Jeremías 10:10 - Qheshwa Biblia DC

¹⁰ Señorqa cheqan Diospuni, kausaj Diospuni, wiñaypaj reytaj. Maypachachus pay phiñarikun chayqa, jallp'antin kharkatitin. Nacionestaj phiñakuyninta mana jap'ikuyta atinkuchu.

DIOSPA QHELQACHISQAN DEUTEROCANONICAL

¹⁰ Tata Diostajrí cheqa kaj Diospuni, kawsaj Dios, wiñaypaj Kuraj Kamachejtaj. Maypachachus pay phiñakun, chaypacha, kay pacha kharkatitin. Phiñakojtenqa, suyukunapis mana sayayta atinkuchu.

DIOSPA QHELQACHISQ

¹⁰ Tata Diostajrí cheqa kaj Diospuni, kawsaj Dios, wiñaypaj Kuraj Kamachejtaj. Maypachachus pay phiñakun, chaypacha, kay pacha kharkatitin. Phiñakojtenqa, suyukunapis mana sayayta atinkuchu.

Jeremías 10:10 Iomraidhean Croise

Génesis 21:33

Abrahamtaj uj tamarisco sach'ata chaypi tarporqa. Beersebapi Abrahamqa wiñay kausayniyoj Señor Diosmanta mañakorqa.

1 Reyes 18:39

Tukuy runastaj chayta rikuspa, qonqorikuspataj pampakama k'umuykorqanku; nerqankutaj: Señorlla Diosqa, Señorlla Diosqa!, nispa.

1 Reyes 8:60

Ajinamanta chay jallp'a patapi tukuynin naciones yachanankupaj, Señorlla Dios kasqanta, manataj waj kasqanta.

1 Crónicas 29:11

Señor qampatamin jatunchasqa kayqa, atiypis, kusiypis, atipaypis, jatunchasqa kaypis! Qampatamin kay pachapi, janaj pachapi, tukuy ima kajpis. Reinopis qampallatataj, Señor, qanlla tukuymanta aswan jatun atiyniyoj kanki.

2 Crónicas 15:3

Israelqa may unayta mana Dioswanchu karqa, mana yachachej sacerdoteyoj, nitaj leymanta ima yachachiyniyoj.

Job 9:6

Payqa jallp'ata kuyurichin, maypichus sayanasnin kashan chay tukuyninta kharkatichin.

Salmos 10:16

Señorqa wiñaypaj rey. Diospi mana creejkunaqa llajtankumanta wijch'usqas kanqanku.

Salmos 100:3

Yachaychej Señorqa Dios kasqanta. Pay ruwawarqanchej, manataj noqanchej kikinchejchu ruwakorqanchej, Paypa ayllun kanchej, q'omer pastosninmanta ovejasnintaj.

Salmos 100:5

Señorqa may k'achamin, khuyakuynenqa wiñaypaj. Cheqa kaynintaj mana tukukuyniyoj tukuy runa mitapaj.

Salmos 104:32

Señor qhawarejtin jallp'aqa kharkatin, llankharejtintaj orqosqa q'osñirinku.

Salmos 114:7

Qan, jallp'a, kharkatiy, Jacobpa Diosnin Señorpa ñaupaqempi.

Salmos 145:13

Rey kasqaykeqa wiñaypaj, kamachiyniykeqa tukuy runa mitaspaj.

Salmos 146:6

Pay ruwarqa janaj pachata, kay pachatapis, mar qochata, tukuy chaypi kajkunatawan. Payqa nisqanta junt'ampuni.

Salmos 18:7

Chaypacha sinch'ita jallp'aqa kharkaterqa. Orqospis uranmantapacha thalarikorqanku. Señorpa phiñakuyninwan ikhasqas karqanku.

Salmos 29:10

Señorqa parasta parachin. Señorqa wiñaypaj rey jina kamachin.

Salmos 31:5

Makisniykipi almayta churani. Orqhokapuwaytaj cheqa Señor Diosníy.

Salmos 42:2

Kausaj Diosmanta ch'akichikuni. Mayk'ajtaj Diospa ñaupaqenman chayasajri?

Salmos 68:11

Señorqa uj palabrata qorqa, ashkha warmistaj mosoj willaykunata willajkuna karqanku.

Salmos 68:8

jallp'aqa kharkaterqa, cielomantataj paramorqa. Sinaí orqo Diospa ñaupaqempi kharkaterqa, Israelpa Diosnimpa ñaupaqempi.

Salmos 74:12

Unaymantapachaña qan reyniy kanki. Salvacionta kay pachapi wakichinki.

Salmos 76:7

Qanqa manchachikunamin kanki. Pitaj ñaupaqeykipi sayayta atinmanri? K'araj phiñasqa kashajtiykiri?

Salmos 76:8

Janaj pachamantapacha justiciaykita rejsichinki, jallp'aqa manchachikun, kikimpitaj sayan.

Salmos 77:18

Qhon qhonkunasniyki sinch'i sonaj wayrapi uyarikun. Lliuj lliujkunastaj kay pachantinta lliphipirin, jallp'ataj ikhakuywan kharkatin.

Salmos 84:2

May jinatapuni munani usqhayllata wasiykej patiosnimpi kayta; tukuy sonqoywan, tukuy aychaywan, kausayta qoj Diosman takini.

Salmos 9:8

Cheqan sonqo mundontinta juzganqa. Pay runasta cheqanta juzganqa.

Salmos 90:11

Pitaj yachan phiñakuyniykej atiyninta? Pitaj yachan phiñakuyniyki mayk'ajkamachus kasqantari?

Salmos 90:2

Manaraj orqos ruwakushajtin, nitaj jallp'apis, mundopis kashajtin, ñaupajmantapachaña, wiñaykamapis, qan Dios kanki.

Salmos 93:2

Chaymantapachataj, Señor, tiyanaykeqa sinch'ita sayan. Qanqa wiñaymantapacha karqanki.

Salmos 97:4

Lliuj lliujkunasnintaj kay pachata k'anchaykun, jallp'ataj chayta rikuspa kharkatin.

Isaías 37:17

Uyariway ari Señorníy, ñawiykita kicharispa qhawarimuy ari. Senaqueribpa tukuy nisqanta uyariy ari, pay kachamun kayman, qan kausaj Diosniypa contranta kaypi rimanampaj.

Isaías 37:4

Ichapis Señor Diosniyki soldadosta kamachejpa palabrasninta uyarin ari; paytaqa Asiriaj reynin kachamun chaypi Kausaj Diospa contranta sajrata parlanampaj, noqanchejpa contranchejta ima. Ichapis Señor Diosniyki paykunata jasut'inman. Diosniykimanta mañapuwayku ari, kaypi mashkhachus puchunkuraj chaykunapaj.

Isaías 40:15

Paypajqa tukuy naciones uj sut'oj yaku jinalla, pesaspi uj chhika ñut'u jak'itu jinalla, yaku churuspis uj ñut'u t'iyuta jina chinkarichin.

Isaías 40:28

Manachu yacharqanki, manatajchu uyarerqanki wiñaypaj kaj Diosqa Señor kasqanta, kay tukuynin jallp'atapis pay ruwasqanta? Payqa mana iskayrayanchu, nitaj sayk'unchu. Payqa yuyasqantaqa mana pipis yachayta atinchu.

Isaías 57:15

Ajinata nin jatun Diosqa, wiñaypaj tiyakojqa, sutenqa Santo Dios: Noqaqa patapi tiyakuni, Santo cheqaypi. Llamp'u sonqoyojwan, k'umuykukojwan kashani, k'umuykukoj sonqoyojkunata, llakisqakunatawan kusichinaypaj.

Isaías 65:16

Pichus kay jallp'a patapi tukuy imayojpis kayta munan chayqa, cheqa kaj Diosmanta jap'in. Pichus jurayta munan chayqa, cheqa kaj Diospa sutimpi juranqa. Qallariymantapacha ima llakiykunaschus karqa chaykunaqa, qonqasqas kanqa. Mana ujtawan rikunaypaj pakasqas kanqanku.

Jeremías 23:36

Jinapis qankunaqa ama kay jinata parlaychejchu, Señorpa willaynin kayqa, nispa. Pillatajpis Señorpa palabran kasqanta ninman chayqa, chay kikin palabrasnillantataj uj q'epiman tukuchisaj. Qankunamin kausaj Diospa palabrasninta uj jinaman tukuchinkichej. Payqa Diosniykichej, Tukuy Atiyniyoj Señortaj.

Jeremías 4:24

Orqosta qhawarerqani, manchayta ikharikusharqanku, tukuy juch'uy lomasnimpis kharkatishallarqankutaj.

Jeremías 50:46

Babilonia llajtaj urmaykusqanqa karuman uyarikonqa, jallp'atapis kharkatitichenqa, qhaparachasqasninkupis waj nacioneskama uyarikonqa.

Jeremías 51:29

Kay pacha ikhakun, kharkatitintaj, imaraykuchus Señorqa junt'ashan chay wakichikusqasninta, Babiloniata uj ch'in pampaman tukuchinan karqa chayta.

Daniel (hebreo) 4:3

May jatuchaj kanku t'ukunapaj jina ruwasqasnin, milagro ruwasqasnimpis! Rey kaynenqa manapuni tukukonqachu, atiynintaj miraymanta waj miraynintinkama kanqa.

Daniel (hebreo) 4:34

Jasut'i p'unchaykuna junt'akojtin, noqa Nabucodonosorqa, janaj pachata qhawarerqani, loco kayniymantataj thañisqa kasqayta reparakorqani. Chaypacha, Jatun Diosta yupaycharqani, kay palabraswantaj wiñaypaj kausayniyojta jatuncharqani: Paypa atiynenqa wiñaypajpuni. Llajtakunata kamachinantaj miraypa miraynintimpaj kanqa.

Daniel (hebreo) 6:26

Kaytataj kamachini, tukuynin reinoypi, Danielpa Diosnintaqa respetachunku, payllamantaj k'umuykuchunku. Paymin kausaj Diosqa. Payllapuni wiñaypaj wiñaynintinkama. Reinonqa mana jayk'ajpis t'unasqachu kanqa, nitaj atiynimpis tukukonqachu.

Daniel (hebreo) 6:27

Paymin salvajqa, kacharichejtaj. T'ukuna k'acha imasta rikuchin, janaj pachapi, jinallataj kay pachapipis. Paymin Danielta salvarqa leonespa sillusninmantaqa.

Daniel (hebreo) 7:14

Paymantaj atiyta qorqanku, chanta k'anchayniyoj kayta, llajtasta kamachiytapis. Tukuy nacionesmanta kaj runakuna, tukuy parlaymanta kaj runakunataj payta sirverqanku. Atiynintaj kikillampuni kanqa, kamachinantaj mana jayk'ajpis t'unasqachu kanqa.

Joel 2:11

Señorqa ejercitompa ñaupaqempi kashan. Jatun qhapariynintataj uyarichin. Soldadosnenqa may ashkhapuni kanku. Kamachisqasninta junt'ajkunataj mana yupay atinas kanku. May jatun, manchachikunataj Señorpa p'unchaynenqa! Mana kanchu pipis ñaupaqempi sayarejqa.

Miqueas 1:4

Chakisnin urapi orqos unuyanqanku imaynatachus cera mach'aqa ninaman churaykunchej jinata, vallestaj iskayman kicharisqas kanqanku, imaynatachus uj wayk'upi may chhika yaku correspa kicharin ajinata.

Nahúm 1:5

Paypa ñaupaqempeqa orqos kharkatirinku, chay lomaspis unuyallankutaj ñaupaqempeqa. Tukuy jallp'antin kharkatirin Payta qawaspaqa, kay pachapi tiyakojkunapis kharkatitillankutaj.

Nahúm 1:6

Phiñakuynimpiri, pitaj sayasqallapipuni kanmanri? Pitaj chay phiñakuyninta ñak'ariyta atinmanri? Sinch'i phiñakuynenqa nina jinapuni t'akarikamun, ñaupaqempeqa qaqaspis iskayman lajrarikunku.

Habacuc 3:10

Orqosqa kharkatitinku rikususpa, parapis patamanta ima jina jich'akun, chantá mama qochaj ukhu pachampis manchayta ch'ajwarin patampi jatuchej olas oqharikojtin.

Habacuc 3:6

Jallp'aqa kharkatitin, Pay sayaykojtenqa, qhawajtimpis chay naciones kharkatitinku; chay ñaupa orqosnenqa urmaykunku; chay ñaupa orqospis pampachakunku; chaywampis, Diospa ñankunasnenqa wiñaypaj kanku.

Malaquías 3:2

Chanta, Señor jamonqa chay p'unchaypi, pitaj aguantayta atenqarí? Pitaj ñaupaqempi sayariyta atenqa Pay rikhurimojtinrí? Imaraykuchus chayamonqa nina kikin, ch'uwachanawanchejpaj, jabón jinataj jucha ch'ichinchejta pichanawanchejpaj.

San Mateo 16:16

Simón Pedrotaj kutichispa nerqa: Qanqa Cristo kanki, kausaj Diospa Churin.

San Mateo 26:63

Jesustaj ch'inlla kakorqa. Chaymantataj jatun sacerdoteqa, payman nerqa: Kausashaj Diospa sutimpi niwayku. Qanchu Cristo, Diospa Churin kanki?

San Juan 17:3

Kaymin chay wiñay kausayqa: Qan k'ata cheqa Diosta rejsisunanku, kachamusqayki Jesucristotapis.

Deuteronomio 32:4

Payqa jark'akuwajninchej, ruwasqasnenqa may sumajpuni. Tukuy ñankunasnenqa cheqampuni. Payqa mana llullakoj Dioschu. Payqa mana jayk'ajpis pantanchu. Payqa cheqanmin, cheqa kajta ruwajtaj.

Deuteronomio 5:26

Pi runataj chay jina nina lauraj chaupimanta kausaj Diospa parlamusqanta uyarenqari noqayku jina mana wañuspari?

1 Tesalonicenses 1:9

Paykunallataj noqaykumanta willanku imaynamantachus qankunaman yaykumusqaykuta, imaynamantachus qankunapis lantikunamanta kutirikusqaykichejta, kausaj cheqa Diosta kasunaykichejpaj.

1 Timoteo 1:17

Alabanachej, jatunchanachejtaj reyta wiñaypaj payqa mana tukukoj wañoj, mana rikukoj, uj k'ata Diostaj. Amén.

1 Timoteo 6:17

Kay pachapi qhapajkunata kamachiy ama alabakunankuta, amataj kapuyninkupi suyanankuta. Chaykunaqa mana kajlla. Kausashaj Diosqa tukuy imata qowanchej ashkhata chaywan kausananchejpaj.

Hebreos 10:31

Mancharinapaj jina, kausaj Diospa makisninman urmayqa!

Josué 3:10

Kaypimin yachakonqa kausashaj Señor Diosniykichej qankunaj chaupiykichejpi kasqanqa, risqaykichejman jina ñaupaqeykichejmanta pichasqampi, cananeosta, hititasta, heveosta, ferezeosta, gergeseosta, amorreosta, chantá jebuseosta ima.

1 Juan 5:20

Yachanchej Diospa Churin jamuspa yachayta qowasqanchejta, cheqa Diosta rejsinanchejpaj; cheqa Churimpitaj kananchejpaj. Pay cheqa kaj Diosqa, wiñay kausaytaj.

Apocalipsis 20:11

Rikorqanitaj uj jatun yuraj tronota, chaypi tiyasqa kashajtawan. Paypa ñaupaqenmantataj kay pacha, janaj pachapis ayqerqanku, manañataj ni mayman riyta aterqankuchu, chinkarerqankutaj.

Jueces 5:4

Señor maypachachus Seirmanta qan llojserqanki; Edompa camposmanta ripushajtiykitaj, jallp'a ikhakorqa, cielopis qharkaterqa; phuyuspis parankuta jich'amorqanku.

1 Samuel 17:26

Chaypacha David tapurerqa chay ladompi kajkunata: Imatataj qonqanku kay filisteo runata wañuchejman, Israelta k'umuykachachejta qhechojmanri? Pitaj kasqa Diosta mana rejsej runari, kausaj Diospa soldadosnimpa contrampi sayaykojri?, nispa.

1 Samuel 17:36

Ajinata kay kamachiykeqa wañuchej leontapis, chayri osotapis. Kay Diosta mana rejsej runatapis kikillantataj ruwasaj, kausaj Diospa soldadosnimpa contrampi sayaykusqanrayku.