Génesis 3:1 - Qheshwa Biblia DC

¹ Katareqa may jina yuyaysapa karqa, Señor Dios tukuy monte animalesmanta ruwasqasninmanta nisqaqa. Pay warmita taporqa: Ajinatachu Diosqa nisunkichej huertapi kaj tukuynin sach'aspa poqoyninta ama mikhunkichejchu?, nispa.

DIOSPA QHELQACHISQAN DEUTEROCANONICAL

¹ Katareqa Tata Dios tukuy imaymana k'ita animalkunata ruwasqanmanta may jina yuyaysapa karqa. Chantá uj kuti payqa warmita taporqa: Huertapi kaj tukuy sach'aj poqoyninta ama mikhunkichejchu, nispachu Dios nisorqachej? nispa.

DIOSPA QHELQACHISQ

¹ Katareqa Tata Dios tukuy imaymana k'ita animalkunata ruwasqanmanta may jina yuyaysapa karqa. Chantá uj kuti payqa warmita taporqa: Huertapi kaj tukuy sach'aj poqoyninta ama mikhunkichejchu, nispachu Dios nisorqachej? nispa.

Génesis 3:1 Iomraidhean Croise

Eclesiastés 4:10

Sichus ujnin urman chayqa, ujnin kaj aysarin. Sichus ujqa sapallan kashaspa urman chayqa, mana pipis aysarejqa kanmanchu.

Isaías 27:1

Chay p'unchaypi Señorqa, manchay atiyniyoj espadanwan manchayta phawaj Leviatán katarita jasut'enqa, manchayta ch'aukiyaj Leviatán katarita. Chantá mar qochapi kashaj dragontapis wañuchenqa.

San Mateo 10:16

Kunanqa, noqa kachashaykichej, ovejasta jina atojkunaj chaupinman. Kataris jina sumaj yuyayniyoj kankichej; palomas jinataj llamp'u sonqosniyoj.

San Mateo 4:3

Chaypacha, supay qayllaykorqa Jesusman tentayta munaspa, nerqataj: Diospa Churinchus kanki chayqa, niy kay rumista t'antaman tukunankuta.

San Mateo 4:6

Nerqataj: Diospa Churin kanki chayqa, uraman wijch'uykukuy, imaraykuchus escribisqa kashan: Dios angelesninta kachamusonqa makisninkuwan jap'isunankupaj, chakisniykita ama rumiman takakunaykipaj.

San Mateo 4:9

Nerqataj Jesusman: Noqa kay tukuy imata qosqayki, qonqorikuspachus k'umuykukuwanki chayqa.

2 Corintios 11:14

Chayqa mana t'ukunapajchu, imaraykuchus Satanaspis yachan k'anchaj angelman tukuyta.

2 Corintios 11:3

Manchachikuni imaynatachus katari llullakuspa ch'aukiyarqa Evata, ajinallatataj yuyayniykichejta pantachinanta, tukuy sonqo, llamp'u sonqostaj Cristowan kanaykichej kashajtin.

1 Pedro 3:7

Kikillantataj qosaspis, warmisniykichejwan allin yachaywan kausakuychej. Paykunata allimpaj qhawaychej, p'akikoj vasota jina. Paykunaqa qankunawan khuska wiñay kausay chayaqeta jap'enqanku. Ajinamanta, Diosmanta mañakusqaykichejpis mana jark'asqachu kanqa.

Apocalipsis 12:15

Kataritaj warmej qhepanta siminmanta yakuta ajtumorqa mayuta jina, chay warmita yaku apanampaj.

Apocalipsis 12:9

Jawamantaj chay jatun sierpeta wijch'orqanku, chay unay ñaupa katarita, pichus sutichasqa Supay, Satanastaj. Payqa llullakuspa mundontinta pantachin. Payta angelesnintawan jallp'aman wijch'umorqanku.

Apocalipsis 20:2

Sierpetaj presocharqa chay ñaupa katarita, pichus supay, Satanás karqa. Paytataj waranqa watapaj wataykorqa.