Génesis 20:3 - Qheshwa Biblia DC

³ Chay ch'isipacha Abimelecqa mosqokorqa, Diostaj chay mosqoynimpi nerqa: Qanqa wañunki, pi warmitachus warmiykipaj pusachimunki chayqa qosayoj.

DIOSPA QHELQACHISQAN DEUTEROCANONICAL

³ Chaywanpis Dios chay ch'isipacha Abimelecman mosqoypi rikhurispa, nerqa: Kunan qan wañunki, imajtinchus pi warmitachus pusachimunki, chayqa qosayojmin, nispa.

DIOSPA QHELQACHISQ

³ Chaywanpis Dios chay ch'isipacha Abimelecman mosqoypi rikhurispa, nerqa: Kunan qan wañunki, imajtinchus pi warmitachus pusachimunki, chayqa qosayojmin, nispa.

Génesis 20:3 Iomraidhean Croise

Génesis 12:17

Sarairaykutaj Señorqa faraonta mayta ñak'aricherqa ashkha jasut'iykunawan, jinallataj tukuy familiantapis.

Génesis 12:18

Chayrayku faraonqa Abramta wajyacherqa, nerqataj: Imaraykutaj qan kay jinata ch'aukiyawankiri? Imaraykutaj mana qan niwankichu kay warmeqa qampa warmiyki kasqantarí?

Génesis 20:7

Kunanqa kutichipuy kay warmita qosanman, imarayuchus payqa profeta, Diosmanta mañapusonqa kausanaykipaj. Mana qopunki chayri, qan, tukuy qampata kajkunasnintin wañunkichejpuni.

Génesis 28:12

Chaypi mosqokorqa, uj escalera pampamanta cielokama chayashajta, Diospa angelnintataj chayta uraykamushajta wicharishajtataj.

Génesis 31:24

Chay ch'isitaj arameo Labanman Dios mosqoypi nerqa: Uyariway, Jacobta ama phiñasqa parlapayankichu, nispa.

Génesis 37:5

Uj kuti Joseqa imaynatachus mosqokusqanta wauqesninman willarqa, chaymanta paykunaqa astawan chejnikorqanku; imaraykuchus nerqa: Uyariwaychej imaynatachus mosqokusqayta willasqaykichej.

Génesis 37:9

Chaymanta Joseqa astawan mosqokullarqataj, chaymantataj wauqesninman willallarqataj, nispa: Uyariwaychej kay jinata mosqokuni: Intiwan killawan, chunka ujniyoj qoyllurkunapiwan noqaman k'umuykamushawasqanku.

Génesis 40:5

Uj ch'isi iskaynin presos, vinota jaywaj, t'antata ruwaj ima mosqokusqanta sapa ujninku, sapa ujninkojtataj uj imata niyta munarqa.

Génesis 40:8

Paykunataj kuticherqanku: Sapa ujniyku mosqoyku, manataj pipis kanchu mosqokusqaykuta willarinawaykupaj imatachus niyta munasqanta. Josetaj nerqa: Manachu Dios chaykunataqa sut'inchan? Willariwaychej chay mosqokusqaykichejta.

Génesis 46:2

Chay ch'isi Israelman Dios parlarqa mosqoypi jina Jacob sutinmanta wajyaspa. Paytaj kuticherqa kaypi kashani, nispa.

1 Crónicas 16:21

Dios jark'arqa paykunata maqanankumanta. Reykunastapis k'amerqa kay jinata:

Job 33:15

Wakin kutispeqa ch'isin runaman parlan mosqoypi, chayri mosqoypi jina, runas puñojtinkuña, misk'ejta puñushajtinku.

Job 33:17

Mana allin ruwasqasninmanta chay runata t'aqanampaj, ama anchata jatunchakunampaj.

Salmos 105:14

Diosqa nin mana pipis paykunata llakichinankuta, paykunaraykutaj reyesta nerqa:

Jonás 3:4

Jonasqa llajtaman yaykorqa uj p'unchay puriyta jatunmanta willaspa: Kaymanta tawa chunka p'unchayman Nínive llajtaqa phirisqa kanqa, nispa.

Números 22:9

Diostaj Balaamman rikhurerqa, taporqataj: Pistaj wasiykipi kashanku chay runasri?, nispa.

San Mateo 1:20

Kay imapi José yuyashajtintaj, Señorpa angelnin payman rikhurerqa mosqoypi, nerqataj: José, Davidpa ayllunmanta kaj, ama manchachikuychu, María warmiykita jap'ikapullay; imaraykuchus paypi kaj wawaqa Santo Espiritumantamin.

San Mateo 27:19

Pilato juzganampaj kashajtintaj, warmin nichimorqa: Ama imatapis ruwaychu chay cheqan kaj runawanqa. Payrayku kunan ch'isi millay mosqoyta mosqorqani, nispa.