Génesis 47:6 - Qheshwa Biblia DC

⁶ Egipto jallp'aqa qampa nisqaykipi. Qan qoy paykunaman Egiptopi sumajnin kaj Gosén jallp'ata, paykuna chaypi tiyakunankupaj. Sichus mayqen sumajta uywasta michiyta yachanku chayqa, churay ovejasniyta michipunawampaj.

DIOSPA QHELQACHISQAN DEUTEROCANONICAL

⁶ Egipto suyoqa makiykipi kashan. Tatayki, wawqeykikuna tiyakunankupaj aswan sumajnin kaj jallp'ata qoy. Gosenpi tiyakuchunku. Chantá sichus paykuna ukhupi aswan yuyayniyoj kasqankuta qhawanki chayqa, uywayta michinankupaj churanki, nispa.

DIOSPA QHELQACHISQ

⁶ Egipto suyoqa makiykipi kashan. Tatayki, wawqeykikuna tiyakunankupaj aswan sumajnin kaj jallp'ata qoy. Gosenpi tiyakuchunku. Chantá sichus paykuna ukhupi aswan yuyayniyoj kasqankuta qhawanki chayqa, uywayta michinankupaj churanki, nispa.

Génesis 47:6 Iomraidhean Croise

Génesis 13:10

Lotqa tukuynejta qhawarerqa, astawanqa Jordán mayu valleta Zoar juch'uy llajtakama. Chaykunaqa yakusniyoj karqa, sumajtaj Señorpa huertan jina, Egipto jallp'aman rijch'akoj. Chaytaj karqa manaraj Señor chinkachishajtin Sodoma llajtata, Gomorra llajtatawan.

Génesis 13:9

Qhawariy, jallp'aqa tiyallan, ajllakuy, noqamanta t'aqakuy. Sichus qan lloq'eman rinki chayqa, noqa ripusaj pañanejman. Qantajchus pañanejman rinki chayqa, noqaqa ripusaj lloq'enejman.

Génesis 20:15

Nerqataj: Qhawariy, ñaupaqeykipi jallp'aypis kashan. Ajllakuy maynejtachá munasqaykita, chaypi tiyakunaykipaj.

Génesis 34:10

Noqaykuwan tiyakuychej. Jallp'atapis munasqaykichejta llank'akuychej, chaypi tiyakuychej, imatapis munasqaykichejta rantikuychej, vendeychej, jallp'astapis munasqaykichejta rantikuychej.

Génesis 45:10

Kaypi tiyakunki Gosén jallp'api tukuy wawasniykiwan, allchhisniykiwan khuska, uywasniykiwan, tukuy imayki kapusojwan ima. Ajinamanta qanqa qayllaypi kakunki.

Génesis 47:11

Josetaj chaymanta rak'irarqa wauqesninman Egiptopi sumajnin kaj jallp'asta chaypi tiyakunankupaj faraompa nisqanman jina. Ajinamanta tatan Jacob wauqesnin ima jallp'asniyoj karqanku Ramsés jallp'asnejpi.

Génesis 47:16

Josetaj paykunaman nerqa: Manaña qolqeykichej tiyajtenqa uywasniykichejta apamuychej ari, noqataj trigota qosqaykichej.

Génesis 47:4

Kunanqa kayman tiyakoj jamuyku ari, imaraykuchus Canaampeqa manchay yarqhay kashan, pastollapis mana kanchu uywasniykupaj. Chaypaj qan niwayku ari Gosén jallp'api tiyakunaykuta, nispa.

Génesis 47:5

Chaymanta faraonqa Joseman nerqa: Tatayki wauqesniyki ima qanwan tiyakoj jamunku.

1 Reyes 11:28

Jeroboamtaj sumaj kallpayoj wapu runa karqa, Salomontaj sumaj k'uchi kasqanta rikuspa, Josej ayllunmanta mit'api llank'ajkunata qhawanampaj churarqa.

2 Crónicas 26:10

Oqharillarqataj torresta, ch'in pampanejpi, allarqataj ashkha pozosta. Ashkha uywasniyoj kasqanrayku chay ura pampasnimpi, jinataj orqosnejpipis. Campospi llank'aj runasnimpis kallarqankutaj, uvas sach'asniyoj huertasnimpi chay orqosnejpi, pampasnejpi huertasnimpipis, imaraykuchus payqa chajra sonqo karqa.

Éxodo 18:21

Chantapis qan ajllay israelitas ukhumanta allin yuyayniyoj qharista, Diosta manchachikojkunata, imastapis cheqanta ruwajkunata, qolqellamanta mana wañojkunata. Paykunata churaray sapa t'aqapi kurajkunas kanankupaj; paykunataj kamachichunku wakenqa waranqa runasta, wakintaj pachaj runasta, wakintaj phishqa chunka runasta, wakintataj chunka runasta kamachinankupaj.

Éxodo 18:25

Moisesqa israelitas ukhumanta sumaj yuyayniyojkunata ajllarqa, jinaspataj paykunata churararqa kurajkuna jina kamachinankupaj; wakenqa waranqa runasta, wakenqa pachajta, wakintaj phishqa chunkata, wakintaj chunka runaspaj.

Éxodo 9:10

Paykunataj kikinta ruwarqanku hornomanta orqhospa, ushphata makinkupi aparqanku faraompa ñaupaqenman. Chaypitaj Moisesqa faraón qhawashajtin pataman ushphata qhallarqa. Chaymantataj runas, uywas ima llejti onqoyta jap'irarqanku tukuy ukhusninkupi.

Éxodo 9:21

Piskunachus mana kasuta ruwarqankuchu Señorpa nisqasninta chaykunaqa, kamachisninkuta, uywasninkutapis saqellarqanku jawapi.

Proverbios 21:1

Reypa yuyaynenqa Señorpa makimpipuni kashan, chayqa larq'a yaku jina purin, Señor imaynatachus munasqanman jina.

Proverbios 22:29

Pichus imatapis sumajta ruwajqa, reykunaspa kamachimpi kanqa, manataj mana kaj runaspallataqa.

Jeremías 40:4

Kunampacha watasqa kashanki chay cadenasta phaskarasqayki. Sichus noqawan Babiloniaman riyta munanki chayqa, jamuy, noqa qanta yanapasqayki. Mana jamuyta munanki chayri, qhepakullay. Tukuy jallp'a qampa ñaupaqeykipi kashan, maypichá allin rijch'asunki chayman rillay.

San Juan 17:2

Churiykiman atiyta qorqanki, tukuy runasta kamachinampaj; wiñay kausaytataj paykunaman qonampaj, pikunatachus payman qorqanki, chaykunaman.

1 Samuel 21:7

Saulpa ujnin kaj kamachenqa, Diosta yupaychana wasipi chay kikin diallapitaj qhepakusqa. Chay kamachejpataqa sutin karqa Doeg, payqa Saulpa michejkunasnimpa kurajninku karqa.