Génesis 1:1 - Qheshwa Biblia DC

¹ Qallariypeqa Dios janaj pachata kay pachatawan ruwarqa.

DIOSPA QHELQACHISQAN DEUTEROCANONICAL

¹ Qallariypi Diosqa janajta, kay pachata ima ruwarqa.

DIOSPA QHELQACHISQ

¹ Qallariypi Diosqa janajta, kay pachata ima ruwarqa.

Génesis 1:1 Iomraidhean Croise

2 Reyes 19:15

Señorpa ñaupaqempitaj Ezequiasqa mañakorqa: Israelpa Señor Diosnin janaj pachakunapi angelkunaj chaupimpi tiyakoj, qanllamin tukuynin jallp'a patapi reinospa Diosnenqa kanki. Qanlla janaj pachata kay pachatawan ruwarqanki.

1 Crónicas 16:26

Waj ayllumanta runaspa dioskunasninkoqa mana imachu kanku. Señorqa tukuy janaj pachakunata ruwarqa.

2 Crónicas 2:11

Chaypacha Tiroj reynin Hiramqa Salomonman apacherqa uj carta qelqasqata kay jinata nichispa: Señor churasorqa israelitaspa kamachejnin kanaykipaj ayllunta munakusqanrayku.

Nehemías 9:6

Esdrastaj nerqa: Qanllamin k'ata Señorqa kanki, qan ruwarqanki janaj pachata, janaj pachamanta janaj pachatapis, chaypi tukuy ima kajnintapis. Ruwallarqankitaj kay pachata, chaypi tukuy ima kajtapis, mar qochastapis, chaypi tukuy ima kajtapis. Qanqa tukuy imasman kausayta qonki. Chayraykumari janaj pacha ch'askaspis yupaychasunku.

Job 26:13

Ujta phukuspa janaj pachata picharparin, makinwan q'allpispa chay llusp'iy katarita wañuchin.

Job 38:4

Kay jallp'ata sayachishajteyqa, maypitaj kasharqankiri? Niway, sichus qan cheqamanta kay imasta yachanki chayqa!

Job 9:8

Pay sapallan cielota sayachin, mar qocha patata purin.

Salmos 102:25

Qallariymantapacha kay pachata qan sinch'ita sayachinki, cielotapis qanllataj ruwarqanki.

Salmos 104:24

Señor, ruwasqasniykeqa may chhika. Tukuy imata yachayniykiwan ruwarqanki. Jallp'aqa ruwasqasniykiwan junt'a kashan.

Salmos 104:30

Espirituykita kachamunki chayqa, chaykuna ruwanku, kay pachatataj mosojman tukuchinki.

Salmos 115:15

Janaj pachata, kay pachatapis ruwaj Señorqa, qankunata bendicichun.

Salmos 121:2

Yanapayqa Señormanta jamonqa, kay pachata janaj pachatawan ruwajmanta.

Salmos 124:8

Yanapayninchejqa Señormanta chayamuwanchej, pichus janaj pachata kay pachatawan ruwajmanta.

Salmos 134:3

Diosninchej janaj pachata kay pachatawan ruwajqa, Sión orqomantapacha bendicisuchun.

Salmos 136:5

Sumaj yachaywan janaj pachata ruwajman, khuyakuynin wiñaypaj kasqanrayku.

Salmos 146:6

Pay ruwarqa janaj pachata, kay pachatapis, mar qochata, tukuy chaypi kajkunatawan. Payqa nisqanta junt'ampuni.

Salmos 33:6

Cielota, tukuy chaypi kajtapis, Señorqa palabranwan ruwarqa, simimpa samayninwan imalla.

Salmos 33:9

Pay parlarqa tukuy imataj ruwasqa karqa. Pay kamacherqa, tukuy imataj sinch'ita sayarqa.

Salmos 8:3

Qampa ruwasqayki cielota qhawaspa, killata ch'askastawan, chayri churasqaykita, noqa nini:

Salmos 8:4

Imataj runari paymanta yuyarikunaykipajri? Imataj runa payta qhawanaykipajri?

Salmos 90:2

Manaraj orqos ruwakushajtin, nitaj jallp'apis, mundopis kashajtin, ñaupajmantapachaña, wiñaykamapis, qan Dios kanki.

Salmos 96:5

Waj aylluspa diosninkunaqa mana kaj lantislla kanku. Señortaj janaj pachata ruwarqa.

Éxodo 20:11

Señorpis sojta p'unchaypi ruwarqa cielota, kay pachata, mar qochata, chay ruwasqasnimpi imaschus kashanku chaykunatawan. Qanchis kaj p'unchaypitaj samarikorqa, chayrayku Señorqa bendicerqa samarikuna p'unchayta, nerqataj payllapaj kasqanta.

Éxodo 31:18

Señorqa ajinata Sinaí orqopi Moiseswan parlayta tukuytawan, payman qorqa leyta palqayojta ruwasqa p'alta rumipi kikin Diospa dedonwan escribisqata.

Proverbios 16:4

Señorqa kay tukuy imasta ruwan uj yuyayllawan; juchasapa runatapis uj p'unchay jasut'isqa kanampaj.

Proverbios 3:19

Señorqa mundota ruwarqa sumaj yachaywan, cielotapis sayacherqa sumaj yuyaywan.

Eclesiastés 12:1

Wayna kashaspa ruwajniykimanta yuyarikuy, amaraj sajra p'unchaykuna jamushasojtin. Chay watas chayamusojtintaj ama ninaykipaj: Mana chaykunapeqa kausayta tarinichu, nispa.

Isaías 40:21

Manachu yacharqankichej, manachu uyarerqankichej? Manachu uyarerqankichej kay pacha imaynatachus qallarikusqanta? Manachu qallariymantapacha willasorqachej?

Isaías 40:26

Patata cielota qhawariychej. Pitaj kay tukuy qoyllurkunata ruwarqa? Pichus chaykunata orqhomuspa yupan, tukuyninkutataj sutisninkumanta wajyan; mana ujta puchuchispa. Chay jinapuni kamachinampaj atiyninwan kallpanwanqa.

Isaías 40:28

Manachu yacharqanki, manatajchu uyarerqanki wiñaypaj kaj Diosqa Señor kasqanta, kay tukuynin jallp'atapis pay ruwasqanta? Payqa mana iskayrayanchu, nitaj sayk'unchu. Payqa yuyasqantaqa mana pipis yachayta atinchu.

Isaías 42:5

Pichus janaj pachata ruwaj, jatunman aysajtaj, kay jallp'ata ruwaj, chaypi poqojkunata ima; chay jallp'a patapi tiyaj runasman kausayta qoj; pichus chay jallp'api purejman samayta qoj, Señor Diosqa ajinata nin:

Isaías 44:24

Manaraj naceshajtiyki ruwasoj salvajniyki Señorqa ajinata nin: Noqa, tukuy imata ruwaj Señorqa kani. Noqa cielota qhatatatani, jallp'atapis sumajta sayachini ni pejpa yanapasqan.

Isaías 45:18

Janaj pachata ruwaj Señorqa, payllataj Dios kay jallp'ata ruwaj, chay ruwasqanta sumajta sayachej, manataj qhasipajchu chay imasta ruwaj, chaypi tiyakunankupaj ruwajqa, nin: Noqamin Señorqa kani, noqamanta astawan wajqa mana kanchu.

Isaías 51:13

Ruwasojniyki Señortaqa qonqapunkiñachu, janaj pachata qhatatajmanta, jallp'atapis sumajta sayachejmanta? Qanqa tukuy p'unchaynintin manchachikuspallapuni kanki, pichus llakichisuspa, phiñakuspataj chinkachisuyta munarqa chaymanta. Kunan maytaj chay jinata llakichisuspa purej runaj phiñakuyninri?

Isaías 51:16

Palabrasniyta simiykiman churarqani. Makiypa llanthumpi pakarqayki, janaj pachata aysatataspa, kay jallp'atapis sumajta sayachispa, Sionman nerqani: Qanqa noqaj aylluy kanki, nispa.

Isaías 65:17

Noqaqa mosoj janaj pachata, mosoj kay pachatawan ruwasaj; chay ñaupaj kajkunaqa qonqasqa kanqa, manapuni yuyarillasajpischu.

Jeremías 10:12

Señorqa atiyninwan kay pachata ruwarqa, yachayninwantaj mundota sayacherqa, yachayniyoj kasqanwantaj janaj pachatapis aysatatarqa.

Jeremías 51:15

Señorqa atiyninwan kay pachata ruwarqa, yachayninwan kay pachata sayaykucherqa, yuyayninwantaj janaj pachata aysatatarqa.

Zacarías 12:1

Kayta, Israelmanta Señor parlarqa: Señor pichus janaj pachata aysarqa, kay pachatapis sayacherqa, runamampis kausayta qorqa, ajinata nisunkichej: Qhaway, Jerusalenqa uj vinoyoj vasota jap'enqa; tukuy qayllampi kaj llajtakunatataj machaykuchenqa. Maypachachus chaykuna Jerusalenman maqanakoj yaykonqanku chaypacha, Judamanta kaj waj llajtasmampis yaykullanqankutaj.

San Mateo 11:25

Chaypacha Jesús kutichispa nerqa: Yupaychayki Tatáy, janaj pachajta, kay pachajtawan Señornin. Kay imasta pakaykorqanki yachaysapasmanta, yuyayniyojkunamantawan; wawasmantaj chaykunata rikucherqanki.

Marcos 13:19

Chay p'unchaykunapeqa manchay llakiykuna kanqa; chay jina llakiykunaqa mana jayk'ajpis rikukorqachu, Dios kay mundota ruwasqanmantapacha kunankama; nillataj qhepamampis kanqachu.

Hechos 17:24

Kay pachata, tukuy imasnintawan ruwaj Diosqa paymin, janaj pachajta, kay pachajtapis Señornin. Manataj payqa runaj ruwasqan templopichu tiyakun.

Hechos 4:24

Paykunataj chayta uyarispa, tukuyninku uj sonqolla Diosman qhaparerqanku, nispa: Señor, qan ruwarqanki janaj pachata, kay pachatawan, jatun qochatapis, tukuy imas paykunapi kajkunatawan.

Romanos 11:36

Tukuy ima paypata, paynejta, paypajtaj kanku. Chayrayku pay yupaychasqa kachun wiñaypa wiñaynimpaj. Amén.

1 Corintios 8:6

Noqanchejpajqa uj Dioslla, Tatanchej. Paymanta tukuy ima jamun, noqanchejtaj paypata kanchej; uj kamachejlla, chaytaj Jesucristo. Paynejtataj tukuy imas ruwasqas kanku. Noqanchejpis paynejta kanchej.

Efesios 3:9

Wiñaymantapacha Diospi pakasqa imasta, tukuyman sut'inchanaypaj atiyta qowarqa; chay tukuy imastataj pay ruwarqa.

Hebreos 1:10

Ajinallatataj nerqa: Qanmin, Señorníy, qallariypeqa jallp'ata ruwarqanki; janajkunapi kajkunapis makisniykej ruwasqallantaj.

Hebreos 1:2

Kay qhepa p'unchaykunapitaj Churinnejta parlamuwarqanchej; paytataj churarqa tukuy imamanta chayaqeyoj kanampaj; paynejtataj tukuy mundontinta ruwarqa.

Hebreos 11:3

Creespa yachanchej kay pachakuna Diospa palabranrayku wakichisqas kasqankuta. Chayrayku rikusqanchejqa mana rikukojkunamanta ruwasqas karqanku.

Hebreos 3:4

Sapa waseqa runaj wasichasqampuni; tukuy imata ruwajrí, Dios.

2 Pedro 3:5

Paykunaqa mana yachajman tukunku. Qallariypi janaj pachapis, kay pachapis Diospa palabranwan ruwasqas karqanku. Kay pachataj yakumanta karqa, yakullapitaj kakushan.

1 Juan 1:1

Kausayta qoj Palabramanta qankunaman escribimuyku. Kay Palabraqa ñapis karqaña kay pacha qallarikushajtin. Noqayku paymanta qankunaman willamuyku imatachus uyarisqaykuta, imatachus ñawisniykuwan rikusqaykuta, imatachus qhawasqaykuta, imatachus makisniykuwan payta llankhasqaykuta ima.

Apocalipsis 10:6

Jurarqataj wiñay wiñaypaj kausajrayku, pichus janaj pachata ruwarqa, chaypi imaschus kajkunatawan, jallp'atapis, chaypi imaschus kajkunatawan, mar qochatapis, chaypi imaschus kajkunatawan; willarqataj tiempo manaña kananta.

Apocalipsis 14:7

Qhaparispataj nerqa: Diosta manchachikuychej, sutinta jatunchaychej; juiciompa horanqa chayamushanña; janaj pachata, kay pachata, mar qochata, yaku pujyusta ima ruwajta yupaychaychej.

Apocalipsis 21:6

Niwarqataj: Junt'asqaña. Noqa kani alfa, omegataj; qallariy, tukukuytaj. Ch'akichikojmanqa kausay yakuta pujyumanta qhasilla ujyachisaj.

Apocalipsis 22:13

Noqa alfa, omegataj kani, qallariy, tukukuytaj, ñaupaj kaj qhepa kajtaj.

Apocalipsis 3:14

Laodicea iglesiaj angelninman escribiy: Kayta nin Amén nisqa, allinta junt'aj, cheqa kajtaj, pichus tukuy ima Diospa ruwasqasninmanta qallariynin, chay:

Apocalipsis 4:11

Allimpaj qhawasqa kanki, Señor Diosniyku, yupaychayta, jatun kayta, atiyta ima jap'inaykipaj. Qan tukuy imata wakicherqanki, munayniykiraykutaj kanku, ruwasqastaj karqanku.