Génesis 17:1 - Qheshwa Biblia DC

¹ Abram isq'on chunka isq'onniyoj watasniyoj kashajtin, Señorqa rikhurerqa payman, nerqataj: Noqa tukuy atiyniyoj Dios kani; qan kausay ñaupaqeypi sumaj kausayta, mana pejpa k'aminan.

DIOSPA QHELQACHISQAN DEUTEROCANONICAL

¹ Abram jisq'on chunka jisq'onniyoj watayoj kashajtin, Tata Dios payman rikhurispa, nerqa: Noqa Tukuy Atiyniyoj Dios kani. Chayrayku qan munasqayman jina cheqanta puriy.

DIOSPA QHELQACHISQ

¹ Abram jisq'on chunka jisq'onniyoj watayoj kashajtin, Tata Dios payman rikhurispa, nerqa: Noqa Tukuy Atiyniyoj Dios kani. Chayrayku qan munasqayman jina cheqanta puriy.

Génesis 17:1 Iomraidhean Croise

Génesis 12:1

Uj kuti Señorqa Abramman nerqa: Saqey jallp'aykita, ayllusniykita, tataykej wasintawan. Jinaspataj ripuy, noqa rikuchisqayki chay jallp'aman.

Génesis 12:7

Chaypi Señorqa Abramman rikhurerqa, nerqataj: Kay jallp'ata mirayniykiman qosaj. Abramtaj chaypi uj altarta Diospaj ruwaporqa, chaypi Señorqa payman rikhurisqanrayku.

Génesis 16:16

Abramqa pusaj chunka sojtayoj watasniyoj karqa wawan Ismael naceshajtin.

Génesis 18:1

Abrahamman Señor rikhurerqa Mamre encinas sach'ararapi, jaran punkupi tiyachushajtin, khuskan p'unchayta jina.

Génesis 18:14

Señorpajqa kanmanchu imallapis mana ruway atinaqa? Watapaj kunan jinallataj kutimuspa watukusqayki, chaypaj Saraqa wawayojña kanqa.

Génesis 24:40

Paytaj niwarqa: Noqa purini Señorpa ñannimpi, pay kachamusonqa uj angelninta, kay risqaykipi allin risunampaj. Uj warmita pusampuwanki aylluy ukhumanta, tataypa ayllunmanta.

Génesis 26:2

Chaypi Señor rikhurerqa, nerqataj: Ama riychu Egiptoman. Tiyakullay maypichus noqa nisqayki chaypi.

Génesis 28:3

Tukuy atiyniyoj Dios bendicisuchun, ashkhayachisuchun, mirayniykita mirachichun, qanmanta ashkha naciones kanankupaj.

Génesis 43:14

Tukuy Atiyniyoj Dios qankunamanta khuyakuchun, ama imapis qankunawan kanampaj, chay runa ujnin wauqeykichejta kacharimpunampaj, jinallataj kay Benjamintapis. Sichus Diospuni munan mana wawasniyoj kanayta chayqa, jina mana wawasniyoj qhepakusaj!

Génesis 46:3

Chaypi Dios payman nerqa: Noqa Dios kani, tataykej Diosnin. Ama Egiptoman riyta manchachikuychu; chaypi mirachisaj mirayniykita uj jatun nación kanampaj.

Génesis 48:15

Jinaspataj Joseta bendicerqa kay jinata: Tukuy atiyniyoj Dios, pitachus kasorqanku abuelosniy Abraham, Isaacwan; mayqenchus noqata pusaykachakuwarqa nacesqay ratomantapacha, tukuy sajra kajmanta waqaychawaj, ángel, kay wawasta bendicichun. Paykunanejta sutiy yuyarisqa kanampaj, jinallataj tatasniypa sutisnimpis Abrahampata, Isaacpatawan. Paykuna kachunku ashkha wawasniyoj, ashkhas kachunku kay mundopi.

Génesis 48:3

Chaymantataj Joseman nerqa: Tukuy atiyniyoj Dios Luz llajtapi rikhuriwarqa, bendiciwarqataj Canaán jallp'api, kay palabraswan: Noqa qanta ashkhata mirachisqayki, chay mirayniykimanta ashkha naciones ruwakonqanku. Chanta mana chayllachu, kay jallp'ata mirayniykiman qopusaj, paykunajta kanqa wiñaynintimpaj.

Génesis 5:22

Enocqa Diospa munayninman jinapuni kausarqa. Matusalén nacesqanmanta qhepata, Enoc kausarqa kinsa pachaj watastawan. Wawasnintaj karqanku qharis, chanta warmis.

Génesis 5:24

Enoc Diospa munayninman jinapuni kausasqanrayku uj p'unchay chinkaporqa, imaraykuchus Dios pusakaporqa.

Génesis 6:9

Kay jina karqa Noepa kausaynin: Noeqa cheqan karqa, sumaj runataj chay tiempo runa mita ukhupi, Diosta kasuspapuni. Ajinaqa pay k'atalla Diospa munasqanta ruwarqa.

1 Reyes 2:4

Señor junt'anampaj chay tukuy ima niwasqanta: Sichus wawasniyki ñankunasniypi allinta purinkuman chayqa, ñaupaqeypitaj cheqa kajta ruwaspa, tukuy sonqonkuwan tukuy yuyayninkuwantaj chayqa, ni jayk'aj faltanqachu Israelpa tronompi qampa uj qhari wawayki.

1 Reyes 3:6

Chanta Salomonqa nerqa: Qanqa khuyarqanki jatun khuyakuyniykiwan tatay David kamachiykita, imaraykuchus payqa purerqa qampa ñaupaqeykipi cheqanta, cheqa kaypi, cheqan sonqowantaj, qantaj mayta khuyakorqanki, uj wawatapis qorqanki tronompi tiyakunampaj, imaynachus kunan p'unchay kashan jina.

1 Reyes 8:25

Kunantaj ari, Israelpa Señor Diosnin, junt'allaytaj imatachus tatay Davidman nisqaykita, nispa: Noqaj ñaupaqeypi mana pisisonqachejchu uj qhari wawa Israelpa tronompi tiyaykukojqa, sichus wawasniyki kamachisqasniyta waqaychanqanku, ñankunasniypitaj purenqanku, imaynatachus qampis purerqanki noqaj ñaupaqeypi ajinata chayqa.

Job 1:1

Uz jallp'api uj runa Job sutiyoj tiyakorqa. Payqa sumaj cheqan karqa, Diostaqa tukuy imapi sumajta kasoj, sajramantataj karunchakoj.

Job 11:7

Creenkichu Diospa pakasqa imasninta taripayta? Chayawajchu Tukuy Atiyniyoj Diospa imaynachus kasqanta yachanaykikama?

Salmos 115:3

Diosninchejqa janaj pachapi kashan; Pay tukuy munasqanta ruwarqa.

Salmos 116:9

Noqaqa Señorpa ñaupaqempi purisaj, kay pachapi kausaj runaspa chaupimpi.

Salmos 25:14

Señorqa payta manchachikojkunawan khuska kausakun, tratontataj rejsichenqa.

Éxodo 6:3

Noqa tukuy atiyniyoj Dios sutiywan rejsichikorqani Abrahamwan, Isaacwan, Jacobwan ima. Señor nisqa sutiywanri paykunaman mana rejsichikorqanichu.

Proverbios 10:9

Pichus allinta purejqa ni imamanta manchachikunchu; pichus sajrata ruwajqa, sajrallapitaj tukukonqa.

Daniel (hebreo) 4:35

Paypa ñaupaqempi mana imapis kankuchu kay jallp'a patapi tukuy tiyakojkunaqa. Pay ruwan munayninman jina, janaj pachapi, jinallataj kay pachapipis. Mana pipis kanchu Diospa atiyninman sayaykojqa, manallataj pipis payta tapurinmanchu, imarayku jinata ruwanki?, nispa.

Miqueas 6:8

Ña nisunkiña, Señor, ya runa yachankichu, imapichus allin kaj ruway kasqanta, chaytataj qanmanta Payqa munan ruwanaykita: Cheqan kaj ruwayta, fiel kayta, mana qonqakapoj kayta, tukuy llamp'u sonqo kaywantaj Diosniykita kasunaykita.

Números 11:23

Señortaj payman kuticherqa: Atiyneyqa pisichu? Kunanqa rikunki kay parlasqayta junt'asajchus manachus chayta.

Números 24:16

Diosman yuyayninta churaspa Diospa nisqanta uyarej runa, patapi kaj Dios imatachus rejsin chayta rejsejtaj payqa. Imatachus nisqasninta rejsej manchay atiyniyoj Diospata mana rikukoj imasninta rikoj runa kayta nin:

San Mateo 19:26

Jesustaj paykunata qhawarispa, nerqa: Runaspajqa mana kayqa atikunchu, Diospajrí tukuy ima atikun.

San Mateo 5:48

Imaynatachus janaj pachapi kashaj Tataykichej cabal, ajinallatataj qankunapis cabal kaychej.

San Lucas 1:6

Qhari warmi karqanku llimphu kausayniyoj runas Diospa ñaupaqempi; Señorpa nisqanman jina kausakuspa, ni pejpa ima ninan.

Hechos 23:1

Pablotaj jatun juntapi kajkunata qhawarispa, nerqa: Wauqekuna, kunankama Diospa ñaupaqempi llimphu sonqoyoj kausakuni.

Hechos 24:16

Chayrayku atisqayta ruwani, tukuy kausayniypi llimphu sonqo kanaypaj Diospa ñaupaqempi, runaspa ñaupaqenkupipis.

Efesios 3:20

Diosqa tukuy imata ruwayta atin, mañakusqanchejmantapis aswan ashkhataraj, jinallataj yuyaychakusqanchejmantapis noqanchejpi atiynin kasqanman jina.

Deuteronomio 10:17

Señor Diosniykichejqa dioskunaj Diosnin, señorkunaj Señornin. Payqa jatun Dios, atiyniyoj manchachikunataj. Tukuyta kikin munakuyllawan qhawan. Ni ima t'inkaswampis rantichikunchu.

Deuteronomio 18:13

Qankunaqa Diospa ñaupaqempi cheqan sonqoyojpuni kanaykichej tiyan.

Deuteronomio 30:20

Señor Diosniykichejta munakuychej, kasuychej, Payllata qhatiychej. Ajinamanta kausayniyoj kankichej, unayta tiyakunkichej, chay jallp'api Señor Diosniykichej juraspa qonanta nerqa tatasniykichej Abrahamman, Isaacman, Jacobman ima, chaypi.

Filipenses 4:13

Tukuy imata atini Cristo kallpachawajniypi.

Hebreos 12:28

Chayrayku noqanchejpis mana kuyurej reinota jap'ispaña, graciasta qona, Diostataj yupaychana tukuy sonqo, jatumpitaj payta jap'ina. Chaykunata Diosqa munan.

Hebreos 7:25

Chayrayku payqa atin wiñaypaj salvayta, paynejta Diosman qayllakojkunata. Payqa kausallanqapuni paykunapaj Diosmanta mañapuspa.