Génesis 44:18 - Qheshwa Biblia DC

¹⁸ Judaqa Joseman qayllaykuspa nerqa: Wiraqochíy, ujta mañarikuyki, saqeriway ari sapallaykipi qanwan parlarejta. Ama ari phiñakuwaychu, qanqa kanki kikin faraompis kawaj jina.

DIOSPA QHELQACHISQAN DEUTEROCANONICAL

¹⁸ Jinapi Judá Joseman qayllaykuspa, nillarqataj: Wiraqochíy, ama jina kaspa, mana pejpa uyarinanta nisusqayta uyaririway. Ama ari noqapaj phiñakuychu. Qanqa kikin faraonpis kawaj jina kanki.

DIOSPA QHELQACHISQ

¹⁸ Jinapi Judá Joseman qayllaykuspa, nillarqataj: Wiraqochíy, ama jina kaspa, mana pejpa uyarinanta nisusqayta uyaririway. Ama ari noqapaj phiñakuychu. Qanqa kikin faraonpis kawaj jina kanki.

Génesis 44:18 Iomraidhean Croise

Éxodo 32:22

Aarontaj Moisesman kuticherqa: Ama phiñakuwaychu, wiraqochíy. Qan allinta yachanki, kay runasqa munankupuni imatapis mana allin kajta ruwayta.

Génesis 41:40

Qan palacioypi kamachiy ari, tukuy runastaj qampa kamachisqaykita kasusonqanku. Noqalla qanmanta astawan kuraj kasaj, imaraykuchus noqaqa rey kani.

Génesis 18:30

Abraham nillarqapuni: Mañakuyki, Señor, ama phiñakunawaykita ajinata nejtillaypuni. Kinsa chunkalla kajtinkuri? Paytaj nerqa: Kinsa chunka kajtinkupis, manapuni chay llajtataqa chinkachisajchu.

Génesis 41:44

Faraontaj nerqa: Noqaqa faraonlla kani; kay tukuynin Egipto jallp'api, mana pipis makinta, nitaj chakintapis oqharenqachu, qan mana imatapis nejtiykeqa.

Génesis 18:32

Chaywampis Abrahamqa nillarqapuni: Señorníy, ama phiñakuwankichu ari, kayllatawanña tupurisqayki. Imanankitaj Señor, sichus chunkallata tarinki chayri? Señortaj kuticherqa: Chay chunka mana juchayojkunarayku manapuni chay llajtataqa chinkachisajchu.

Hechos 2:29

Hermanos, sut'inta niyta munaykichej ñaupa tatanchej Davidmanta. Yachankichej jina, payqa wañuporqa, p'ampasqataj karqa; kaypitaj noqanchejwan kunan p'unchaykama sepulturan kakushan.

San Juan 5:22

Dios Tataqa mana pitapis juzganchu; imaraykuchus Churiman tukuy atiyta qorqa, pay juzganampaj; Churita tukuy runas yupaychanankupaj, imaynatachus Dios Tatata yupaychanku, ajinata. Pillapis Churita mana yupaychajqa, nillataj kachamoj Tatantapis yupaychanchu.

Daniel (hebreo) 5:19

Payman atiyta qosqanrayku, tukuy ayllusmanta, nacionkunamanta, tukuy laya parlayniyoj runakuna payman k'umuykorqanku, kharkatiterqankutaj paypa ñaupaqempi. Paytaj wañucherqa chayri, kausananta saqerqa pitachus munasqanta. Wakinta jatuncharqa, wakintataj k'umuykachacherqa.

Daniel (hebreo) 3:15

Kunanqa, kasukunkichejchu, pututu waqajtinkama, tukuy tocanasta ch'ajwarejta uyariytawankama qonqorikunkichejchu, noqa ruwacherqani chay lantitapis yupaychankichejchu? Sichus payta mana yupaychankichejchu chayqa, kunampacha uj nina larwashaj hornoman wijch'uykusqas kankichej. Chaypacha, ima diostaj qankunata salvayta atisunkichejri?

Proverbios 19:12

Reypa phiñakuynenqa leompa qhaparisqan jina, khuyakuyninrí qhora patapi chhulla jina.

Salmos 79:5

Señorníy, mayk'ajkamataj phiñasqa kankiri? Phiñakuyniykeqa nina jinallapunichu lauranqa?

Job 33:31

Job, kaytaqa allinta uyariway, parlanaykamaqa ch'inlla kakuy.

Ester (hebreo) 1:12

Reina Vasteqa reypa kachasnin runasta mana kasumorqachu. Chayrayku paypajqa maytapuni phiñarikorqa.

2 Samuel 14:12

Chay warmitaj nillarqapuni: Qan, reyníy, saqeriway uj imatawan nirinasuyta. Reytaj nerqa: Parlallay, nispa.

Génesis 37:7

Kay jinata mosqokuni: Tukuyninchej campopi kashasqanchej, trigota q'apiy q'apiyta wataraspa. Ujllata noqaj trigo watasqay cheqanta sayaykun. Qankunaj trigo watasqasniykichejtaj noqay kajman muyuykuspa k'umuykunku.

Génesis 37:8

Chaymanta wauqesnenqa kuticherqanku: Já, kaywanqa niytachu munashawayku qan reyniyku kanaykita, qanchu noqaykuta kamachiwasqayku?, nispa. Chaymanta astawanqa chejnerqanku imaynatachus willasqanmantawan.

Génesis 44:17

Josetaj nerqa: Qankunaqa mana ima kashajtimpis kamachisniy kayta atinkichejchu? Mayqenniykichejpapichá copay rikhurin, chay kajlla kamachiy kanqa. Wakenqa kutipullaychej ama imamantapis llakikuspa tataykichejpa wasinman. Manataj pipis ima nisonqachejchu.