Génesis 6:9 - Qheshwa Biblia DC

⁹ Kay jina karqa Noepa kausaynin: Noeqa cheqan karqa, sumaj runataj chay tiempo runa mita ukhupi, Diosta kasuspapuni. Ajinaqa pay k'atalla Diospa munasqanta ruwarqa.

DIOSPA QHELQACHISQAN DEUTEROCANONICAL

⁹ Noéj kawsasqan kay jina karqa: Noeqa cheqanta ruwaj runa karqa, paytaj Diosta kasuspallapuni purerqa. Chaypacha tiyakojkunamanta paylla Diospa munasqanta ruwaspa kawsarqa.

DIOSPA QHELQACHISQ

⁹ Noéj kawsasqan kay jina karqa: Noeqa cheqanta ruwaj runa karqa, paytaj Diosta kasuspallapuni purerqa. Chaypacha tiyakojkunamanta paylla Diospa munasqanta ruwaspa kawsarqa.

Génesis 6:9 Iomraidhean Croise

Génesis 10:1

Kaykuna karqanku Noepa wawasnimpa miraynin Sempata, Campata, Jafetpatawan, jatun musphay paramanta qhepaman.

Génesis 17:1

Abram isq'on chunka isq'onniyoj watasniyoj kashajtin, Señorqa rikhurerqa payman, nerqataj: Noqa tukuy atiyniyoj Dios kani; qan kausay ñaupaqeypi sumaj kausayta, mana pejpa k'aminan.

Génesis 2:4

Chaymin janaj pachaj qallarikuynin, kay pachaj qallarikuynintaj. Maypachachus Dios ruwarqa janaj pachata kay pachatawan chaypacha, manaraj ni ima sach'apis karqachu, nitaj ima q'omer qhorapis jallp'api wiñarqarajchu, imaraykuchus Señor Dios manaraj parachimorqarajchu jallp'a pataman, nitaj pipis karqarajchu jallp'ata llank'anampaj.

Génesis 48:15

Jinaspataj Joseta bendicerqa kay jinata: Tukuy atiyniyoj Dios, pitachus kasorqanku abuelosniy Abraham, Isaacwan; mayqenchus noqata pusaykachakuwarqa nacesqay ratomantapacha, tukuy sajra kajmanta waqaychawaj, ángel, kay wawasta bendicichun. Paykunanejta sutiy yuyarisqa kanampaj, jinallataj tatasniypa sutisnimpis Abrahampata, Isaacpatawan. Paykuna kachunku ashkha wawasniyoj, ashkhas kachunku kay mundopi.

Génesis 5:1

Kaykuna kanku Adampa mirayninmanta kajkuna. Mayk'ajchus Dios runata ruwarqa, chaypacha runaqa payman rijch'akoj karqa.

Génesis 5:22

Enocqa Diospa munayninman jinapuni kausarqa. Matusalén nacesqanmanta qhepata, Enoc kausarqa kinsa pachaj watastawan. Wawasnintaj karqanku qharis, chanta warmis.

Génesis 5:24

Enoc Diospa munayninman jinapuni kausasqanrayku uj p'unchay chinkaporqa, imaraykuchus Dios pusakaporqa.

Génesis 6:10

Noepata kinsa wawasnin karqa, Sem, Cam, Jafetwan.

Génesis 7:1

Señorqa Noeman nerqa: Arcaman yaykuy tukuy aylluykiwan; imaraykuchus qanlla allinta purinki ñaupaqeypi tukuy kay tiempo runasmanta nisqaqa.

2 Samuel 22:24

Paypa ñaupaqempi mana ima juchayoj purerqani; jucha ruwaymanta karunchakuni.

1 Reyes 3:6

Chanta Salomonqa nerqa: Qanqa khuyarqanki jatun khuyakuyniykiwan tatay David kamachiykita, imaraykuchus payqa purerqa qampa ñaupaqeykipi cheqanta, cheqa kaypi, cheqan sonqowantaj, qantaj mayta khuyakorqanki, uj wawatapis qorqanki tronompi tiyakunampaj, imaynachus kunan p'unchay kashan jina.

2 Crónicas 15:17

Asaqa mana chinkacherqachu Israelpi lomas patapi lanti churana wasistaqa. Chaywampis payqa tukuy kausaynimpi cheqan sonqoyoj karqa.

2 Crónicas 25:2

Amasiaspa ruwasqasnenqa cheqan karqanku Señorpa rikuynimpeqa, chaywampis mana tukuy sonqowanchu ruwarqa.

Job 1:1

Uz jallp'api uj runa Job sutiyoj tiyakorqa. Payqa sumaj cheqan karqa, Diostaqa tukuy imapi sumajta kasoj, sajramantataj karunchakoj.

Job 1:8

Señortaj payman nerqa: Manachu kamachiy Jobta repararqanki? Pay jina runaqa kay jallp'a patapi mana kanchu; payqa noqaj kamachisqayta tukuy sonqo ruwan, sumaj cheqantataj kausan, Diosta manchachikun, sajramantapis karunchakun.

Job 12:4

Noqaqa mana juchayojchu, nitaj k'aminachu kani; ñaupaj tiempospi Diosqa mañakusqasniyta uyariwaj; kunantaj kausaqesneyqa asikuwanku.

Salmos 37:37

Cheqan runata, llimphu kausayniyoj runatawan qhawariy; paypajqa sonqo tiyakuy kanqa.

Salmos 37:39

Allin runaspaj Señormanta yanapay jamun. Llakiy tiempopi paymin jark'akojninkoqa.

Proverbios 4:18

Cheqan runaspa ñanninkoqa sut'iyamuyta inti llojsimushaj jina, astawan p'unchayyamusqanman jinari sumajta k'ancharimun.

Eclesiastés 7:20

Chaywampis kay jallp'a patapeqa mana uj runallapis cheqan runaqa kanchu, nitaj mana jayk'aj juchallikuspa cheqantapuni ruwaj kanchu.

Ezequiel 14:14

Kay kinsa runaschus chay llajtapi kashankuman Noé, Daniel, Job ima chayqa, paykunalla kinsantinku salvasqas kankuman cheqa runas kasqankurayku. Noqa Señormin chayta nini.

Ezequiel 14:20

Chaypitajchus Noé, Daniel, Job ima tiyakushankuman chaypis, mana salvayta atinkumanchu, qhari wawasninta, nitaj warmi wawasnintapis. Paykunalla cheqa runas kasqankurayku salvakunkuman. Noqa Señormin kausayniyrayku jurani.

Habacuc 2:4

Kay jinatamin qelqanayki kashan: Sajrata ruwajkunaqa mayta runaykachanku. Chaywampis cheqan runasqa Diospi creesqankurayku kausanqanku.

San Lucas 1:6

Qhari warmi karqanku llimphu kausayniyoj runas Diospa ñaupaqempi; Señorpa nisqanman jina kausakuspa, ni pejpa ima ninan.

San Lucas 2:25

Chaypacha tiyakorqa Jerusalempi, uj runa Simeón sutiyoj. Payqa k'acha karqa, Diostataj manchachikoj. Allin runa kaspa suyasharqa Israel sonqochasqa kananta. Santo Espiritupis paypi kasharqa.

San Lucas 23:50

Uj runa karqa k'acha, cheqantaj, José sutiyoj, Judeapi Arimatea llajtamanta. Payqa judiospa juntankumanta ujnin karqa.

Hechos 10:22

Paykunataj kuticherqanku: Capitán Cornelio kachamuwayku. Payqa cheqan runa, Diospa manchaynimpitaj kakun. Judiostaj jatumpi jap'inku. Diospa angelnintaj Cornelioman nerqa wasinman wajyachisunanta, qampa parlasqaykita uyarinampaj.

Romanos 1:17

Evangeliopeqa Diospa justician fenejta rikuchikun, fepajtaj; imaynachus escribisqa kasqanman jina: Cheqan runaqa fenejta kausanqa.

Gálatas 3:11

Chay leynejta mana Diospajqa cheqan runachu, imaraykuchus cheqan runaqa, fenejta kausanqa.

Deuteronomio 18:13

Qankunaqa Diospa ñaupaqempi cheqan sonqoyojpuni kanaykichej tiyan.

Hebreos 11:7

Creespa Noeqa Diosmanta yachachisqa karqa, chay manaraj rikukoj imasmanta; manchachikuywantaj arcata wakicherqa, familiampis salvasqa kanampaj; chay feraykutaj mundota juchacharqa, feraykullataj Diosmanta cheqan kajpaj qhawasqa karqa, chayaqeyojtaj rikhurerqa.

1 Pedro 2:5

Qankunapis kausaj rumis jina, Espiritupi uj templo jina ruwasqas kankichej, ajllasqa sacerdotes kanaykichejpaj; Jesucristonejta Diosman Espiritupi allin kaj jaywanasta jaywanaykichejpaj.

2 Pedro 2:5

Ñaupa runaspa juchasnintachus manallataj pampacharqachu chayqa, waqaycharqa Noeta, cheqan kajta willajta, waj qanchis runastawan. Diosta mana yupaychaj runaspajtaj, jatun parata apachimorqa.