikaporqanku. Jerusalén llajtaqa rikorqa Dioswan parlana wasinman mana creej runas ujllata junt'aykushajta. Chay runastaqa kamacherqanki Señor Dioswan parlana wasiykiman ama yaykunankuta.

Ezequiel 16:39

Paykunaj makinman saqesqayki, qhenchachakunayki cheqasta, lantista yupaychanayki cheqastawan thuñiykunankupaj. Chantá p'achasniykita lluch'usonqanku walqasniykita ima qhechususpa, q'alallata saqerpayasonqanku.

Ezequiel 23:46

Chaymantataj Señorqa kay jinata nin: Noqa chay warmispa contrampi ashkha runasta tantaykamusaj, t'ukushajta saqenankupaj, suwanankupajtaj.

Levítico 26:30

Noqataj t'unarasaj lomas patapi lantista yupaychana wasisniykichejta, incienso altaresniykichejtapis. Qankunaj ayasniykichejta chay mana kausayniyoj lantisniykichej pataman churamusaj. Ajinamanta chejniyniyta rikuchisqaykichej.

Miqueas 3:12

Jinapis, qankunaj juchasniykichejrayku Diospa llajtan Jerusalenqa barbecho llank'asqaman tukonqa, wasispis phirisqa qolluman jinataj, Diospa yupaychana wasimpa orqontaj qhoraswan pakaykusqa kanqa.

Sofonías 1:13

Chayrayku waqaychasninkuta, suwas qhechonqanku. Wasisninkutaj thuñisqas kanqa. Wasista ruwakonqanku, manataj chay wasispi tiyakonqankuchu. Uvasta plantanqanku, chay uvas sach'aj poqoyninmantataj vinota mana ujyanqankuchu.