Jeremías 11:4 - Qheshwa Biblia DC

⁴ kay tratota ruwarqani chay ñaupa tatasninkuwan Egiptomanta orqhomorqani chaypacha. Chay jallp'a paykunapajqa, fierrota unuyachinapaj horno jina karqa. Noqa nerqani: Kasuwaychej, ruwaychejtaj tukuy kamachisusqayta, jinamanta qankuna aylluy kanaykichejpaj, noqataj Diosniykichej kanaypaj.

DIOSPA QHELQACHISQAN DEUTEROCANONICAL

⁴ Kay tratota ñawpa tatankukunawan ruwarqani, maypachachus Egiptomanta paykunata orqhomorqani, chaypacha. Egipto suyoqa fierro unuyachina horno jina karqa. Chaypachataj noqa nerqani: Kasuwaychej, ruwaychejtaj tukuy kamachisqayta, chantá qankuna aylluy kankichej, noqataj Diosniykichej kasaj, nispa.

DIOSPA QHELQACHISQ

⁴ Kay tratota ñawpa tatankukunawan ruwarqani, maypachachus Egiptomanta paykunata orqhomorqani, chaypacha. Egipto suyoqa fierro unuyachina horno jina karqa. Chaypachataj noqa nerqani: Kasuwaychej, ruwaychejtaj tukuy kamachisqayta, chantá qankuna aylluy kankichej, noqataj Diosniykichej kasaj, nispa.

Jeremías 11:4 Iomraidhean Croise

Génesis 17:8

Qanman paykunamanwan qosqaykichej kay tukuynin Canaán jallp'ata, kunan maypichus tiyakushanki chayta, chayaqeyki wiñaypaj kanampaj, noqataj Diosniyki kasaj.

1 Reyes 8:51

Imaraykuchus paykunaqa llajtayki chayaqeykitaj kanku, mayqentachus qan orqhomorqanki Egiptomanta fierro hornomanta jina.

2 Reyes 18:6

Imaraykuchus Ezequiasqa Señortapuni qhaterqa, manataj paymanta t'aqakorqachu, imastachus Moisesman Señorqa kamacherqa chaykunata payqa waqaycharqa.

Éxodo 20:6

Khuyakuyniytaqa waranqa waranqasman rikuchini, pikunachus munakuwanku, kamachisqasniytataj kasuwanku chaykunaman.

Isaías 30:6

Neguevpi animalesmanta sut'inchay: Llakiy ñak'ariy jallp'anejta, maypichus leoneslla imaymana phawaj kataris ima tiyanku, chaynejta tukuy kapuyninkuta, qhapajyayninkutawan burrospi, camellospi ima apanku mana yanapayta atej Egipto llajtaman.

Isaías 48:10

Noqaqa llimphucharqayki mana qolqeta jinachu; mana chayqa ñak'ariy hornopi probarqayki.

Jeremías 11:7

Ñaupa tatasniykichejta Egiptomanta orqhomorqani chaypachaqa nerqani kasunawankuta, chaymantapacha kunankamataj k'amillarqanipuni kasunawankuta.

Jeremías 24:7

Allin sonqota qosaj, noqa Señorninku kasqayta rejsinawankupaj. Paykunaqa aylluy kanqanku, noqataj paykunaj Diosninku kasaj, imaraykuchus tukuy sonqowan kutirimpuwanqanku.

Jeremías 26:13

Astawan allinta puriychej, ruwaychejtaj, Señor Diosniykichejtapis kasuychej. Paytaj manaña, apachimusaj nerqa chay ñak'ariykunastaqa apachimusunkichejchu.

Jeremías 30:22

Paykuna aylluy kanqanku, noqataj Diosninku kasaj. Noqa Señor chayta nini.

Jeremías 32:28

Ajinaqa noqa niyki: Babiloniaj reynin Nabucodonosorman, caldeosmampis jap'ikapunankupaj jaywaykapusaj.

Jeremías 38:20

Jeremías kuticherqa: Jinapis jatun reyníy, mana paykunaj makinkuman urmankichu. Kasukuy reyníy, Señorpa nisqanta noqaqa willayki. Allinmin risonqa, kausayniykitataj salvanki.

Ezequiel 11:20

Chantá paykuna leyesniyman jina kausanqanku, kamachisqasninman jinataj purenqanku, junt'anqankutaj. Paykunaqa aylluy kanqanku, noqataj paykunaj Diosninku kasaj.

Ezequiel 14:11

Ajinamanta Israel aylloqa ama jayk'ajpis noqamanta t'aqakunampaj, amataj runata wañurachispa ch'ichichanankupaj. Paykuna aylluy kanqanku, noqataj paykunaj Diosninku kasaj. Noqa Señormin kaytaqa nini.

Ezequiel 36:28

Ñaupa tatasniykichejman qorqani chay jallp'apitaj tiyakunkichej. Qankuna aylluy kankichej, noqataj Diosniykichej kasaj.

Ezequiel 37:23

Manañataj qhasi mana kaj dioskunapi ch'ichichakonqankuchu, ni millay puriyninkupi, nitaj sajra ruwayninkupipis, chaykunanejta juchallikorqanku. Noqa paykunata llimphuchasaj. Ajinamanta aylluy kanqanku, noqataj paykunaj Diosninku kasaj.

Ezequiel 37:27

Paykunawan khuska tiyakusaj. Noqa paykunaj Diosninku kasaj, paykunataj aylluy kanqanku.

Daniel (hebreo) 3:26

Kayta nispataj, Nabucodonosorqa horno punkuman qayllaykorqa, qhaparerqataj: Sadrac, Mesac, Abed-nego, may jatumpi Diospa kamachisnin, llojsimpuychej, jampuychejtaj kayman!, nispa. Kinsantin llojsimorqanku nina chaupimanta.

Levítico 26:12

Noqa qankunaj chaupiykichejpi purisajpuni Diosniykichej kasaj, qankunataj noqaj aylluy kankichej.

Levítico 26:3

Sichus leyesniypi purinkichej, allintataj waqaychankichej kamachisqasniyta, chaykunatataj kasunkichej chayqa, jallp'aykichejman parachimusaj maychus tiempompi. Jallp'aykichejqa sumajta poqonqa, poqoy sach'asniykichejpis sumaj poqoyniyoj kanqa.

Zacarías 6:15

Karumanta runas jamonqanku, Señorpa yupaychana wasinta ruwaypi yanapanankupaj; jinamanta yachankichej qankunaman Tukuy Atiyniyoj Señor kachamuwasqanta. Kay tukuy imas kanqanku maypachachus qankuna Señorpa nisqanta uyarinkichej, kasunkichejtaj chaypacha.

Zacarías 8:8

Apamusajtaj paykunata Jerusalenman chaypi tiyakunankupaj. Chaypacha paykuna aylluy kanqanku, noqataj Diosninku kasaj, cheqa kaypi llimphu kaypitaj.

2 Corintios 6:16

Chantá ima allintaj kanman, Diospa templompi lantikuna kanankuri? Qankunaqa kausashaj Diospa templon kankichej, imaynatachus Dios nerqa: Kausajtaj, purisajtaj paykuna ukhupi. Paykunaj Diosninku kasaj. Paykunataj aylluy kanqanku.

Deuteronomio 11:27

Benedicionqa kanqa kasojtiykichej Señor Diosniykichejpa kamachiykunasninta, kunan qosqaykichej chayta ima.

Deuteronomio 4:20

Señorqa qankunata jap'ispa fierrota unuyachej Egipto hornomanta orqhomusorqachej, Paypa chayaqen ayllu kanaykichejpaj, imaynachus kunan kashankichej jinata.

Deuteronomio 5:6

Noqa Señor Diosniyki kani, Egiptomanta orqhomorqayki, kamachillapuni kanaykimanta.

Hebreos 5:9

Allinchasqaña kaspa, tukuy payta kasojkunapaj wiñaypaj salvajnin churasqa karqa.

1 Samuel 15:22

Chaypitaj Samuelqa kuticherqa: Señortaqa kasuypuni, astawan allinta kusichin, chay rikuchikusta, jinataj ruphasqa rikuchikusta jaywanamanta nisqaqa. Astawan allinraj payta kasunaqa, nisqasninta kasunapis, chay rikuchikusmanta, jinataj chay corderoj wirasninta jaywanamanta nisqaqa.