Génesis 5:24 - Qheshwa Biblia DC

²⁴ Enoc Diospa munayninman jinapuni kausasqanrayku uj p'unchay chinkaporqa, imaraykuchus Dios pusakaporqa.

DIOSPA QHELQACHISQAN DEUTEROCANONICAL

²⁴ Enocqa Diospa munayninta ruwaspa kawsarqa. Chantá uj p'unchay chinkaporqa, imaraykuchus Dios kawsashajta pusakaporqa.

DIOSPA QHELQACHISQ

²⁴ Enocqa Diospa munayninta ruwaspa kawsarqa. Chantá uj p'unchay chinkaporqa, imaraykuchus Dios kawsashajta pusakaporqa.

Génesis 5:24 Iomraidhean Croise

1 Juan 1:7

K'anchaypichus purisunman chayqa, imaynatachus Diospis k'anchaypi kashan, ajinata noqanchejpis, ujkuna ujkunawan uj sonqolla kausanchej. Diospa Churin Jesuspa yawarnintaj tukuy juchamanta pichawanchej.

Génesis 5:22

Enocqa Diospa munayninman jinapuni kausarqa. Matusalén nacesqanmanta qhepata, Enoc kausarqa kinsa pachaj watastawan. Wawasnintaj karqanku qharis, chanta warmis.

San Lucas 23:43

Jesustaj chaypacha kuticherqa: Cheqamanta niyki, kunampacha noqawan paraisopi kanki.

2 Reyes 2:11

Paykuna parlaspa rishajtinku nina carreta nina caballosniyoj rikhurimuspa t'aqarparerqa. Chanta Eliasqa uj muyoj wayrapi janaj pachaman wichariporqa.

Génesis 42:36

Chaymanta Jacobqa paykunaman nerqa: Qankunaqa saqeshawankichej mana wawasniyojta. Joseqa manaña noqanchejwanchu, Simeompis manallañataj kaypichu. Kunanqa Benjamintañatajchu qhechuwankichej! Kay tukuy ima contraypi!

Génesis 37:30

Maypichus wauqesnin kasharqanku chayman kutispataj paykunaman nerqa: Waynaqa mana kanchu! Kunanqa imanasajtajri?, nispa.

Jeremías 31:15

Señorqa nin: Ramá llajtapi uj qhapariy uyarikun, jatun waqay, jik'uytaj. Raquel wawasninmanta waqashan, manataj sonqochasqa kayta munanchu, imaraykuchus wawasnenqa wañusqasña kanku.

2 Reyes 2:1

Maypachachus Señorqa Eliasta uj muyoj wayranejta janaj pachaman pusakapuyta munashajtin, Eliasqa Eliseowan Gilgalmanta jamusharqa.

San Mateo 2:18

Ramá llajtapi uj qhapariy uyarikun, jatun waqay, jik'uytaj. Raquel waqasharqa wawasninmanta, manataj sonqochasqa kayta munarqachu, imaraykuchus wawasnin wañusqasña karqanku.

Judas 1:14

Chay runakunamantaqa Enoc, Adanmantapacha qanchis kaj karqa, kay jinata nerqa: Qhawaychej, Señorqa waranqa waranqa ajllasqasninwan jamushan, tukuyninkuta juzgaj, juchachajtaj Diosta mana yupaychajkunata, sajra ruwasqasninkuwan juchallisqankurayku. Juchachallanqataj tukuy jatuchaj phiña palabraswan paypaj rimasqankumanta. Kaykunaqa juchasapas kanku, mana Diosniyoj runas.

Génesis 5:23

Tukuynimpi Enocqa kausarqa kinsa pachaj sojta chunka phishqayoj watasta.

Génesis 5:25

Matusalenqa karqa pachaj pusaj chunka qanchisniyoj watasniyoj wawan Lamec naceshajtin.

Génesis 6:9

Kay jina karqa Noepa kausaynin: Noeqa cheqan karqa, sumaj runataj chay tiempo runa mita ukhupi, Diosta kasuspapuni. Ajinaqa pay k'atalla Diospa munasqanta ruwarqa.

Génesis 24:40

Paytaj niwarqa: Noqa purini Señorpa ñannimpi, pay kachamusonqa uj angelninta, kay risqaykipi allin risunampaj. Uj warmita pusampuwanki aylluy ukhumanta, tataypa ayllunmanta.

2 Reyes 2:10

Eliasqa nerqa: Mana qoyta atinata jina mañakunki. Chaywampis sichus qanmanta pusashawajtin rikuwanki chayqa, ajina kanqa, mana chayrí mana.

Salmos 49:15

Dios noqataqa wañuymanta atiyninmantawan librawanqa, paytaj pusakapuwanqa.

Salmos 73:24

K'amiwasqaykiwan ñanta pusawanki. Chaymanta qhepatataj sumajta jap'ikapuwanki.

2 Reyes 2:12

Eliseotaj ripojta rikuspa qhaparerqa: Tatáy, tatáy, qanqa Israelpaj karqanki uj carreta caballos niyoj jina, nispa. Eliseotaj manaña jayk'ajpis ujtawan rikorqachu. Chantataj p'achasninta iskayman llik'ikorqa.