Génesis 24:12 - Qheshwa Biblia DC

¹² Chaypi kamacheqa Diosmanta mañakuyta qallarerqa, nispa: Señor patronniy Abrahampa Diosnin, niway ari allin kajta ruwanayta, k'acha kayniykita rikuchikuy ari, patronniyta khuyakuspa.

DIOSPA QHELQACHISQAN DEUTEROCANONICAL

¹² Chantá kamacheqa Diosmanta mañarikorqa: Tata Dios, patronniy Abrahampata Diosnin, mañarikuyki allin rinawanpaj yanapanawaykita. Patronniyta khuyaspa, k'acha kasqaykita rejsichikuy ari.

DIOSPA QHELQACHISQ

¹² Chantá kamacheqa Diosmanta mañarikorqa: Tata Dios, patronniy Abrahampata Diosnin, mañarikuyki allin rinawanpaj yanapanawaykita. Patronniyta khuyaspa, k'acha kasqaykita rejsichikuy ari.

Génesis 24:12 Iomraidhean Croise

Génesis 15:1

Chay qhepata Dios parlarqa Abramman mosqoypi jina, nispa: Ama manchachikuychu Abram, noqa qampa jark'ajniyki kani, qampa t'inkaykeqa may chhikapuni kanqa.

Génesis 24:21

Chaykamataj kamacheqa qhawallarqa ni imata niyta atispa. Payqa allinta yachayta munasharqa, chay puriynimpi chaypunichus kashan manachus chayta.

Génesis 24:27

Yupaychasqa kachun Señorqa patronniypa Diosnin. Payqa k'acha khuyakuyniyojpuni patronniypaj, pay pusawan ñanta ayllusnimpa wasinman.

Génesis 24:42

Ajinata chayman jina yaku pujyuman chayamuspa, Diosmanta mañakuyniypi nerqani Señorman, Abraham patronniypa Diosninman: Sichus qan ninki allin rinawanta kay puriyniypi chayqa, mañakuyki, kay yaku pujyu cantopi kashajtiy, uj sipas jamuchun yakuman ninaypaj: Ama jinachu kay, yakuta ujyanaypaj qoriway p'uyñuykimanta, nejtiytaj, kayqa ujyarikuy, camellosniykipajpis yakuta orqhopusqayki, niwanqa chayqa, chay warmi kachun ari, Señor, qampa ajllasqayki patronniypa wawampaj, nispa.

Génesis 24:48

Jinaspataj qonqoriykukuspa Señorta yupaycharqani; patronniy Abrahampa Señor Diosninta, pay cheqan ñanta pusamuwasqanmanta, patronniypa wauqempa ususinta wawampaj pusapunaypaj.

Génesis 26:24

Chay ch'isi Señorqa rikhurerqa, nerqataj: Noqa kani tatayki Abrahampa Diosnin. Ama manchachikuychu, noqa qanwan kashani. Kamachiy Abrahamrayku bendicisqayki, mirayniykitapis ashkhayachisaj.

Génesis 27:10

Qantaj chaytaqa jaywamunki mikhunampaj, ajinamanta qanman qosunampaj kuraj wawaj jap'inan bendicionninta amaraj wañushaspa.

Génesis 27:20

Isaactaj taporqa: Imaynapitaj chhika usqhayta jap'imorqanki, wawáy? Jacobtaj nerqa: Señor Diosniyki rato tarichiwan.

Génesis 28:13

Jinallataj paypa ñaupaqempi Señor sayashajta, payman nishajta: Noqa kani Señor, abueloyki Abrahampa Diosnin, tatayki Isaacpatawan. Qanman mirayniykimanwan qosqayki kay jallp'ata, maypichus puñushanki chayta.

Génesis 31:42

Jinaqa, sichus Abrahampa Diosnin, tatay Isaac yupaychan chay Dios mana noqawanchu kanman karqa chayqa, qanqa mana imayojta kacharpayamuwankiman karqa. Chayrayku Diosniy llakiyniyta rikuwan, imaynatachus llank'apususqayta. Chantamá á ch'iseqa k'amisunki.

Génesis 32:10

Mana cheqa kayniykiwan khuyanawaykipaj jinachu kani. Noqa Jordán mayuta chimpamorqani ni imawan, tojnuy oqharisqalla; kunanqa tiyapuwan iskay jaras.

Génesis 32:9

Chaymantataj Jacobqa Diosmanta mañakuyta qallarerqa: Señor, abueloy Abrahampa Diosnin, tatay Isaacpatawan Diosnin, qan niwarqanki ayllusniypaman, jallp'ayman kutipunayta, niwarqankitaj noqawan kanaykita allin rinawampaj.

Génesis 43:14

Tukuy Atiyniyoj Dios qankunamanta khuyakuchun, ama imapis qankunawan kanampaj, chay runa ujnin wauqeykichejta kacharimpunampaj, jinallataj kay Benjamintapis. Sichus Diospuni munan mana wawasniyoj kanayta chayqa, jina mana wawasniyoj qhepakusaj!

1 Reyes 18:36

Chanta q'olachispa jaywana rato chayamojtin, profeta Eliasqa chimpaykuspa nerqa: Abrahampata, Isaacpata, Israelpatawan Señor Diosnin, kunan yachachunku qan Israelpa Señor Diosnin kasqaykita, noqataj kamachiyki kasqayta, qampa kamachisqaykiwantaj kay tukuy imasta ruwasqayta.

2 Reyes 2:14

Eliaspa ponchon urmaykamusqa chayta jap'ispataj yakusta wajtarqa: Maypitaj Eliaspa Señor Diosnin kashan?, nispa. Wajtasqantawantaj yakusqa iskayman t'aqakorqanku puraj ladoman. Eliseotaj mayuta chimparqa.

Nehemías 1:11

Mañarikuyki ari Señorníy, mañakususqayta uyarinawaykita, kamachisniyki qhaparikamususqaykutapis, paykunaj k'ata munayninkoqa qampa sutiykita jatunchaylla. Mañakullaykita tukuy imapi allin rinawanta, jinallataj reypa khuyakuyninta tarinayta, nispa. Noqaqa Artajerjespa ujyanasninta wakichejnin karqani.

Nehemías 2:4

Imatataj qanrayku ruwaymanri?, nispa reyqa tapuriwarqa. Chaypacha janaj pachapi kaj Diosmanta mañarikorqani.

Salmos 118:25

Salvawayku ari, Señor. Salvawayku. Allintaj riwachuyku ari, Señor.

Salmos 122:6

Jerusalempaj mañaychej sonqo tiyasqa kanampaj, qanta munakusojkunataqa allin richun.

Salmos 127:1

Manachus Señorninchej wasinta ruwan chayqa, qhasillata wasichajkunaqa llank'anku. Manachus Señor llajtata jark'anqa chayqa, qhasillata qhawajkunaqa qhawanku.

Salmos 37:5

Señorpa makisnimpi kausayniykita churay. Paypi atienekuy, paytaj yanapasonqa.

Éxodo 3:15

Chantapis Diosqa nillarqataj Moisesman: Ajinata ninki israelitasman: Señor, ñaupa tatasniykichejpa Diosnin, Abrahampata, Isaacpata, Jacobpata ima qankunaman kachamuwan. Kay suteyqa wiñaypajmin kanqa; kay suteyqa wiñaypa wiñaynintimpaj mirayniykichejnejta yuyarisqa kanqa, nispa.

Éxodo 3:6

Chantá nillarqataj: Noqa ñaupa tatasniykej Diosnin kani, Abrahampata, Isaacpata, Jacobpatawan. Moisestaj chay kikimpacha uyanta pakaykukorqa, imaraykuchus manchachikorqa Diosta qhawariyta.

Proverbios 3:6

Tukuy ima ruwasqaykipi Señormantaqa yuyarikuy. Paymin pusasonqa cheqan ñantaqa.

Filipenses 4:6

Ama imamantapis llakikuychejchu, astawanqa Dios yachachun tukuy ima mañakusqaykichejta, majakuspa, graciasta qospataj.