Jeremías 13:21 - Qheshwa Biblia DC

²¹ Ima ninkitaj, qan Jerusalén, qampa yachachisqayki runasllawantaj kamachisqa kaspari? Onqoj warmej nanaykunasnin jina jamusonqanku.

DIOSPA QHELQACHISQAN DEUTEROCANONICAL

²¹ Kuraj kamachej, qoya, ima ninkichejtaj, maypachachus yachachisqaykichej runakunallataj qankunata kamachisonqachej chaypachari? Chay kajtin, qankuna onqokoj warmi jina nanaywan jap'ichikunkichej.

DIOSPA QHELQACHISQ

²¹ Kuraj kamachej, qoya, ima ninkichejtaj, maypachachus yachachisqaykichej runakunallataj qankunata kamachisonqachej chaypachari? Chay kajtin, qankuna onqokoj warmi jina nanaywan jap'ichikunkichej.

Jeremías 13:21 Iomraidhean Croise

2 Reyes 16:7

Chanta Acazqa Asiriamanta rey Tiglat-pileserman kachasninta kacharqa: Noqaqa kamachiyki, wawaykitaj kani; wicharimuspa libraway ari, Siriamanta reypa makinmanta, Israelmanta reypa makinmantawan. Paykunaqa noqaqa maqawaj jamushanku.

Isaías 10:3

Imanankichejtaj cuentata qona p'unchaypiri? Piwantaj yanapachikunkichej karumanta jasut'i jamusojtiykichejri? Maymantaj chay jina qhapaj kayniykichejta churankichejri?

Isaías 13:8

Kharkatiylla junt'aykonqa, llakiywan waqayllawan paykunataqa jap'enqa. Nanaylla, onqoy warmita jina jap'enqa. Sapa uj qhawarinakuspa mancharenqanku, imaraykuchus uyasninku nina jina k'ajarin.

Isaías 21:3

Chayrayku tukuy ukhuy nanawan, onqoy warmi imaynatachus nanaywan q'ewiykachakun, ajinata q'ewiykachakuni. Chay llakikusqayqa mana uyarejta saqewanchu, manchachikuywan mana rikuytapis atinichu.

Jeremías 2:25

Israel, ama q'ara chaki purispa nanachikuychu, ama kunkaykita yakumanta ch'akichikojta saqeychu. Chaywampis qan nerqanki: Mana ni ima kashajtimpis, noqaqa wajkunata munakuni, paykunawantaj ripusaj, nispa.

Jeremías 22:23

Kunan qanqa thapaykipi k'acha karikushanki, Libanomanta chay apamusqa cedros chaupipi. Chantaqa ñak'arinki, maypachachus wijsayoj warmej nanaykunasnin jina jamusojtin.

Jeremías 30:6

Tukuyta tapurikuychej, uj qhari atinmanchu nacechikuyta, imaraykuchus qharista rikuni, uj wijsayoj warmej nanaykunasninwan jina q'ewiykachakojta. Imaraykutaj uyasninku q'ellu q'ellulla kashanri?

Jeremías 38:22

Judamanta reypa palaciompi tukuy qhepakojkuna warmista orqhospa Babiloniamanta reypa kurajkunasninman jaywaykonqanku. Chay warmis kay jinata nenqanku: Paypa aswan sumaj kausaqesnillataj payta wasancharqanku, atipaykorqankutaj; chakisninta t'uruman sat'iykucherqanku, saqerparispataj riporqanku.

Jeremías 4:30

Qanrí, raqayllaña kaj llajta, Imapajtaj puka p'achaswan p'achallikunkiri? Imapajtaj qori k'achanchanaswan k'achanchakunkiri? Imapajtaj ñawisniykita yanawan tiñikunkiri? Mana imapaj allinchu kasonqa chay k'achanchakusqasniykeqa, tukuy munapayasojkunaqa qhesachasunkuña, astawampis wañuchinasunkupaj mask'ashasunku.

Jeremías 4:31

Nanaywan qhapariykunasta uyarini, uj warmi, ñaupaj kaj wawanta nacechikuspa nanaywan qhaparqachan ajina. Chaykunaqa Sión orqoj qharparikusqasnin kanku, makisnintataj jaywarakun. Ay noqamanta! Kay runa wañuchis wañuchishawankuña!, nispa.

Jeremías 48:41

Llajtas chantá pakakuna wasispis urmanqanku enemigospa makisninman. Chay p'unchaypi Moabpa maqanakojkunasnin kharkatenqanku, imaynatachus onqokoj warmi nanaywan kharkatin ajinata.

Jeremías 5:31

Chay profetaspa sut'inchasqasninkoqa llullas kanku, sacerdotekunapis munasqankuman jinalla kamachinku. Aylloyqa ajinatapis munallan! Chaywampis, imanankichejtaj chay tukukuy p'unchay chayamojtinri?

Jeremías 6:24

Jerusalempi runasqa ninku: Chaykunamanta parlajta uyarispaqa kallpayku wañun, onqokoj warmi jinataj ñak'ariypi nanaypitaj kashanku.

Ezequiel 28:9

Wañuchisojpa ñaupaqempeqa, noqa dios kani nispa parlarinkichu? Qanqa runalla kanki, manataj dioschu wañuchisojpa ñaupaqempeqa.

San Mateo 24:8

Chay tukuy imastaj, nanaykunaj qallariynillanraj kanqa.

1 Tesalonicenses 5:3

Maypachachus runakuna nenqanku: Sonqo tiyasqa, waqaychasqataj kayku, nispa; chaypacha ujllata paykunaman wañuy jamonqa, imaynatachus onqoj warmiman nanay jamun, ajinata; paykunataj mana ayqeyta atenqankuchu.