Jeremías 15:1 - Qheshwa Biblia DC

¹ Señorqa niwarqa: Moiseswan, Samuelwampis kay ñaupaqeyman rikhurimunkuman, chaywampis manapuni kay ayllumantaqa khuyakuymanchu. Niy paykunaman, kay ñaupaqeymanta llojsinankuta, maymampis ripuchunku.

DIOSPA QHELQACHISQAN DEUTEROCANONICAL

¹ Tata Dios niwarqa: Sichus Moiseswan, Samuelwanpis kay aylluyrayku mañakuwankuman chaypis, manapuni kay runakunamanta khuyakuymanchu. Kay runakunata ñawpaqeymanta qharqoy. Maymanpis ripuchunku.

DIOSPA QHELQACHISQ

¹ Tata Dios niwarqa: Sichus Moiseswan, Samuelwanpis kay aylluyrayku mañakuwankuman chaypis, manapuni kay runakunamanta khuyakuymanchu. Kay runakunata ñawpaqeymanta qharqoy. Maymanpis ripuchunku.

Jeremías 15:1 Iomraidhean Croise

Génesis 19:27

Q'ayantintaj tutamanta Abrahamqa wicharerqa maypichus Señorwan parlarqa chayman.

2 Reyes 17:20

Israelpa tukuynin mirayninta Señorqa qhesacharqa, llakiypitaj churarqa, suwaspa makisninmantaj saqerqa, paypa ñaupaqenmanta wijch'usqas kanankukama.

Salmos 106:23

Diosqa paykunata tukuchisaj nerqa. Ajllakusqan Moisés paykunarayku mañakojtintaj, Señorpa phiñakuynenqa tiyaykaporqa.

Salmos 99:6

Moiseswan, Aaronwampis sacerdotesninmanta kanku; Samuelpis Diospa sutinta wajyakojkunamanta kashan. Paykuna Señorta wajyakoj kanku, paytaj uyarej.

Proverbios 14:35

Sumaj yuyayniyoj kamacheqa reyninwan munachikun; mana allin kaj kamachirí phiñapayachikuyllata tarin.

Jeremías 10:18

Imaraykuchus Señorqa nin: Kunan kutipeqa kay jallp'api tiyakojkunata karuman wijch'usaj. Ñak'ariykunasmantaj churasaj, ichachus jinamanta tariwankuman. Nación kutichin:

Jeremías 11:14

Ajinaqa qan Jeremías, ama chay aylloj khuyayninta mañaychu, ama mañawaychu, nitaj paykunarayku majakuwaychu, imaraykuchus ñak'ariypi rikukuspa mañakuwajtinkupis mana uyarisajchu.

Jeremías 14:11

Señorqa niwarqa: Ama majakuwaychu kay aylluy allin kananmanta mañaspaqa.

Jeremías 14:12

Ashkha ayunostapis ruwachunku mana uyarisajchu chay mañawasqasninkuta. Apamuchunkupis rikuchikusta, jinataj poqoykunasmanta ofrendasta, manapuni allimpajchu chaykunatapis qhawasaj. Paykunata maqanakupi tukuchisaj, chanta yarqhaywan onqoywan ima.

Jeremías 15:19

Chaypacha Señor kutichiwarqa: Noqamanchus kutirimuwanki chayqa, noqa qanta jap'ikapusqayki, ñaupaqeypitaj kanki. Sichus qhasi manakaj imasta manaña thautinkichu, manachayqa allin imasllataña ninki chayqa, qan noqamanta willamoj kanki. Paykunamin qanman kutirikamunasunku, manataj qanchu paykunaman kutirikunayki tiyan.

Jeremías 16:13

Chayraykumin kay jallp'amanta wijch'usqaykichej tatasniykichej mana rejsisqankuman, nitaj qankunapis rejsisqaykichejman. Chaypitaj tukuy p'unchay mana rejsisqaykichej dioskunasllata yupaychankichej, manapuni qankunamanta khuyakusajchu, nispa.

Jeremías 16:5

Señorqa nillawarqataj: Ama yaykuychu maypichus uj wañusqa runamanta llakisqa kashanku chay wasiman; ama waqaychu, nitaj payrayku llakiyniykitapis rikuchiychu, imaraykuchus kay aylluymantaqa oqhariniña chay sonqo tiyasqa kayniyta, munakuyniyta, chanta khuyakuyniyta ima. Noqa Señor chayta nini.

Jeremías 18:20

Allin kajtaqa sajrawanchu pagapuna? Paykunaqa ayayta p'ampanankupaj jallp'ata allankuña. Yuyarikuy qanwan tiyakusqaymanta, paykunataj khuyayniykita mañakuspa parlasusqayta mañasuspataj paykunamanta phiñakuyniykita qhechunaykita.

Jeremías 22:28

Jeconiasqa mana ni imapaj p'akisqa k'anallachu? Imaraykutaj payqa wawasnintin mana rejsisqa jallp'aman wijch'usqari?

Jeremías 23:39

Qankunata uj q'epita jina oqharisqaykichej. Qankunaman, jinataj ñaupa tatasniykichejmampis qorqaykichej chay llajtaykichejmantapis noqamanta aswan karuman wijch'usqaykichej.

Jeremías 35:19

Noqa Señor Israelpa Tukuy Atiyniyoj Diosnin cheqamanta niykichej: Jonadabpa ayllunmanta kallanqapuni uj runa, ñaupaqeypi kamachisqayta ruwanampaj.

Jeremías 52:3

Chayrayku Señorqa Jerusalempaj phiñakorqa, chantá Judá ayllupajpis, ñaupaqenmantataj wijch'orqa. Sedequiastaj Babiloniamanta reypa contrampi oqharikorqa.

Jeremías 9:19

Sionmantapacha nanaywan qhapariykuna chayamuwanchej: Ay, imaynatataj mana imayoj llakiypi rikhurinchej! P'enqaypi rikhurinchej! Kay jallp'a suyunchejta saqerparinanchej tiyan, imaraykuchus tiyakuna wasisninchejqa raqaykunallaña kashanku.

Ezequiel 14:14

Kay kinsa runaschus chay llajtapi kashankuman Noé, Daniel, Job ima chayqa, paykunalla kinsantinku salvasqas kankuman cheqa runas kasqankurayku. Noqa Señormin chayta nini.

Ezequiel 22:30

Chay runas ukhupi noqa mask'arqani pillapis kay llajtaj allinninta sayarinanta ñaupaqeypi noqamanta kay llajtarayku mañapunampaj, ajinamanta kay llajtata ama chinkachinampaj, manataj ujllatapis tarerqanichu.

Oseas 9:15

Señor nin: Gilgalpi tukuy kaj juchata ruwarqanku, chaypitaj chejnikuyta qallarerqani. Chay sajra ruwasqasninkuraykutaj wasiymanta paykunata wijch'usaj; manaña munakullasajpunichu, chay kuraj runasninkupis tukuyninku contraypi oqharikorqanku.

Zacarías 3:3

Josuetaj ch'ichi p'achaswan p'achallisqa kasharqa sayasqa Señorpa angelnimpa ñaupaqempi.

Deuteronomio 9:26

Chaypacha Señorman nerqani, mañakorqanitaj kay jinata: Señorníy, kay qampa runasniykita ama chinkachiychu ari. Qan kacharicherqanki jatun kayniykiwan, Egiptomanta jatun atiyniykiwan orqhomorqanki.

Hebreos 9:24

Cristoqa, mana yaykorqachu runaj makinwan ruwasqa santuarioman. Chayqa cheqa kajpa rijch'aynillan karqa. Payqa kikin janaj pachamampuni yaykorqa; Diospa ñaupaqenman qayllaykuspa noqanchejpa allinninchejrayku.

Jueces 5:9

Sonqoyqa kusisqa kashan Israelpa kuraj kamachejkunasninmanta, Aylluypa runasnin maqanakuman rinapaj k'uchis kasqankumantapis. Señorta yupaychaychej.

1 Samuel 12:19

Chayrayku Samuelta tukuy nerqanku: Señor Diosniykimanta mañaripuwayku ari, kay qampa kamachisniyki ama wañunaykupaj, tukuy juchasniykuman kaytawan yapaykukuyku uj reyta mañakuspa.

1 Samuel 12:23

Noqataqa Señor waqaychawachun, paypa contrampi juchallikunaymanta qankunapaj mañayta saqerparispa. Manachayqa qankunata yachachisqaykichej sumajta cheqantataj kausanaykichejpaj.

1 Samuel 7:9

Samueltaj uj juch'uy ñuñushaj corderota jap'ispa tukuyninta Señorpaj ruphacherqa, chaymantataj Señormanta yanapata mañaporqa, Señortaj uyarerqa.