Génesis 12:7 - Qheshwa Biblia DC

⁷ Chaypi Señorqa Abramman rikhurerqa, nerqataj: Kay jallp'ata mirayniykiman qosaj. Abramtaj chaypi uj altarta Diospaj ruwaporqa, chaypi Señorqa payman rikhurisqanrayku.

DIOSPA QHELQACHISQAN DEUTEROCANONICAL

⁷ Chantá Tata Diosqa chaypi Abramman rikhurispa, nerqa: Kay jallp'atamin mirayniykiman qosaj, nispa. Abramtaj chaypi Tata Diospaj uj altarta ruwaporqa, chaynejpi Tata Dios payman rikhurisqanrayku.

DIOSPA QHELQACHISQ

⁷ Chantá Tata Diosqa chaypi Abramman rikhurispa, nerqa: Kay jallp'atamin mirayniykiman qosaj, nispa. Abramtaj chaypi Tata Diospaj uj altarta ruwaporqa, chaynejpi Tata Dios payman rikhurisqanrayku.

Génesis 12:7 Iomraidhean Croise

Génesis 12:8

Chaymanta riporqa uj orqoman, chaytaj kashan Betel llajtaj inti llojsimuyninnejpi, chaypi jarakorqa. Betelqa kasharqa jaramanta inti yaykuypi. Haitaj karqa inti llojsimuynejpi. Chay cheqapi Abramqa uj altartañataj ruwarqa, Señorpa sutimpi Diosmanta mañakunampaj.

Génesis 13:15

Noqa qosqayki tukuynin rikusqayki jallp'asta, qampaj wiñaypaj kanqa, jinallataj mirayniykipajpis.

Génesis 13:17

Kunanqa sayariy, thaskiriytaj kinrayninman, sayt'unman; imaraykuchus noqa qanman qosqayki kay jallp'ata.

Génesis 13:18

Jinamanta Abramqa toldonta oqharispa riporqa Mamre runaj encinas sach'arara jallp'anman, Hebrón llajta qayllaman. Chaypi uj altarta Señorpaj ruwarqa.

Génesis 13:4

Chayqa karqa maypichus ñaupajta altarta ruwarqa chay. Chaypi Diosmanta mañakorqa, Señorpa sutinta oqharispa.

Génesis 15:18

Chay kikimpacha Señorqa uj tratota Abramwan ruwarqa, nispa: Mirayniykiman qosaj kay jallp'ata. Chaytaj kanqa Egipto mayumanta, Eufrates jatun mayukama.

Génesis 17:1

Abram isq'on chunka isq'onniyoj watasniyoj kashajtin, Señorqa rikhurerqa payman, nerqataj: Noqa tukuy atiyniyoj Dios kani; qan kausay ñaupaqeypi sumaj kausayta, mana pejpa k'aminan.

Génesis 17:3

Abramtaj chayta uyarispa umanta pampaman chayachinankama k'umuykorqa. Diostaj payman nillarqataj:

Génesis 17:8

Qanman paykunamanwan qosqaykichej kay tukuynin Canaán jallp'ata, kunan maypichus tiyakushanki chayta, chayaqeyki wiñaypaj kanampaj, noqataj Diosniyki kasaj.

Génesis 18:1

Abrahamman Señor rikhurerqa Mamre encinas sach'ararapi, jaran punkupi tiyachushajtin, khuskan p'unchayta jina.

Génesis 22:9

Maymanchus Dios nerqa Abraham rinanta, chayman chayaspataj Abrahamqa uj altarta ruwarqa Diospaj, chaymantaj llant'a apasqanta churarqa. Llant'a patamantaj Isaac wawanta wataykuspa winkuykucherqa altar patapi.

Génesis 24:7

Señor janaj pachapi kaj Dios orqhomuwarqa, tataypa wasinmanta, ayllusniypa jallp'anmanta; niwarqataj kay jallp'ata mirayniymanwan qonawanta. Chay Dios kachamusonqa uj angelninta qampa ñaupaqeykita rinampaj, yanapasunampajtaj wawaypaj warmita pusamuyta.

Génesis 26:25

Isaacqa jaqaypi uj altarta ruwarqa, chaypi mañakunampaj Señorpa sutimpi. Chaynejpi jarakuspa toldota sayachikorqa, kamachisnimpis uj yaku pujyuta allachillarqataj.

Génesis 26:3

Kunanraykoqa kay jallp'allapiraj tiyakushay. Noqa qanwan kasaj, bendicisqaykitaj. Qanman, mirayniykimanwan kay jallp'asta qosqaykichej. Ajinamanta junt'asaj tatayki Abrahamman imatachus qosqayki nerqani chayta.

Génesis 28:13

Jinallataj paypa ñaupaqempi Señor sayashajta, payman nishajta: Noqa kani Señor, abueloyki Abrahampa Diosnin, tatayki Isaacpatawan. Qanman mirayniykimanwan qosqayki kay jallp'ata, maypichus puñushanki chayta.

Génesis 28:4

Qanman mirayniykimanwan bendicionninta qosuchun, imatachus Abrahamman qosqayki nerqa chayta, kay jallp'ata jap'ikapunaykichejta, mayqempichus kunan tiyakushanchej karu llajtayojpis kasunman jina. Kay jallp'ataqa Dios qorqa Abrahamman.

Génesis 32:30

Jacobqa chay cheqata suticharqa Penuel, nispa; imaraykuchus Dioswan tinkunakuyku, chay tukuywampis kausashaniraj, nispa.

Génesis 33:20

Jinaspataj uj altarta ruwarqa, suticharqataj El-Elohe-Israelta.

Génesis 35:12

Abrahamman Isaacmanwan qorqani chay jallp'ata qanmampis qollaykitaj, qan wañupojtiykitaj mirayniykiman qosaj.

Génesis 35:7

Chaypi ruwarqa uj altarta, suticharqataj Betelta chay cheqata. Imaraykuchus Dios rikhurerqa wauqen Esaumanta ayqekushajtin chay cheqapi.

Génesis 50:24

Uj kuti Joseqa wauqesninman nerqa: Pisillaña kashan wañupunayman, Dios qankunamanta yuyarikusonqachej, kay jallp'amanta orqhosonqachej, pusasunaykichejpaj mayqen jallp'atachus qosqaykichej nerqa Abrahamman, Jacobman ima, chayman.

Génesis 8:20

Noetaj uj altarta Señorpaj ruwarqa, chaypitaj Diospaj uj rikuchikuta ruphacherqa, mikhuna uywasta, phawajkunata ima sapa ujmanta ujtakama ajllaspa.

2 Samuel 24:25

Chaypitaj Davidqa, Señorpaj uj altarta jataricherqa, chaypi uywasta q'olachispa jaywarqa, jinataj allinyakunapaj nisqa ñak'asqa uywastapis. Chaypacha Señorqa uyarerqa aylloj mañakusqasninkuta, chay onqoytaj Israel ayllu ukhumanta chinkaporqa.

1 Crónicas 16:16

Abrahamwan ruwarqa chay tratomantaqa, Isaacman jurarqa chaymantapis.

1 Crónicas 16:18

Kay jinata nispa: Canaán jallp'ata qosqayki, maychus chayaqeyki jina tocasunki chayta.

2 Crónicas 20:11

Qhaway, paykunataj kutichishawayku qampa jallp'aykimanta noqaykuta wijch'uspa; noqaykuman chayaqeykupaj jina qowarqayku chay jallp'amanta.

2 Crónicas 20:7

Diosniyku, qan wijch'orqanki aylluyki Israelpa ñaupaqenmanta kay jallp'api tiyakojkunata, wiñaypajtaj qoporqanki Abraham kausaqeykej mirayninman.

Esdras 3:2

Chaypacha Josadacpa wawan Josué, chanta sacerdote masisnin, jinallataj Salatielpa wawan Zorobabel, chanta ayllu masisnin ima, Israelpata Diosnimpa altarninta ruwarqanku, chay patapi uywasta wañuchispa ruphachinankupaj, Diospa runan Moisespa leynimpi qelqasqanman jina.

Éxodo 17:15

Moisestaj chaymantaqa uj altarta ruwarqa, chaytataj Señorqa suticharqa noqaj banderaymin, nispa: Señorpa contranta amalecitas oqharikusqankurayku Señorpa banderanqa makipi. Señorqa maqanakupi kashan amalecitaswan uj miraymanta uj miraykama.

Éxodo 24:4

Chaymanta Moisesqa Señorpa tukuy palabrasninta qelqarqa. Tutamanta jatarispataj uj altarta orqo k'uchupi chunka iskayniyoj rumiswan ruwarqa, chay rumistaj Israel ayllusman jina karqa.

Éxodo 32:13

Yuyarikuy ari, ima tratotachus ruwasqaykita kamachisniyki Abrahamwan, Isaacwan, Israelwan ima. Qan chayta ruwashaspa nerqanki: Noqa mirayniykichejta mirachisaj qoyllurkunata jina, kay jallp'ata qosaj mirayniykichejman imatachus qosaj nisqayman jina, paykunataj chayaqenkupaj wiñaypaj jap'ikunankupaj.

Éxodo 33:1

Señorqa Moisesman nerqa: Kunanqa riy, wichariychej mashkha runastachus Egiptomanta orqhomorqanki chay runaswan; ima jallp'atachus juraspa nerqani qonayta Abrahamman, Isaacman, Jacobmanwan, mirayniykichejman qosaj kay jallp'ata, nispa, chayman.

Éxodo 6:3

Noqa tukuy atiyniyoj Dios sutiywan rejsichikorqani Abrahamwan, Isaacwan, Jacobwan ima. Señor nisqa sutiywanri paykunaman mana rejsichikorqanichu.

Éxodo 6:4

Chantapis paykunawan uj tratota ruwarqani, Canaán jallp'ata qonaypaj. Chay jallp'api paykunaqa karu llajtayoj jinalla karikorqanku pisi p'unchaykunata.

Jeremías 3:18

Maypachachus chay p'unchay chayamojtin, Judá aylluwan tantaykukonqa Israel aylluwan khuska. Kutimonqanku wichaynej jallp'amanta qankunaj ñaupa tatasniykichejman chayaqenkupaj jina qarqani chay jallp'asman.

Hechos 7:5

Diosqa payman mana chayaqenta qorqachu, ni ujnin chakillantapis churaykunampaj. Chaywampis Diosqa Abrahammampuni kay jallp'ata qonanta nerqa, paypaj kanampaj, wañupojtimpis miraynimpaj qhepakunampaj. Chayta Dios nishajtenqa, manaraj Abrahampataqa wawampis karqarajchu.

Romanos 9:8

Kaymin chayqa: Aychaman jina kajkunaqa mana Diospa wawasninchu kanku, manachayqa Diospa qosqayki nisqanman jina kajkunalla Diospa wawasnin kanku. Paykunataj cheqa kaj miraywan khuska yupasqas kanku.

Gálatas 3:16

Kunanqa Abrahamman, mirayninmanta jamojmanwan Dios qonanta nerqa. Manataj Escritura nerqachu: Mirayniykimanta jamojman, ashkhasmampis parlashanman jina, manachayqa ujllamanta parlan, chaytaj Cristo.

Gálatas 4:28

Ajinaqa hermanos, qankuna Isaac jina, Diospa qosqayki nisqampa wawasnin kankichej.

Deuteronomio 1:8

Noqa qoykichej chay jallp'asta; chayrayku rispa mojonakamuychej, dueñochakamuychej chay jallp'asta; chaytaqa noqa Señor, juraspa qosqaykichej nerqani ñaupa tatasniykichej Abrahamman, Isaacman, Jacobman ima, jinallataj mirayninkumampis.

Deuteronomio 30:20

Señor Diosniykichejta munakuychej, kasuychej, Payllata qhatiychej. Ajinamanta kausayniyoj kankichej, unayta tiyakunkichej, chay jallp'api Señor Diosniykichej juraspa qonanta nerqa tatasniykichej Abrahamman, Isaacman, Jacobman ima, chaypi.

Deuteronomio 34:4

Chaypitaj Señorqa payman nerqa: Kay ari, chay jallp'aqa, Abrahamman, Isaacman, Jacobman juraspa, mirayninman ima qonayta nerqani, chay. Noqa munarqanipuni chay jallp'ata kikin ñawisniykiwan rikunaykita. Manataj chaymanqa yaykunkichu.

Deuteronomio 6:10

Señor Diosniykichej pusasonqachej chay jallp'asman, ñaupa tatasniykichej Abrahamman, Isaacman, Jacobman ima qonanta nerqa chayman. Chay jallp'aqa jatuchaj k'acha llajtasniyoj. Qankunaqa mana chaykunastaqa ruwarqankichejchu.

Deuteronomio 9:5

Mana qankuna allin kasqaykichejraykuchu, nitaj cheqan kajta ruwasqaykichejraykuchu, paykunaj jallp'asninkuta jap'ikapunkichej. Señorpuni ñaupaqeykichejmanta paykunata juchachakusqankurayku wijch'un junt'anampaj ñaupa tatasniykichejman Abrahamman, Isaacman, Jacobman ima imatachus nisqanta.

Hebreos 11:13

Creespa tukuyninku wañuporqanku, chay Diospa qonan kasqanta manaraj jap'ishaspa; astawanqa karullamanta chay imasta qhawaspa, creespa, napaykuspataj; ajinamanta, kay pachapi purej runas jina, mana llajtayoj kasqankuta rejsicherqanku.

Hebreos 11:8

Creesqanrayku Abrahampis wajyasqa kaspa, chayaqepaj jap'inan jallp'aman llojserqa, mana yachaspa maymanchus rishasqanta.

Josué 1:6

Sumajta kallpachakuy, waputaj kay. Qanmanmin chayasunki kay aylluman jallp'ata rak'inaykeqa. Kay jallp'ataqa tatasninkuman nerqani chayaqenkupaj kanampaj qonayta.

Josué 22:10

Chay kinsantin ayllus, Rubén ayllu, Gad ayllu, Manasespa khuskan ayllun ima Jordán mayu cantoman chayaspa, Canaán jallp'allapiraj, uj altarta perqarqanku chay mayu cantopi.

Josué 8:30

Chaymanta Josueqa Israelpa Señor Diosnimpaj Ebal orqopi uj altarta ruwaporqa.

Jueces 6:24

Chaypacha Gedeonqa Señorpaj uj altarta jataricherqa, suticharqataj, Señormin sonqo tiyakoyqa, nispa. Chay altarqa kashallanraj Abiezerpa ayllun ukhupi, Ofra llajtapi.

1 Samuel 7:17

Chaymantaqa Ramá llajtaman kutimpoj, chaypi wasin kasqanrayku, chaymantapachataj israelitasta kamacherqa. Chaypitaj Señorpaj uj altarta sayaricherqa.