Génesis 3:19 - Qheshwa Biblia DC

¹⁹ Jump'i suruyta llank'anki mikhunaykipaj ñut'u jallp'aman tukunaykikama; imaraykuchus jallp'amanta ruwasqa kanki, jallp'a kanki, jallp'amantaj kutinki.

DIOSPA QHELQACHISQAN DEUTEROCANONICAL

¹⁹ Mikhunaykipaj jump'i suruyta llank'anayki kanqa, wañupunayki p'unchaykamataj ajina kanqa. Qanqa jallp'amanta ruwasqa kanki, chayrayku jallp'allamantaj kutinki, nispa.

DIOSPA QHELQACHISQ

¹⁹ Mikhunaykipaj jump'i suruyta llank'anayki kanqa, wañupunayki p'unchaykamataj ajina kanqa. Qanqa jallp'amanta ruwasqa kanki, chayrayku jallp'allamantaj kutinki, nispa.

Génesis 3:19 Iomraidhean Croise

Génesis 18:27

Abraham ujtawan nillarqataj Señorman: Perdonaway, noqa ñut'u jallp'a jinalla kashaspa qan Señorniyta tapukususqaymanta.

Génesis 2:7

Chaymanta Señor Dios runata ruwarqa ñut'u jallp'amanta, senqanmantaj kausay samayta samaykorqa. Ajinamanta runaqa kausayta qallarerqa.

Génesis 23:4

Noqaqa karu llajtayoj qankuna ukhupi tiyakuni, jinapis venderiwaychej ari uj chhikan jallp'ata, chayman warmiyta p'ampakapunaypaj.

Génesis 3:18

Jallp'aqa wiñachipusonqa khishkasta, tukuy sajra qhorastawan; qantaj qhasi qhoraspa poqoyninta mikhunki.

Génesis 5:5

Adanqa kausarqa tukuynimpi isq'on pachaj kinsa chunkayoj watasta. Chay chhika watasniyoj wañuporqa.

Job 10:9

Yuyarikuy ari t'urumanta ruwawasqaykita! Kunanqa ñut'u jallp'allamantajchu tukuchiwanki?

Job 19:26

Kay aychay chhikan chhikan t'akakuspa urmaqashajtimpis, noqa kikiy Diosta rikusaj.

Job 21:26

Chay tukuywampis jallp'a ukhupeqa uj rejlla kanku, khuruspis iskayninkuta mikhunku uj rejta.

Job 34:15

tukuy runas ujllapi wañurankuman, ujtawantaj runaqa kikin jallp'allamantaj tukunman.

Job 4:19

T'urumanta ruwasqa wasispi tiyakojkunapeqa astawan Diosqa chayta tarenqachu? Wasisninkoqa ñut'u jallp'a patapi sayasqa kashan; paykunaqa thutas jina sarusqas kayta atinku!

Salmos 103:14

Noqarí, wiñaypaj suyallasqaykipuni, astawan astawan yupaychasqayki.

Salmos 104:23

Chanta runa llank'aj llojsin, chajrasninkupi ch'isiyaykuykama ruwaj.

Salmos 104:29

Uyaykita pakanki chayqa, mancharikunku. Samayninkuta qhechupojtiykitaj wañupunku, jallp'allamantaj tukupunku.

Salmos 127:2

Qhasillata inti llojsimusqanmanta, yaykupunankama llank'asunman, jump'iywan ganasqa t'antatatajpis mikhusunman, imaraykuchus munakusqasninman kusiyta qon.

Salmos 22:15

Simeyqa k'analla jina ch'aki pacha kashan, qalluytaj pata simiyman k'askaykun, wañuy ñut'u jallp'aman churaykuwanki.

Salmos 22:29

K'umuykuspa yupaychaychej pay sapallanta, tukuy ima patapi kajkuna. Jallp'aman kutiykojkunaqa Señorta yupaychaychej, imaraykuchus qankunallamantaqa mana kausayniyojchu kankichej.

Salmos 90:3

Qanqa ruwanki runa jallp'aman tukunanta; runas, jallp'aman tukuychej, nispa.

Proverbios 21:16

Yachay ñanmanta t'aqakoj runaqa, wañusqaswan khuska sayaj renqa.

Eclesiastés 1:13

Noqaqa tukuy sonqoywan, tukuy yachaywantaj mask'aspa yachayta munarqani, kay pachapi kay tukuy imas ruwakusqanmanta. Kay phutiy ruwanata Diosqa runasman qorqa, chayta ruwaspa kausanankupaj.

Eclesiastés 1:3

Kay pacha runaqa chay jina apura apurata, qhasi mana kajllapaj tukuy imatapis ruwan.

Eclesiastés 12:7

Chaypacha, ñut'u jallp'aqa, jallp'allamantaj tukonqa ñaupajta karqa ajinaman, runaman qosqan almataj Diosllaman kutiponqa.

Eclesiastés 3:20

Tukuyninku kikillanmantaj rinku: jallp'amanta ruwasqa kasqankurayku, jallp'allamantaj tukonqanku.

Eclesiastés 5:15

Imaynatachus mamampa wijsanmanta q'alalla llojserqa, ajinallatataj q'alalla kutiponqa mana imayoj. Llank'asqanmantaqa mana imatapis apanqachu, imaynachus nacerqa kikillantaj chinkaponqa.

Daniel (hebreo) 12:2

Jallp'aj sonqompiña puñojkunamanta ashkhas rijch'arimonqanku, ujkunaqa wiñayta kausanankupaj, wakinkunataj, wiñaj p'enqaypi, wiñay phutiypitaj kanankupaj.

1 Corintios 15:47

Ñaupaj kaj runaqa jallp'amanta ruwasqa karqa, jallp'a runa; qhepan kaj runataj janaj pachamanta.

Efesios 4:28

Pichus suwajqa, amaña suwachunchu; manachayqa makinwan allin kajta llank'achun, mana kapuyniyojman imachus pisisqanta qonampaj.

1 Tesalonicenses 2:9

Yuyarikuychej, hermanos, ruwasqaykumanta, sayk'usqaykumanta, tuta p'unchay llank'aspa; manataj mayqenniykichejpajpis carga jinachu karqayku, Diospa evangelionta qankunaman willashaspaqa.

2 Tesalonicenses 3:10

Chayrayku qankunawan kashaspa, kayta kamacherqayku: Pichus mana llank'ayta munanchu chayqa, amallataj mikhuchunchu, nispa.

Hebreos 9:27

Imaynatachus runaspaj, uj kutilla wañunanku churasqa kashan; chaymantataj, juiciota taripananku tiyan.