Génesis 3:15 - Qheshwa Biblia DC

¹⁵ Qantawan warmitawan chejninachisqaykichej. Jinallataj mirayniykiwan mirayninwampis chejninakonqanku. Miraynin umaykita saronqa, qantaj chaki talonninmanta khaninki.

DIOSPA QHELQACHISQAN DEUTEROCANONICAL

¹⁵ Noqataj qantawan, warmitawan jap'inachisqaykichej. Jinallataj mirayniykiwan, mirayninwanpis chejninakonqanku. Warmej mirayninmanta kajqa umaykita sarusonqa, qantaj chaki talonninmanta khaninki, nispa. Ajinata Diosqa katarita nerqa.

DIOSPA QHELQACHISQ

¹⁵ Noqataj qantawan, warmitawan jap'inachisqaykichej. Jinallataj mirayniykiwan, mirayninwanpis chejninakonqanku. Warmej mirayninmanta kajqa umaykita sarusonqa, qantaj chaki talonninmanta khaninki, nispa. Ajinata Diosqa katarita nerqa.

Génesis 3:15 Iomraidhean Croise

Génesis 49:17

Danqa uj katari jina kanqa, ñampi winkushaj, caballospa chakisninta khanispa, caballospi rejta urmachin.

Salmos 132:11

Señorqa Davidman uj jatun juramentota ruwarqa; chay juramentotaqa mana p'akenqachu.

Isaías 53:12

Chayrayku atiyniyojkunamanwan khuska chayaqenta qopusaj. Chaymanta payqa atipajkunaj t'inkanta jap'ikaponqa, pay kikin wañuyman jaywakusqanrayku. Payqa juchasapaswan khuska yupasqa karqa, tukuypa juchasninta apaspa, Diosmantataj chay juchasapaspaj mañapuspa.

Isaías 7:14

Kikin Señormin señalta qosonqachej. Qhawariychej, manaraj qharita rejsej sipas wijsallikun, nacechikuspataj, wawanta Emanuelta sutichanqa.

Jeremías 31:22

Mayk'ajkamataj purinki ujnejmanta ujnejmanri? Ayllúy, qanqa uj mana kasukoj sipas jina kanki. Noqa Señor, kay pachapi uj mosoj imata ruwani, uj warmeqa uj qharita muyupayanampaj.

Daniel (hebreo) 9:26

Sojta chunka iskayniyoj semanas qhepata chay Mesiasta wañuchenqanku. Uj rey jamuspa, Jerusalén llajtata, jinallataj templotapis runasninwan t'unaykuchenqa. Tukukoyqa usqhayllata chayamonqa, uj apaj mayu jina. Chay tukukuykama kallanqapuni maqanakuy t'unanakuypis, imaynachus nisqa kasqanman jina.

Amós 9:3

Carmelo orqo puntamampis pakakamuchunku, chaymampis risaj mask'aj; sichus ukhu mar qochaman pakakamuwanqanku chaypis, qocha ukhupi purej katarita kachaykusaj, chayñataj chinkachinampaj.

Miqueas 5:3

Señorqa kunan saqerenqa Paypata kajkunata, chay warmi pichus uj qhari wawata nacechikunan kashan chay nacekunankama. Chaypacha tantarikonqanku chay llajtankumanta wijch'usqas kashanku llajta masisnin israelitaswan.

San Mateo 1:23

Uj sipas, manaraj qharita rejsej, wijsallikonqa, nacichikonqataj uj qhari wawata. Paytataj Emanuel sutiwan sutichanki. Kay sutitaj niyta munan: Dios noqanchejwan kashan.

San Mateo 1:25

María warminwanqa, manaraj casado jinachu tiyakusharqa wawata nacichikunankama; paytaj wawataqa Jesús sutiwan suticharqa.

San Mateo 12:34

Katarikunaj miraynin! Imaynatataj allinta parlawajchej sajras kashaspari? Sonqopi imachus junt'a kashan, chaymanta simeqa parlan.

San Mateo 13:38

Jallp'aqa mundo. Sumaj mujutaj janaj pacha reinoj wawasnin. Cizañataj supaypa wawasnin.

San Mateo 23:33

Sierpes, katarikunaj miraynin! Imaynatataj infiernopaj juchachasqa kanaykichejmanta ayqenkichejri?

San Mateo 3:7

Juanqa ashkha fariseosta, saduceostawan bautismoman jamojta rikuspa, nerqa: Katarikunaj miraynin! Pitaj yachachisorqachej Diospa jamoj k'ajaj phiñakuyninmanta ayqeytari?

Marcos 16:18

Makisninkuwan katarista oqharenqanku; venenota ujyaspapis mana imanakonqankuchu; onqosqasman makisninkuta churaspapis thañichenqanku.

San Lucas 1:76

Qanri wawáy, jatun Diospa profetan sutichasqa kanki. Señorpa ñaupaqenta rinki, purinasninta wakichispa.

San Lucas 10:19

Kunanqa atiyta qoykichej, catarista, atoj atojkunatapis sarunaykichejpaj; enemigoj tukuy kallpantapis atipanaykichejpaj; manataj imapis imanasonqachejchu.

San Lucas 22:53

Sapa p'unchay qankunawan templopi kashajteyqa, mana jap'ichiwarqankichejchu. Kunanqa chayamun horaykichej, laqhayaypa atiynin ima.

San Lucas 24:27

Chaypitaj sut'inchayta qallarerqa, paymanta chay tukuy imata Diospa palabran nisqanta; Moisesmantapacha qallarispa, tukuy profetaspa escribisqankumantawan.

San Juan 8:44

Qankunaqa tataykichej supaymanta kankichej; chay tataykichejpa munaynintataj junt'ayta munankichej. Payqa runa wañuchipuni qallariymantapacha karqa, manataj jayk'ajpis cheqapeqa sayarqachu, nitaj cheqa kajqa sonqompichu karqa. Llullata parlaspaqa, paypa kayninmanta parlan; imaraykuchus payqa llulla, llullakuypa tatan kasqanrayku.

Hechos 13:10

Nerqataj: Ya, llullaj atipasqan, tukuy laya pantachinaswan junt'asqa, supaypa wawan! Tukuy allin kajpa enemigon! Mayk'ajkamataj Señorpa cheqan ñanninta q'ewichinkiri?

Romanos 16:20

Pisimantawan sonqo tiyakuy Dios, Satanasta chakiykichej urapi saronqa. Señorninchej Jesucristoj khuyakuynin qankunawan kachun.

Romanos 3:13

Malq'ankoqa kicharisqa sepultura jina. Siminkuwan ch'aukiyanku. Simi llaphasninkupitaj katari veneno tiyan.

Gálatas 4:4

Chantá p'unchaykuna junt'akojtintaj, Dios kachamorqa Churinta, ley kamachishajtin, uj warmimanta nacikojta.

Efesios 4:8

Chayrayku Escriturapi nishan: Pataman wicharerqa presochasqasta apaspa, runasmantaj regalosta qorqa.

Colosenses 2:15

Cristo cruzpi wañuspa atiparqa kamachejkunata, atiyniyojkunata ima, tukuypa rikunanta paykunata p'enqaypi rikhurichispa.

Hebreos 2:18

Imaynatachus pay kikin tentasqa kaspa ñak'arerqa, ajinallatataj atiyniyoj tentasqa kajkunatapis yanapanampaj.

Hebreos 5:7

Cristo aychallapiraj kashaspa mañakoj wañuymanta salvayta atejmanta, manchay qhapariywan, waqaywantaj; manchachikuywan qhaparisqanraykutaj uyarichikorqa.

1 Juan 3:10

Kay jinapi yachakun Diospa wawasninchus chayrí supaypatachus kasqankoqa. Mana cheqan kajta ruwajqa, nitaj wauqentapis munakojqa, mana Diospa wawanchu.

1 Juan 3:8

Juchallikojqa supaypata. Supayqa qallariymanta juchallikun. Chayrayku, Diospa Churenqa jamorqa supaypa ruwasqasninta phirinampaj.

1 Juan 5:5

Pitaj kay pachata atipan, manachu Jesusqa Diospa Churin kasqanta creejlla?

Apocalipsis 12:17

Chaypachataj sierpeqa warmipaj mayta phiñakorqa; rerqataj warmej mirayninmanta kajkunawan maqanakoj, Diospa kamachisqasninta waqaychanku, Jesuspa willasqasnintataj jap'inku chaykunawan.

Apocalipsis 13:7

Payman qollarqankutaj Diospaj ajllasqasninwan maqanakuspa atipanampaj. Ajinallatataj aterqa kamachiyta tukuy ayllusta, llajtasta, waj laya parlaykunapi parlajkunata, tukuy runasta ima.

Apocalipsis 2:10

Ama manchachikuychu chay imasta ñak'arinaykimantaqa. Qhaway, qankunamanta wakinta supayqa carcelman wisq'achenqa, rejsisqa kanaykichejpaj, chunka p'unchaytataj llakiyniyoj kankichej. Wañuykama creellaypuni, noqataj kausay pilluta qanman qosqayki.

Apocalipsis 20:10

Paykunata ch'aukiyaj supaytaj nina qochaman wijch'uykusqa karqa, maypichus chay phiña animal, llulla profetawan kasharqanku chayman; tuta p'unchaytaj, wiñaypa wiñayninkama ñak'arenqanku.