Génesis 6:5 - Qheshwa Biblia DC

⁵ Señor rikorqa runaspa ashkha millay sajra ruwasqasninkuta, qhepamampis tukuy sajrallatapuni ruwayta yuyasqankuta.

DIOSPA QHELQACHISQAN DEUTEROCANONICAL

⁵ Tata Diosrí rikorqa kay pachapi runakunaj millayta ruwasqanku anchañapuni kasqanta. Jinallataj Tata Dios yacharqa runakuna qhepanejman millayta ruwaspa purinallapipuni yuyasqankuta.

DIOSPA QHELQACHISQ

⁵ Tata Diosrí rikorqa kay pachapi runakunaj millayta ruwasqanku anchañapuni kasqanta. Jinallataj Tata Dios yacharqa runakuna qhepanejman millayta ruwaspa purinallapipuni yuyasqankuta.

Génesis 6:5 Iomraidhean Croise

Génesis 8:21

Chay q'apaytaj Diospaj may sumajpuni karqa munasqanman jina, nerqataj sonqompi: Kunanqa manaña jallp'ata jasut'isajchu runaj juchanrayku. Imaraykuchus runaqa waynamantapacha mana allin kajllatachu yuyan. Nillataj kausajkunatapis tukuchisajchu kunampi jina.

Job 15:16

Astawanraj mana atienikonqachu juchasapa millay runapeqa, mayqenchus sapa p'unchay juchata ruwashan yakutapis ujyashanman jina!

Job 22:15

Qanqa chay ñaupa ñantachu riyta munallankipuni, mayqan ñantachus sajra runas purerqanku chayta?

Salmos 53:2

Janaj pachamantapacha Señorqa runasta qhawamun, ichas kanman pillapis. yuyayniyoj runa Diosta mask'aj, nispa.

Proverbios 6:18

yuyaynimpi sajra imasta wakichejta, sajra imasman usqhayta thaskej chakista,

Eclesiastés 7:29

Kayllata tarini: Diosqa runata cheqanta, allin kajta ruwanampaj ruwasqa; chaywampis runasqa ashkha mana allin imasta mask'anqanku.

Eclesiastés 9:3

Kay pachapi tukuy ima ruwakojkunamantaqa, kaylla mana allinchu uj ima kajpis tukuypaj uj rejlla. Kikillantaj tukuy runaj sonqompi, kay pachapi kausanankamaqa, tukuy sajra kajwan, wampuyaywantaj junt'a kashan. Chay qhepamantaj wañuranku.

Jeremías 17:9

Mana imapis runaj sonqon jina ch'aukaqa kanchu, nitaj millayta ruwajpis. Pitaj chayta rejsiyta atinmanri?

Jeremías 4:14

Jerusalén, sonqoykimanta sajra imasta llimphuchakuy, jinamanta salvasqa kanaykipaj. Mayk'ajkamataj umaykita muyuchikunki chay sajra yuyaykunawanri?

Ezequiel 8:12

Niwarqataj: Runa, rikunkichu israelitaspa kurajkunasnin imastachus ruwashanku chayta, sapa ujninku kashanku pintasqa lantinkoj ch'ujllampi chayta? Paykuna yuyanku paykunata noqa mana rikushasqayta, kay naciontataj saqeshasqayta.

Ezequiel 8:9

Chantá niwarqa: Yaykuy, chaypi rikunki millachikunapaj jina sajra imasta ruwashanku chayta.

San Mateo 15:19

Sonqomanta llojsimunku tukuy sajra yuyaykuna, runa wañuchiykuna, adulterio juchaman urmaykuna, solteropura juchallikuykuna, suwaykuna, llulla testigomanta sayaykuna, Diospa contranta rimaykuna ima.

San Mateo 24:37

Imaynachus, Noejpa tiempompi karqa, ajinallataj Runaj Churimpa jamuynin kanqa.

San Lucas 17:26

Imaynatachus Noejpa tiempompi karqa, ajinallataj Runaj Churimpa jamuynimpipis kanqa.

Deuteronomio 29:19

Sichus mayqellampis kay juramentota uyarisqanmanta qhepata sumaj runa kasqanta yuyakuspa ninman: Allillampuni riwanqa tukuy imata munasqayman jina ruwajtiypis, nispa, chayqa, chay runanejta tukuyniykichej chinkachisqas kankichej.

Tito 3:3

Noqanchejpis ñaupajtaqa mana yuyayniyoj karqanchej, Diosta mana kasuspa, chinkasqas aychaj munaynimpi, imaymana sajra munaykunaman qokuspa, mana allin yuyaypi, qhawanakuspa, chejnisiris, chejninakuspataj ujkuna ujkunawan.

1 Pedro 3:20

Chaykunataj ñaupa p'unchaykunapi, mana kasukoj karqanku. Noéj p'unchaynimpi, Diosqa jatun pacienciawan paykunata suyarqa arca ruwakushajtin. Chaypachataj pisi runas yakumanta salvasqas karqanku, tukuyninkutaj pusajlla karqanku.