Jeremías 10:21 - Qheshwa Biblia DC

²¹ Kay aylluta michejkunaqa wampus kanku; Señorta mana mask'ankuchu. Chayraykumin paykunaqa mana allinchu rinku, tukuy uywasninkupis ch'eqerasqas kashanku.

DIOSPA QHELQACHISQAN DEUTEROCANONICAL

²¹ Aylluta michejkuna wampuman tukorqanku. Tata Diosta mana mask'ankuchu. Chayraykumin paykunata mana allinchu rin. Tukuy ovejankunapis ch'eqerapunku.

DIOSPA QHELQACHISQ

²¹ Aylluta michejkuna wampuman tukorqanku. Tata Diosta mana mask'ankuchu. Chayraykumin paykunata mana allinchu rin. Tukuy ovejankunapis ch'eqerapunku.

Jeremías 10:21 Iomraidhean Croise

Jeremías 10:14

Tukuy runas mana yuyayniyojkuna, wampustaj kanku, pichus lantikunata ruwajqa p'enqaypi rikhurin, chaykunaqa yanqha lantislla, manataj kausayniyojchu kanku.

Jeremías 10:8

Tukuy paykuna wampus kanku, mana uj chhikan yachayninkupis kanchu. Uj juch'uy k'aspillaqa mana imatapis yachachinchu.

Jeremías 12:10

Ashkha enemigosniypa kurajkunasnin uvas huertayta t'ustiykunku, chayaqe jallp'aytataj saruranku. Q'arasqa ch'in pampaman chay munasqa jallp'ayta tukuchinku.

Jeremías 2:8

Sacerdotesqa nerqanku: Maypitaj Señor kashanri?, nispa. Leyniymanta yachachejkunapis mana rejsikapuwarqankuchu. Kurajkunarí contraypi oqharikorqanku. Profetasqa Baalpa sutillampi parlarqanku, chay qhasi manakaj lantispa qhepantataj riporqanku.

Jeremías 22:30

Kay runaj sutinta librosman qelqaykuychej, mana wawasniyoj runata jina, chantá kausaynimpi mana allin kausayniyojlla runata jina. Ni pipis mirayninmanta kajkunaqa, Davidpa tronompeqa tiyakonqachu Judapi watejmanta kamachinampajqa.

Jeremías 49:32

Camellosninkuta, tukuy uywasninkutapis suwarpariychej. Tukuynejman noqa paykunata ch'eqerachisaj, chay umasninkuta ruthukoj runasta; tukuynejmanta may ñak'ariykunasta paykunaman apachmusaj. Noqa Señor chayta nini.

Jeremías 5:31

Chay profetaspa sut'inchasqasninkoqa llullas kanku, sacerdotekunapis munasqankuman jinalla kamachinku. Aylloyqa ajinatapis munallan! Chaywampis, imanankichejtaj chay tukukuy p'unchay chayamojtinri?

Jeremías 50:17

Israelqa uj chinkasqa oveja jinamin, leonespa qhatiykachasqan. Ñaupajtaqa Asiriamanta reyraj mikhuykorqa. Chaymanta Babiloniamanta rey Nabucodonosorñataj tullusninta k'utuykorqa.

Jeremías 8:9

Chay yachayniyojkunarí k'umuykuchisqas, mancharichisqastaj kanqanku, imaynatachus uj uywa tojllapi jap'ichikun jinata. Maypitaj chay yachayninku kashanri, palabrasniyta paykuna qhesachajtinkuri?

Ezequiel 34:12

Imaynatachus uj michejqa ch'eqerasqa ovejasnin chaupipi rikhurispa rejsirakapun, ajinata noqapis ovejasniyta rejsirakapusaj. Mayqen cheqamanchus phuyusqa p'unchaypi ch'eqerakaporqanku chaykunamanta tarikampusaj.

Zacarías 10:3

Chayrayku nin Señorqa: Phiñakuyniy astawan k'ajarin michejkunaspa contrampi, jasut'isajtaj kay aylluyta pusaykachajkunata. Tukuy Atiyniyoj Señor, Judajpa mirayninmanta chay tropanta waqaychan. Paykunamantarí uj maqanakupaj may kallpayoj caballota jina ruwanqa.

Zacarías 13:7

Tukuy Atiyniyoj Señorqa nillantaj: Oqharikuy, espada, michejpa contrampi, yanapajniypa contrampitaj! Wañuchiy chay michejta ovejasniytaj ch'eqeranqanku, juch'uy kaj corderosninmantaj noqa kutiykukusaj!