Génesis 22:18 - Qheshwa Biblia DC

¹⁸ Tukuy naciones mundopi kajkuna paykunanejta bendicisqas kanqanku, qan imatachá nisusqayta kasuwasqaykirayku.

DIOSPA QHELQACHISQAN DEUTEROCANONICAL

¹⁸ Nisusqayta kasuwasqaykiraykutaj noqa kay pachapi tukuy runata mirayniykinejta saminchasaj, nispa.

DIOSPA QHELQACHISQ

¹⁸ Nisusqayta kasuwasqaykiraykutaj noqa kay pachapi tukuy runata mirayniykinejta saminchasaj, nispa.

Génesis 22:18 Iomraidhean Croise

Génesis 12:2

Mirayniykimanta ruwasaj uj jatun aylluta; bendicisqayki, sutiyki may yuyarisqa kanqa, qannejta wajkuna bendicisqas kanqanku.

Génesis 12:3

Qampaj allinta ruwajkunapaj allinta ruwapusaj, qampaj mana allinta ruwajkunatarí maldicisaj. Qannejta bendicisqas kanqanku tukuy ayllus kay jallp'a patapi kajkuna.

Génesis 18:19

Noqa payta ajllani, wawasninta, miraynintapis kamachinampaj noqaj ñankunasniypi purinankupaj cheqan kajta, allin kajtataj ruwaspa, noqa junt'anaypaj payman tukuy ima nisqasniyta.

Génesis 22:10

Ñapis cuchillota oqharispa wawanta ñak'anan kashajtintaj, Señorpa angelnin janaj pachamanta nimorqa: Abraham! Abraham! Paytaj kuticherqa, kaypi kashani, nispa.

Génesis 22:3

Abrahamqa q'ayantin tutamanta jatarispa, burronta karunaykuytawan, iskay kamachisninta wawan Isaactawan wajyarqa q'olachinapaj llant'ata k'utuytawan rerqa maymanchus Dios nerqa chayman.

Génesis 28:14

Mirayniykeqa ashkhata miranqa mana yupay atina jallp'a t'iyu jina; paykuna junt'anqanku patanejman, uranejman, inti llojsimuynejman, inti yaykuynejman. Tukuy ayllus qannejta bendicisqas kanqanku, jinallataj mirayniykinejtapis.

Salmos 72:17

Reypa sutintaj wiñaypajpuni kachun, allin kaynintaj inti jina unaypaj kachun. Tukuy ayllus mundontimpi kajkuna, paynejta bendicisqas kachunku. Kusikuyniyojmin nispa tukuy ayllus kutichachunku.

Éxodo 7:6

Moiseswan Aaronwanqa kikinta ruwarqanku, imaynatachus Señor Dios paykunaman kamacherqa, ajinata.

Jeremías 7:23

Imatachus kamacherqani chayta kasunallawankuta; jinamantataj noqa Diosniykichej kanaypaj, qankunatajrí ayllusniy kanaykichejpaj. Nillarqanitaj: Qankunachus allin munasqay ñanta rikuwajchej chayqa, allinmin qankunata risonqachej.

San Mateo 1:1

Jesucristoj ñaupa tatasnimpa mirayninmanta libro. Jesusqa karqa Davidpa ayllunmanta, Abrahampa ayllunmantawan.

Hechos 3:25

Qankunaqa profetaspa wawasnin kankichej, jap'erqankichejtaj tatasniykichejwan Dios tratota ruwasqanta. Maypachachus Abrahamman nerqa: Qampa mirayniykipi, tukuy runaj ayllusnin bendicisqa kanqa, nispa.

Romanos 1:3

Chaytaqa, Churin Jesucristomanta willarqa; payqa aychaman jina Davidpa mirayninmanta karqa.

Gálatas 3:16

Kunanqa Abrahamman, mirayninmanta jamojmanwan Dios qonanta nerqa. Manataj Escritura nerqachu: Mirayniykimanta jamojman, ashkhasmampis parlashanman jina, manachayqa ujllamanta parlan, chaytaj Cristo.

Gálatas 3:18

Sichus leynejta chayaqe kanman chayqa, manaña Diospa qosqayki nisqanraykuchu kanman. Diosrí Abrahamman chayaqeta qorqa qosqayki nisqanta junt'aspa.

Efesios 1:3

Señorninchej Jesucristoj Diosnin Tatantaj yupaychasqa kachun. Pay, espiritunman jina tukuy bendicioneswan Cristowan bendiciwarqanchej janaj pachapi.

1 Samuel 2:30

Chayrayku Señorqa Israelpa Diosnin nerqa: Qanwan aylluykiwan ima paypa nisqanta ruwanaykichejtapuni. Kunanqa nisunkichej: Mana ni jayk'aj chayta saqesajchu, manachayqa jatunchawajkunata jatunchallasajtaj; qhesachawajkuna tapis p'enqaypi rikhurichisaj. Noqa Señor chayta nini.