Jeremías 15:3 - Qheshwa Biblia DC

³ Noqa Señor nini: Noqa apachimusqaykichej tawa laya jasut'ista: Wañuchisonqachej, maqanakupi alqos qhatatasonqachej, suweq'aras mikhusonqachej, chhikachaj millay animalesataj oqoykusonqachej.

DIOSPA QHELQACHISQAN DEUTEROCANONICAL

³ Tata Dios nillantaj: Noqa tawa jasut'iykunata apachimusqaykichej: Maqanakupi wañuchisqa kankichej, alqokuna ayaykichejta qhatataykachanqanku, suwintukunataj ayaykichejta mikhonqanku, k'ita animalkunapis ayaykichejta oqoykonqanku ima.

DIOSPA QHELQACHISQ

³ Tata Dios nillantaj: Noqa tawa jasut'iykunata apachimusqaykichej: Maqanakupi wañuchisqa kankichej, alqokuna ayaykichejta qhatataykachanqanku, suwintukunataj ayaykichejta mikhonqanku, k'ita animalkunapis ayaykichejta oqoykonqanku ima.

Jeremías 15:3 Iomraidhean Croise

Salmos 68:23

Chakisniykita enemigosniykej yawarnimpi mayllakunaykipaj, alqosniykipis chayta laqhonankupaj.

Isaías 18:6

Ajinamanta tukuy chaykuna p'isqospaj, sajra animalespajwan qhepakonqa. Chaypi p'isqosqa q'oñi tiempopi kanqanku. Kay jallp'a patapi sajra animalespis chaypi chiri tiempota pasanqanku.

Jeremías 12:9

Kay noqaj aylloyqa, imaynatachus k'achitu phurusniyoj aycha mikhu p'isqo jina, chaytataj waj aycha mikhu p'isqos maqaj churakunku, ajina kashanku. Jamuychej, tukuy sajra animales kajkuna, tantaykukuychej uj sumaj mikhuy qarakuta ruwanaykichejpaj.

Jeremías 14:12

Ashkha ayunostapis ruwachunku mana uyarisajchu chay mañawasqasninkuta. Apamuchunkupis rikuchikusta, jinataj poqoykunasmanta ofrendasta, manapuni allimpajchu chaykunatapis qhawasaj. Paykunata maqanakupi tukuchisaj, chanta yarqhaywan onqoywan ima.

Jeremías 14:16

Pismanchus willashanku chay ayllupis maqanakupi, jinallataj yarqhaypi wañonqa, chanta warmisnin, qhari wawasnin, warmi wawasnintintaj. Chay ayasninkutaj Jerusalén callespi wijch'usqas kanqanku, mana pipis paykunata p'ampaykojqa kanqachu. Ajinamanta juchasninkumanta pagachikusaj.

Jeremías 16:4

Wañonqanku millay sinch'i onqoykunawan, mana pipis paykunamanta waqanqachu, nitaj p'ampajkuna kanqachu, pampapi wanu jina wijch'urasqas qhepakonqanku. Maqanakuykuna paykunataqa tukuchenqa. Ayasninkutataj chay aycha mikhu phawajkunawan, monte animaleswan mikhonqanku, nispa.

Jeremías 7:33

Chay runaspa ayasnintaqa suwintus, sajra animales ima mikhonqanku, nitaj pipis chaykunata mancharichej kanqachu.

Lamentaciones 3:11

Ñanniyta pantachiwan, mitha noqawantaj. Manchachikuywan kharkatishajta saqerpariwan.

Ezequiel 14:21

Noqa Señormin nini: Aswanraj kanqa maypachachus noqa tawantin sinch'i jasut'iyniyta Jerusalenman apachimojtiy. Ch'ajwata, yarqhayta, millay animalesta, onqoykunata ima, runata, uywasta ima wañurachinampaj.

Ezequiel 33:27

Paykunaman niy: Señorqa kay jinata nin: Noqa kausayniyrayku jurani, pikunachus chay ch'in pampaman tukuchisqa llajtapi kashanku chaykunaqa espadawan wañurachisqas kanqanku. Campo purejkunatataj millay animalesman oqoykunankupaj qosaj. Pikunachus qaqas ukhupi, rumi jusk'uspi kashanku, chaykunaqa onqoywan wañuranqanku.

Levítico 26:22

Qankunaj jallp'asniykichejman apachimusaj sajra monte animalesta wawasniykichejta mikhunankupaj, uywasniykichejtapis tukuchinankupaj. Jinamanta qankunapis pisiyankichej, ñankunasniykichejpis ch'inllaña qhepakonqanku.

Levítico 26:25

Qankunaj pataykichejman maqanakuta apachimusaj, tratonchejta p'akisqaykichejrayku. Qankunataj ayqekunkichej llajtasniykichejman pakakoj. Noqataj chayman onqoykunata apachimusqaykichej, jinamanta qankunaqa enemigosniykichejpa makisninkuman urmankichej.

Amós 5:19

Chay p'unchayqa kanqa, imaynachus uj runa leonmanta ayqekushaspa, jukumariwanñataj tinkuykun, chayri wasinman yaykun, perqamantaj arrimaykukojtin katariñataj khanirparinan, jina kanqa.

Deuteronomio 28:26

Tukuy phawaj p'isqos, tukuy kay pachapi kaj k'ita animalespis ayasniykichejta mikhonqanku, ni pipis paykunataqa manchachenqachu.

Deuteronomio 32:24

Yarqhaywan, q'oñi onqoywantaj wañonqanku. Uj millay onqoy paykunata tukuchenqa. Paykunaman khanikoj sajra animalesta venenoso kataristawan kachamusaj.

Apocalipsis 6:8

Rikullarqanitaj uj q'ellu caballota. Patampi lloq'asqa kajpatataj sutenqa wañuy karqa. Wañuy nisqataj payta qhatisharqa. Payman tukuynin jallp'amanta tawan kaj suyuta qorqanku wañuchinampaj espadawan, yarqhaywan, onqoykunawan, jallp'api monte animaleswan ima.