Génesis 20:6 - Qheshwa Biblia DC

⁶ Diostaj nerqa chay mosqoynimpi: Noqaqa yachani qan allin sonqoykiwan kayta ruwasqaykita, chayrayku mana saqerqaykichu payman qayllanaykita ama juchallikunaykipaj contraypi.

DIOSPA QHELQACHISQAN DEUTEROCANONICAL

⁶ Diostaj mosqoypi Abimelecman kuticherqa: Noqa yachani qan allin sonqowan chayta ruwasqaykita. Chayrayku paywan puñuykunaykita mana saqerqaykichu, ama contraypi juchallikunaykipaj.

DIOSPA QHELQACHISQ

⁶ Diostaj mosqoypi Abimelecman kuticherqa: Noqa yachani qan allin sonqowan chayta ruwasqaykita. Chayrayku paywan puñuykunaykita mana saqerqaykichu, ama contraypi juchallikunaykipaj.

Génesis 20:6 Iomraidhean Croise

Génesis 20:18

Abrahampa warmin Sararayku Señorqa nisqa Abimelecpa wasimpi kaj warmis mana wawasniyoj kanankuta.

Génesis 26:11

Chaymantaña Abimelecqa kamacherqa tukuy runasninman: Pichus kay runata, chayri warminta t'ojpejqa wañonqa, nispa.

Génesis 3:3

Huerta chaupipi kaj sach'allamanta Diosqa niwayku amapuni mikhunaykuta, ni llujchirinallaykutapis. Chaymanta mikhunkichej chayqa, wañunkichej, niwayku.

Génesis 31:24

Chay ch'isitaj arameo Labanman Dios mosqoypi nerqa: Uyariway, Jacobta ama phiñasqa parlapayankichu, nispa.

Génesis 31:7

Payri sapa kuti ch'aukiyawan, chunka kutikama pagoyta waj jinayachin. Chaywampis Señorneyqa mana saqenchu ni ima sajrata ruwawajta.

Génesis 35:5

Paykuna chaynejmanta llojsejtinkutaj Dios qorqa manchachikuyta, chay qayllasnimpi kaj llajtas manchachikunankupaj. Chayrayku Jacobpa wawasninta mana qhaterqankuchu.

Génesis 39:9

Kay wasipeqa mana pipis imata ruwananchu tiyan, manachayqa noqalla cuentayoj kani. Chayrayku patronneyqa niwan tukuy imasninmanta dueño jina kanayta, qanllamanta mana ima ruwanaychu tiyan, imaraykuchus qanqa warmin kanki, chayrayku. Ajinaqa, imaynatataj noqa ruwasaj kasqa chay millaytari, juchallikusajtaj Diospa contrantari?

Salmos 51:4

Contraykipi juchallikorqani, ñaupaqeykita mana allin kajta ruwaspa. Chayrayku nisqaykeqa cheqan. Cheqanchaspaqa mana pantankichu.

Salmos 81:12

Chayrayku munasqampi saqerqani; yuyasqankuman jinataj kausarqanku.

Salmos 84:11

Señor Diosqa k'anchawanchej, waqaychawanchejtaj. Señorqa munakun qhawantaj llimphu sonqo kausakojkunata tukuy ima allintataj paykunaman qollampuni.

Éxodo 34:24

Ñaupaqeykichejmanta waj nacionesta qharqosaj, jallp'asniykichejtataj astawan jatunyachisaj. Chay jallp'asniykichejtaqa ni pipis munapayanqachu, chayri jap'ikaponqachu, qankuna watapi kinsa kutita Señor Diosniykichejman qayllakunkichej chayqa.

Proverbios 21:1

Reypa yuyaynenqa Señorpa makimpipuni kashan, chayqa larq'a yaku jina purin, Señor imaynatachus munasqanman jina.

Proverbios 6:29

Ajina kanqa kausaqempa warminwan puñuykojpajqa, mana llusp'iyta atenqachu.

San Mateo 27:19

Pilato juzganampaj kashajtintaj, warmin nichimorqa: Ama imatapis ruwaychu chay cheqan kaj runawanqa. Payrayku kunan ch'isi millay mosqoyta mosqorqani, nispa.

1 Corintios 7:1

Kunantaj cartapi tapumuwasqaykichejman kutichimuykichej. Allin kanman qharipajqa mana warmiyoj kanan.

2 Corintios 6:17

Chayrayku llojsiychej paykunaj chaupinkumanta, t'aqakuychejtaj, nin Señorqa. Ama llankhaychejchu ch'ichi imasta, noqataj jap'ikapusqaykichej.

2 Tesalonicenses 2:11

Chayrayku, Diosqa paykunaman pantachej atiyta apachimun, llulla kajta creenankupaj.

2 Tesalonicenses 2:7

Chay pakasqa sajra ateyqa, ñapis llank'ashanña; payqa suyashan jark'ajqa chaupinmanta orqhosqa kanallanta.

1 Samuel 25:26

Chaywampis cheqamanta Señorqa mana munarqachu qan wañurachej jamunaykita, makiykiwan aynita kutichinaykita! Señor munachun tukuy qampa enemigosniykita, sajrawan rikusuyta munajkunatapis, Nabalta, jinataj ima sajrapis qhatirichun.

1 Samuel 25:34

Israelpa Señor Diosninrayku jurayki, pay mana munarqachu ni ima sajratapis ruwasunayta, manachus qan usqhayta jamuwaj karqa noqawan tinkoj chayqa, q'ayakama mana uj qharillapis Nabalpa runasninmanta kausashaj puchunmanchu karqa.