Génesis 1:14 - Qheshwa Biblia DC

¹⁴ Chaymantá Dios nillarqataj: K'anchaykuna kachun cielopi, p'unchayta wajman, tutatataj wajman t'aqanampaj; jinallataj señal kanampaj tiempospaj, diaspaj, wataspajwan.

DIOSPA QHELQACHISQAN DEUTEROCANONICAL

¹⁴ Chaymanta Dios nerqa: Janajpi k'anchajkuna kachun, p'unchayta tutamanta t'aqananpaj, jinallataj pacha mit'ata, p'unchaykunata, watakunata ima t'aqananpaj.

DIOSPA QHELQACHISQ

¹⁴ Chaymanta Dios nerqa: Janajpi k'anchajkuna kachun, p'unchayta tutamanta t'aqananpaj, jinallataj pacha mit'ata, p'unchaykunata, watakunata ima t'aqananpaj.

Génesis 1:14 Iomraidhean Croise

Génesis 1:13

Ajina ch'isiyaywan sut'iyaywan kinsa kaj día karqa.

Génesis 1:15

K'anchaykuna kachun cielopi jallp'ata k'anchanampaj. Ajinataj karqa.

Génesis 8:22

Jallp'a kanankama kallanqapuni chajras, cosechas; kallanqataj q'oñi, chiri, q'omer tiempo, chirawi tiempo; chantaqa p'unchay, tutapis.

Génesis 9:13

K'uychiyta churani phuyuspi, chaytaj kanqa señal tratota mundowan ruwasqaymanta.

Job 25:3

Soldadosnenqa mana yupay atina, k'anchaynenqa tukuypaj k'anchamun.

Job 25:5

Diospa ñawinmantaqa ni killapis sumajta k'anchayta atinchu, nitaj qoyllurkunapis llimphus kayta atinkuchu.

Job 3:9

Chay paqarimpi sut'iyay qoyllurkunaqa mana k'anchanankuchu karqa; chay jina suyasqa k'anchayqa mana chayamunanchu karqa; sut'iyarpamuyta yurajyaytapis mana rikunanchu karqa.

Salmos 119:91

Qampa kamachisqasniykiman jina tukuy ima kunankama sayan, imaraykuchus tukuy ima kamachiykipaj kanku.

Salmos 148:3

Intipis, killapis, yupaychaychej. K'anchaj ch'askas yupaychaychej.

Salmos 148:6

Pay tukuy imasta churarqa wiñaypa wiñaynimpaj. Chaykunapajtaj kay kamachiyta qorqa mana p'akiy atinata.

Salmos 150:1

Señorqa yupaychasqa kachun. Tantakuna wasipi Señorta yupaychaychej, k'achitu cielompi Diosta yupaychaychej.

Salmos 81:3

Putututa waqachiychej mosoj killa chayamojtin, jinallatajpura kajtimpis, chay diaqa jatun p'unchayninchej.

Isaías 40:26

Patata cielota qhawariychej. Pitaj kay tukuy qoyllurkunata ruwarqa? Pichus chaykunata orqhomuspa yupan, tukuyninkutataj sutisninkumanta wajyan; mana ujta puchuchispa. Chay jinapuni kamachinampaj atiyninwan kallpanwanqa.

Jeremías 10:2

Señorqa nin: Ama waj nacionespa ruwasqasnillantataj ruwaychejchu, nillataj cielopi ima t'ukunas kajtin mancharikuychejchu, waj nacionespi jinaqa.

Jeremías 31:35

Pichus intita p'unchaynimpi k'anchanampaj churarqa, killata, ch'askastapis tutampi k'anchanankupaj churarqa. Mar qochatapis phiñarikojta, qhollchoqeyasqampis mayta mayta ch'ajwarejta churaj. Tukuy Atiyniyoj sutichasqa Señorqa chayta nin:

Jeremías 33:25

Noqa Señor nini: P'unchaywan, ch'isiyaywampis noqa tratota ruwarqani, leykunata churarqani, janaj pachata, chanta kay pachatapis kamachinampaj.

Ezequiel 46:1

Señorqa kay jinata nin: Ukhu patioj inti llojsimuynejpi kaj punkonqa, sojtantin llank'ana p'unchaykunapi wisq'asqa kanqa. Samakuna p'unchaypitaj kichakonqa. Mosoj killa rikhuriy p'unchaypipis kichakullanqataj.

Ezequiel 46:6

Mosoj killa rikhuriy punchaypitaj, tropa wakamantaqa uj uña wakata qonqa, chaytaj mana iman imanasqa kanan tiyan. Chantapis sojta corderosta, uj carnerotawan, chaykunapis mana iman imanasqas kananku tiyan.

Joel 2:10

Jallp'a kharkatitin paykunaj ñaupaqempi. Janaj pachapis kuyurin. Intipis, jinallataj killapis laqhayaykunku. Qoyllurkunataj manaña k'anchankuchu.

Joel 3:15

Inteqa, jinallataj killapis laqhayanku. Estrellaspa lliphipiyninkupis chinkapushan.

Amós 5:8

Señormin chay chhika ashkha qoyllurkunata ruwajqa, tutatapis p'unchayman tukuchin, p'unchaytapis laqhaman tukuchin; Pay mar qochamanta yakutapis wajyaspa jallp'a pataman parachimun; Paymin jatuchaj perqasta urmachin, raqaymantaj tukuchin. Paypa sutenqa Señormin.

Amós 8:9

Chay p'unchaytaj nin Señor Diosqa: Chaupi p'unchay kashajtin intita laqhaykuchimusaj, chay kikin p'unchayllataj jallp'ata laqhaykuchimusaj.

San Mateo 2:2

Taporqankutaj: Maypitaj kashan judiospa reynin nacikojri? Kayta niyku, imaraykuchus ch'askanta rikuyku inti llojsimuynejpi. Chayrayku kayman jamuyku payta yupaychaj.

San Mateo 24:29

Ñak'ariy tiempo tukukojtintaj, inti laqhayaykaponqa; killapis manaña k'anchanqachu, qoyllurkunataj urmaramonqanku; janaj pacha atiykunataj kuyurenqanku.

Marcos 13:24

Chay ñak'ariy p'unchaykunaj qhepanta inti laqhayaykonqa, killapis manaña k'anchamonqachu.

San Lucas 23:45

Intitaj laqhayaykorqa. Templopi cortina warkhusqapis iskayman llik'ikorqa.

Deuteronomio 4:19

Pajtataj janaj pachaman qhawaspa rikuwajchej, intita, killata, estrellasta, imaschus janaj pachapi kanku chaykunatawan. Ajinamanta pajtataj chaykunaman qonqorikuspa yupaychawajchej. Señor Diosniykichejqa chaykunasta ruwarqa kay pachapi kaj tukuy aylluspaj.

Apocalipsis 6:12

Sojta kaj sellota kicharejtintaj, rikorqani manchay jallp'a ikhakuyta; intitaj yanayarqa uj qhashqa yana p'acha jina, killataj yawarman tukorqa.

Apocalipsis 8:12

Tawa kaj angeltaj trompetata waqacherqa. Intej kinsa kaj t'aqan, killaj kinsa kaj t'aqan, qoyllurkunajtapis kinsa kaj t'aqan wajtasqa karqa. Chayrayku p'unchaypa kinsa kaj t'aqan manaña k'ancharqachu, ajinallataj tutajtapis.

Apocalipsis 9:2

Ukhu pacha pujyutataj kicharerqa, pujyoj q'osñintaj wicharimorqa uj jatun hornoj q'osñin jina. Intitaj, wayrapis laqhayaykorqa chay pujyoj q'osñinrayku.