Génesis 24:40 - Qheshwa Biblia DC

⁴⁰ Paytaj niwarqa: Noqa purini Señorpa ñannimpi, pay kachamusonqa uj angelninta, kay risqaykipi allin risunampaj. Uj warmita pusampuwanki aylluy ukhumanta, tataypa ayllunmanta.

DIOSPA QHELQACHISQAN DEUTEROCANONICAL

⁴⁰ Paytaj niwarqa: Noqaqa Tata Diosta kasuspa purini. Chayrayku paymin angelninta qanta yanapasunanpaj kachamonqa, kay risqaykipi allin risunanpaj. Qanqa aylluy ukhumanta churiypaj uj warmita pusamunki.

DIOSPA QHELQACHISQ

⁴⁰ Paytaj niwarqa: Noqaqa Tata Diosta kasuspa purini. Chayrayku paymin angelninta qanta yanapasunanpaj kachamonqa, kay risqaykipi allin risunanpaj. Qanqa aylluy ukhumanta churiypaj uj warmita pusamunki.

Génesis 24:40 Iomraidhean Croise

Génesis 17:1

Abram isq'on chunka isq'onniyoj watasniyoj kashajtin, Señorqa rikhurerqa payman, nerqataj: Noqa tukuy atiyniyoj Dios kani; qan kausay ñaupaqeypi sumaj kausayta, mana pejpa k'aminan.

Génesis 24:56

Kamachitaj nerqa: Ama jark'awaychejchu, Dios ninña, kay purisqayqa mana qhasichu kasqanta; chayrayku kachapullawaychejña patronniypa wasinman.

Génesis 24:7

Señor janaj pachapi kaj Dios orqhomuwarqa, tataypa wasinmanta, ayllusniypa jallp'anmanta; niwarqataj kay jallp'ata mirayniymanwan qonawanta. Chay Dios kachamusonqa uj angelninta qampa ñaupaqeykita rinampaj, yanapasunampajtaj wawaypaj warmita pusamuyta.

Génesis 48:15

Jinaspataj Joseta bendicerqa kay jinata: Tukuy atiyniyoj Dios, pitachus kasorqanku abuelosniy Abraham, Isaacwan; mayqenchus noqata pusaykachakuwarqa nacesqay ratomantapacha, tukuy sajra kajmanta waqaychawaj, ángel, kay wawasta bendicichun. Paykunanejta sutiy yuyarisqa kanampaj, jinallataj tatasniypa sutisnimpis Abrahampata, Isaacpatawan. Paykuna kachunku ashkha wawasniyoj, ashkhas kachunku kay mundopi.

Génesis 5:22

Enocqa Diospa munayninman jinapuni kausarqa. Matusalén nacesqanmanta qhepata, Enoc kausarqa kinsa pachaj watastawan. Wawasnintaj karqanku qharis, chanta warmis.

Génesis 5:24

Enoc Diospa munayninman jinapuni kausasqanrayku uj p'unchay chinkaporqa, imaraykuchus Dios pusakaporqa.

Génesis 6:9

Kay jina karqa Noepa kausaynin: Noeqa cheqan karqa, sumaj runataj chay tiempo runa mita ukhupi, Diosta kasuspapuni. Ajinaqa pay k'atalla Diospa munasqanta ruwarqa.

1 Reyes 2:3

Señor Diosniykej kamachisqasninta junt'ay, ñankunasnimpi purispa, kamachisqasninta allinta qhawaspa, chantá nisqasninta, yachachiykunasninta, leyesnintawan ima, imaynachus Moisespa leyesnimpi qelqasqa kasqanman jina, tukuy ima ruwasqaykipi qhallarisqaykipipis allin risunampaj.

1 Reyes 3:6

Chanta Salomonqa nerqa: Qanqa khuyarqanki jatun khuyakuyniykiwan tatay David kamachiykita, imaraykuchus payqa purerqa qampa ñaupaqeykipi cheqanta, cheqa kaypi, cheqan sonqowantaj, qantaj mayta khuyakorqanki, uj wawatapis qorqanki tronompi tiyakunampaj, imaynachus kunan p'unchay kashan jina.

Salmos 1:3

Chay runaqa mayu cantopi kaj sach'a jina, tiempompi poqoj, laqhesnenqa q'omerllapuni, manataj q'elluyanchu. Tukuy ima ruwasqanqa allinman rin.

Salmos 16:8

Señorpipuni yuyani; pay pañaypi kajtin, mana imapis urmachiwanqachu.

Salmos 91:11

Pay angelesninta kamachenqa, maymampis rejtiyki qhawasunankupaj.

Éxodo 23:20

Noqa angelniyta kachamusaj qampa ñaupaqeykita rispa pusasunampaj, ñampitaj waqaychasunampaj, chayachisunampajtaj, ima jallp'atachus qampaj wakicherqani chayman.

Éxodo 33:2

Noqa kachamusaj angelniyta ñaupaqeykita rispa pusasunampaj; ñaupaqeykimantataj qharqosaj karuman cananeosta, amorreosta, hititasta ferezeosta, heveosta, jebuseosta ima.

Daniel (hebreo) 3:28

Chay ratopi Nabucodonosor jatunmanta qhaparerqa: Yupaychasqa kachun Sadracpata, Mesacpata, Abed-negojpatawan Diosninkoqa. Pay angelninta kachamorqa salvanampaj. Paykunaqa mana junt'arqankuchu reypa kamachisqanta. Astawampis wañuyta munarqanku manapuni munaspa, paykunaj Diosninkumanta waj diosman qonqorikuyta, yupaychaytataj!

Hebreos 1:14

Manachu tukuynin espíritus kamachis kanku, Diospa kachamusqasnin, salvacionta chayaqepaj jap'ejkunata yanapanankupaj?

Apocalipsis 22:16

Noqa Jesús, angelniyta kachamorqani kay imasmanta iglesiasman willanampaj. Noqa Davidpa saphin, miraynintaj kani, sut'iyaypi lliphipej ch'askataj.

Apocalipsis 22:8

Noqa Juanqa kay imasta uyarerqani, rikorqanitaj. Uyarispaña, rikuspataj qonqorikorqani kay imasta rikuchiwaj angelpa chakisninman yupaychanaypaj.