Génesis 48:14 - Qheshwa Biblia DC

¹⁴ Israeltaj makisninta jaywarispa simp'aykorqa, paña makinta churarqa Efraimpa umanman, sullk'a kajman; lloq'e makintataj churarqa Manasespa umanman, kuraj kajpaman.

DIOSPA QHELQACHISQAN DEUTEROCANONICAL

¹⁴ Israeltajrí makinkunata cruzaspa, paña makinta sullk'a kajpa uman pataman churarqa, chayqa Efraín. Lloq'e makintataj Manasespa uman pataman churarqa, pay kuraj kaj kajtinpis.

DIOSPA QHELQACHISQ

¹⁴ Israeltajrí makinkunata cruzaspa, paña makinta sullk'a kajpa uman pataman churarqa, chayqa Efraín. Lloq'e makintataj Manasespa uman pataman churarqa, pay kuraj kaj kajtinpis.

Génesis 48:14 Iomraidhean Croise

Génesis 41:51

Kuraj kajta suticharqa Manasesta, imaraykuchus nerqa: Dios qonqachiwan tukuy llakiyniyta, ayllusniytawan, nispa.

Génesis 41:52

Sullk'a kajtataj suticharqa Efrainta, imaraykuchus nerqa: Dios niwan wawasniyoj kanayta runaj llajtampi may llakisqa ñak'arispa purisqaypi, nispa.

Génesis 46:20

Josej wawasnintaj Asenatpi rejsisqasnin iskay karqanku: Manaseswan, Efrainwan Egiptopi nacejkuna. Asenat warmenqa karqa On sacerdotej Potifaraj ususin.

Génesis 48:13

Chaymantataj Joseqa iskaynin wawasninta aysariykukuspa Efrainta paña makinwan, Manasestataj lloq'e makinwan qayllaykorqa tatanman. Ajinamanta Efraenqa Israelpa lloq'enman chayarqa, Manasestaj pañanman.

Génesis 48:17

Joseman mana allinchu rijch'arqa, ajinata tatan Efraimpa umanman paña makinta churasqan. Chayrayku makinta jap'ispa Manasespa umanman churayta munarqa, jinata nishajtin.

Génesis 48:18

Kay jinata nispa: Mana jinachu chayqa tatáy. Kay kajraj kuraj kajqa. Paypa umanman makisniykita churay.

Salmos 110:1

Señorqa señorniyman nerqa: Pañaynejpi tiyakuy, enemigosniykita chakisniyki uraman churanaykama.

Salmos 118:16

Señorpa atiynin ancha sumajpuni, Señorpa atiynin tukuy imata ruwan.

Éxodo 15:6

Señor, paña makiykeqa may kallpasapa, atiyniyojtaj. Chay paña makiyki enemigota phirita ruwan.

Números 2:18

Inti yaykuy ladonejpi jarakonqa Efraín ayllumanta kaj soldados wiphalasninkuwan t'aqa t'aqalla. Paykunataqa kamachenqa Amiudpa wawan Elisama.

Números 8:10

Señorpa ñaupaqempi israelitas levitasman qayllaykojtinkutaj, makisninkuta churachunku levitaspa umasninman.

Números 8:18

Chayrayku chaykunaj cuentanmanta levitasta ajllakuni.

San Mateo 16:18

Noqarí niyki, qan Pedro kasqaykita. Kay chhanka patapitaj iglesiayta sayarichisaj. Infiernoj atiynimpis mana iglesiataqa atipanqachu.

San Mateo 19:13

Chantá, wawasta pusamorqanku Jesusman, paykunaj patankuman makisninta churaykuspa Diosmanta mañanampaj. Yachachisqasnintaj chay pusamojkunata k'amerqanku.

San Mateo 19:15

Wawaspa patanman makisninta churaykuspataj, chaynejmanta riporqa.

San Mateo 6:5

Diosmanta mañakuspaqa, ama puraj uyas jina kaychejchu. Paykunaqa sayaykukuspa Diosmanta mañakunku, sinagogaspi, plaza esquinaspi ima, runaswan rikuchikunankupaj. Cheqamanta niykichej, ñapis paykunaqa t'inkayojña kanku.

San Lucas 13:13

Makisninta patanman churaykorqa; kikimpachataj warmeqa cheqanyakuspa Diosta yupaycharqa.

San Lucas 4:40

Inti yaykuytataj, tukuy onqosqasniyoj imaymana onqoyniyojkunata Jesusman pusamorqanku, paytaj sapa ujpa patanman makinta churaykuspa thañicherqa.

Hechos 13:3

Paykunataj ayunaspa Diosmanta mañakorqanku. Bernabeman Saulomanwan makisninkuta churaykuspa kacharpayarqanku.

Hechos 6:6

Chay ajllasqastataj apostolespaman pusamorqanku. Paykunaqa Diosmanta mañakuspa makisninkuta paykunaman churaykorqanku.

Deuteronomio 34:9

Numpa wawan Josueqa sumaj yachaywan junt'a karqa, Moisés paypa patanman makisninta churasqanrayku. Israelitasqa payta kasorqanku, ruwarqankutaj imaynatachus Señorqa Moisesman kamachisqanman jina.

1 Timoteo 4:14

Ama qonqapuychu qanman atiy qosqa kasqanta, maypachachus Diospa yuyaychasqan ancianosqa makisninkuta qanman churasorqanku chaypacha.

1 Timoteo 5:22

Chantá, ama pejpa patanmampis, usqhay usqhaytaqa makiykita churallankichu, iglesiapi kamachejpaj ajllaspa. Amataj wajpa juchanman chhapukuychu. Qanqa llimphu kaypi waqaychakuy.