Génesis 48:12 - Qheshwa Biblia DC

¹² Joseqa tatampa arphisninmanta wawasninta suchurichispa qonqoriykukorqa ñaupaqempi pampaman umanta chayachinankama.

DIOSPA QHELQACHISQAN DEUTEROCANONICAL

¹² Joseqa tatanpa moqon patamanta churinkunata oqharerqa, chantá pampakama k'umuykorqa.

DIOSPA QHELQACHISQ

¹² Joseqa tatanpa moqon patamanta churinkunata oqharerqa, chantá pampakama k'umuykorqa.

Génesis 48:12 Iomraidhean Croise

Génesis 18:2

Abrahamqa qhawarispa rikorqa kinsa qharista ñaupaqempi sayashajta. Sayaykuspataj qayllaykorqa usqhay usqhayta, jinaspataj qonqoriykukorqa umanta pampaman chayachinankama, nerqataj: Wiraqochíy, kamachiykita waturikuwanki, yaykurimuy ari.

Génesis 19:1

Ña chharpuykushajtinña iskaynin ángeles Sodomaman chayarqanku. Lotqa Sodoma llajtaman yaykuy punkupi tiyakusharqa, maypichus runa tantakojpuni chaypi. Paykunata rikuytawantaj sayarikorqa; ñaupaqenkumantaj qonqoriykukorqa pampaman umanta chayachinankama, nispa: Wiraqochisníy, kunan ch'iseqa wasiypipuni qheparikuychej ari, kamachiykichejpa wasimpi; chakisniykichejtapis mayllarikullankichej, q'ayataj tutamanta ripullankichej. Paykunataj nerqanku: Mana, imaynatapis jawapi kallasqayku.

Génesis 23:7

Chanta Abrahamqa sayaykuytawan chay llajtayoj hititasman k'umuykorqa, nispa: Cheqamanta qankunaqa munankichej kaypi warmiyta p'ampakapunayta chayqa, nipuwaychej ari Zoharpa wawan Efronta, vendenawanta Macpela cuevata, mayqenchus kashan jallp'asnimpa cantosnimpi chayta. Noqa qopusaj chay cuevaj valesqanta, ajinamanta noqajtapuni kanampaj chay sepultura kay llajtapi.

Génesis 33:3

Jinaytawantaj Jacobqa ñaupaykuspa, qanchis kutita qonqorikuspa, wauqen Esauman qayllarqa.

Génesis 42:6

Chaypacha Joseqa Egiptopi kamachisharqa, trigotataj tukuynejmanta jamojkunaman vendesharqa. Wauqesnintaj chayaytawan ñaupaqenman qonqoriykukorqanku, pampaman umankuta chayachinankukama.

Génesis 48:11

Chaymantataj Joseman nerqa: Noqaqa manañapuni ujtawan rikusuyta yuyarqanichu. Chaywampis Diosqa wawasniykitapis rejsichiwanraj.

Génesis 48:13

Chaymantataj Joseqa iskaynin wawasninta aysariykukuspa Efrainta paña makinwan, Manasestataj lloq'e makinwan qayllaykorqa tatanman. Ajinamanta Efraenqa Israelpa lloq'enman chayarqa, Manasestaj pañanman.

1 Reyes 2:19

Betsabetaj jamorqa rey Salomompaman Adoniaspaj parlapayapoj. Reyqa jatarikorqa mamanta taripaj, chimpaspataj payman k'umuykorqa. Chantaqa watejmanta tronoman tiyaykukorqa, mamampajtaj uj jatun tiyanata churachiporqa, mamantaj paña ladompi tiyaykukorqa.

2 Reyes 4:37

Warmitaj yaykuytawan, Eliseoj chakisninman wijch'uykukuspa, pampamantaj k'umuykukorqa. Chaymantaqa wawanta oqhariykukuspa llojsimporqa.

Éxodo 20:12

Tataykita mamaykitawan kasuy, unayta kay jallp'a patapi kausakunaykipaj, mayqen jallp'atachus Señor Diosniyki qosunki chaypi.

Éxodo 34:8

Moisestaj usqhay usqhayta k'umuykorqa pampakama, Señortataj yupaycharqa, jinata: Kunanqa Señor, sichus ñaupaqeykipi khuyakuyta tarini chayqa, kunan noqaykuwan riy ari, Señor; imaraykuchus kay runasqa ancha rumi sonqos kanku. Perdonawayku Señor tukuy sajra ruwasqasniykumanta, juchasniykumanta, jap'ikapuwaykutaj qampata kanaykupaj.

Proverbios 31:28

Wawasnenqa, k'acha mama ninku. Qosantaj kay jina alaban:

Levítico 19:3

Sapa ujniykichej respetachun tatanta, mamantawan. Jinallataj waqaychachun samarina p'unchaykunasniyta. Noqamin Señor Diosniykichejqa kani.

Levítico 19:32

Kuraj runastaqa sayarikuspa napaykuy, jinallataj Diosniykitapis jatunchay. Noqamin Señorqa kani.

Efesios 6:1

Wawas, Señorpa sutimpi tata mamasniykichejta kasuychej, imaraykuchus kayqa cheqamin.