Gálatas 4:5 - Qheshwa Biblia DC

⁵ Leypa kamachimpi kashajkunata kacharichinampaj, paypa wawasnin jinataj rejsisqas kanaykupaj.

DIOSPA QHELQACHISQAN DEUTEROCANONICAL

⁵ Dios Churinta kachamorqa, Moisespa kamachisqankunaj wata runan kashajtinchej pay kawsayninwan pagaspa kacharichinawanchejpaj. Ajinata ruwarqa tukuyninchej paypa wawanpaj rejsikapusqan kananchejpaj.

DIOSPA QHELQACHISQ

⁵ Dios Churinta kachamorqa, Moisespa kamachisqankunaj wata runan kashajtinchej pay kawsayninwan pagaspa kacharichinawanchejpaj. Ajinata ruwarqa tukuyninchej paypa wawanpaj rejsikapusqan kananchejpaj.

Quechua South Bolivia: Dios Parlapawanchej

⁵ Ñaupajpi chay camachiskasman wataskas carkanchej. Chayraycu Dios Wawanta cachamorka chay camachiskaspa juchachayninmanta cacharichinawanchejpaj paypa wawasninpaj jap'icapunawanchejpajtaj.

Gálatas 4:5 Iomraidhean Croise

San Mateo 20:28

Runaj Churenqa mana sirvichikojchu jamorqa. Astawampis, payqa jamorqa runata sirvej, kausaynintataj qoj; ashkha runa salvasqa kanampaj.

San Juan 1:12

Sutimpi creespa, tukuy payta recibejkunaman atiyta qorqa, Diospa wawasnin kanankupaj.

Hechos 20:28

Qankuna kikiykichej qhawakuychej, jinallatataj tukuy tropatapis. Paykunapaj Santo Espíritu churasorqachej, qhawajkunata Diospa iglesianta michinaykichejpaj. Iglesiataqa Jesucristo kikin yawarninwan ranterqa.

Romanos 10:4

Leypa tukukuynenqa Cristomin, tukuy paypi creejkuna Diospaj cheqan runas kanankupaj.

Romanos 8:14

Chayrayku pikunachus Diospa Espiritunnejta pusaykachasqas kajkunaqa, Diospa wawasnin kanku.

Romanos 8:15

Mana kamachipi kanapajchu Espiritutaqa jap'erqankichej, ujtawan mancharisqallapuni kanaykichejpaj, astawanqa chay Espirituta jap'erqankichej Diospa wawasnimpaj rejsisqas kanaykichejpaj. Chayrayku Diosmanta mañakuychej: Tatáy, Tatáy, nispa.

Romanos 8:19

Mundontin anchatapuni suyashan Diospa wawasnin k'anchaypi rikuchisqas kanankuta.

Romanos 8:23

Chantá mana chayllachu, astawanqa Espiritojta ñaupaj kaj regalosninta japejkuna, sonqonchejpi waqanchej, suyaspa Diospa wawasnimpaj rejsisqa kayta munaspa, ukhunchejpis kacharisqa kananta.

Romanos 9:4

Paykuna kanku israelitas, pikunatachus Dios wawasnimpaj jina rejsikaporqa; paykunamantaj jatun kayta qorqa, tratotataj paykunawan ruwarqa; chantá qorqa leyta, templopi Diosta yupaychayta, qosqaykichej nerqa chaykunatawan.

Gálatas 3:13

Cristo qhechuwarqayku leypa maldicionninmanta. Paytaj noqaykurayku maldicisqa karqa. Chaytaj escribisqa kashan: Maldicisqa kanqa tukuy k'aspipi warkhusqa kajqa, Abrahampa bendicionnin Cristo Jesusnejta gentilesman chayanampaj. Ajina fenejta Dios qonawayku karqa, chay Espirituta jap'inaykupaj.

Gálatas 3:26

Chayrayku tukuyniykichej Diospa wawasnin kankichej, Jesucristopi creesqaykichejrayku.

Gálatas 4:21

Niwaychej, qankuna leypa kamachimpi kayta munajkuna. Manachu leypa imatachus nisqanta uyarerqankichej?

Gálatas 4:7

Ajinaqa manaña kamachichu kanki, astawanqa Diospa wawan. Wawanña kanki chayri, Dios chayaqeta qosonqa [Cristonejta].

Efesios 1:5

Munakuspa wiñaymantaña ajllawarqanchej, Cristonejta paypa wawasnimpaj rejsisqas kananchejpaj, cheqa munayninman jina; khuyakuynimpa jatun kayninta yupaychananchejpaj. Chaywantaj allin qhawasqa kananchejpaj, munakusqan Churimpi.

Efesios 1:7

Paypa yawarninrayku kacharichisqas kanchej. Juchasninchejta pampachan khuyakuyninrayku.

Efesios 5:2

Munakuypitaj puriychej, imaynatachus Cristopis munakuwarqanchej ajinata. Pay kikin entregakorqa noqanchejrayku Diosman ofrenda jina, ruphachisqa cordero jinataj k'acha q'apayniyoj.

Tito 2:14

Pay kikin noqanchejrayku wañuyman rerqa, sajra kajmanta kacharichinawanchejpaj, llimphuchawanchejtaj paypa ayllun kananchejpaj, k'uchita tukuy imata allinta ruwanachejpaj.

Hebreos 1:3

Paytaj Diospa k'anchaynimpa lliphipiynin kaspa, Dios kaynimpa kikin rijch'aynintaj, tukuy imata palabrampa atiyninwan sayachin, pay kikintaj juchasninchejta pichaspa, jatun kajpa pañanman janaj pachapi tiyaykukorqa.

Hebreos 9:12

Manataj chivospa, nitaj waka uñaspa yawarninnejtachu, pay kikimpa yawarninnejta, uj kutillata llimphuchasqa jatun santuarioman yaykorqa, wiñaypaj salvacionta wakichispa.

Hebreos 9:15

Ajinamanta, payqa mosoj tratomanta allinyachej, wañuyninta churasqanraykutaj, ñaupaj trato urapi juchas kajkunata pampachan; wajyasqastaj Dios qosaj nisqanta chayaqepaj wiñaypaj jap'inku.

1 Pedro 3:18

Cristopis juchasrayku uj kutillata ñak'arerqa cheqan mana juchayoj, juchasapasrayku; Diosman pusanawanchejpaj. Cheqamanta aychapi wañorqa, espiritupitaj kausasharqa.

Apocalipsis 14:3

Uj mosoj takiyta jina tronoj ñaupaqempi, tawa kausaj animalespa, kuraj runaspa ñaupaqempi ima takisharqanku; manataj pipis chay takiyta yachakuyta atejchu; manachayqa chay pachaj tawa chunka tawayoj waranqalla, pikunachus kay pachapi kajkuna ukhumanta kacharisqas karqanku.

Apocalipsis 5:9

Uj mosoj takiytataj takerqanku, nispa: Allimpaj qhawasqa kanki librota jap'inaykipaj, sellosnintataj phaskaranaykipaj; imaraykuchus qan wañuchisqa karqanki, yawarniykiwantaj Diospaj rantiwarqayku, tukuy ayllumanta, tukuy laya parlaykunamanta, tukuy laya runamanta, tukuy nacionesmanta ima.