Gálatas 3:1 - Qheshwa Biblia DC

¹ Ya, mana yuyayniyoj Gálatas! Pitaj ch'aukiyasorqachej cheqa kajta mana kasunaykichejpajri? Qankuna ukhupi ñawiykichej rikushajtin, sut'ita Jesucristoj chakatakusqanmanta willarqayku.

DIOSPA QHELQACHISQAN DEUTEROCANONICAL

¹ Galaciapi kaj wawqe panakuna, qankuna wampu kankichej. Pitaj layqaykusorqachej cheqa kajta mana kasunaykichejpajri? Noqa Jesucristoj wañusqan ima niytachus munasqanta qankunaman sumajta sut'incharqaykichej, kikin ñawiykichejwanpis Jesucristo cruzpi chakatasqa wañushajta rikushawajchej jina.

DIOSPA QHELQACHISQ

¹ Galaciapi kaj wawqe panakuna, qankuna wampu kankichej. Pitaj layqaykusorqachej cheqa kajta mana kasunaykichejpajri? Noqa Jesucristoj wañusqan ima niytachus munasqanta qankunaman sumajta sut'incharqaykichej, kikin ñawiykichejwanpis Jesucristo cruzpi chakatasqa wañushajta rikushawajchej jina.

Quechua South Bolivia: Dios Parlapawanchej

¹ ¡Ay, mana reparayta atej Galacia jallp'api hermanos! Nokaycu kancuna chaupipi sut'ita willararkaycu Jesucristo chacataska caskanta. Chanta ¿pitaj musphachispa pantachisorkachej cheka cajta mana casunayquichejpaj?

Gálatas 3:1 Iomraidhean Croise

San Mateo 24:24

Ashkhas jamonqanku, noqa Cristo kani, chayrí profeta kani, nispa. Llullakuspataj jatuchaj señalesta, milagrosta ima ruwanqanku. Chaywantaj tukuyta pantachenqanku; atinkuman chayqa ajllasqasnintinta.

San Mateo 7:26

Pichá kay nisqasniyta uyarin, manataj kasunchu chayqa, mana yuyayniyoj, t'iyu patapi wasichakoj runaman rijch'akun.

San Lucas 24:25

Chantá pay nerqa: Ay, mana yuyayniyojkuna rumi sonqos, chay jinatapunichu mana creenkichej profetaspa tukuy nisqanta!

Hechos 16:6

Chay qhepatataj paykuna Frigianta, Galacianta rishajtinku Santo Espíritu paykunata jark'arqa Asiapi ama evangeliomanta willanankuta.

Hechos 6:7

Ajinamanta Diospa palabran wiñasharqa, yachachisqastaj maytapuni ashkhayarqanku Jerusalén llajtapi.

Romanos 10:16

Manataj tukuychu kasorqanku evangeliotaqa; chayrayku Isaías nin: Señor, pitaj creerqa willasqaykutari?, nispa.

Romanos 2:8

Churanakojkunapaj, cheqan kajta mana kasojkunapaj, mana allin kajta ruwajkunapaj ima, phiñakuy, manchay chejninakuytaj kanqa.

Romanos 6:17

Ñaupajta juchaj kamachisnin karqankichej. Kunantajrí Diospa khuyakuyninrayku tukuy sonqowan kasunkichejña, chay yachachiy qosqaman jina, mayqempichus yachachisqas karqankichej.

1 Corintios 11:26

Ajina ari, sapa kuti kay t'antamanta mikhuspa kay copamanta ujyaspataj Señorpa wañuyninmanta willankichej, pay kutimunankama.

1 Corintios 2:2

Mana imatapis yachayta munarqanichu, qankunawan kashaspaqa; astawanqa Jesucristo chakatasqa kasqallanmanta.

2 Corintios 10:5

Ajinata ari, runakunaj yachayninkuta thuñispa, wapuykachaspa Diospa yachayninta qhesachajkunata; tukuy yuyaytataj Cristoman apaspa kasunankupaj.

2 Corintios 11:3

Manchachikuni imaynatachus katari llullakuspa ch'aukiyarqa Evata, ajinallatataj yuyayniykichejta pantachinanta, tukuy sonqo, llamp'u sonqostaj Cristowan kanaykichej kashajtin.

Gálatas 1:2

Noqawan kashanku chay tukuy hermanoswan, Galaciapi kaj iglesiasman napaykamuyku.

Gálatas 1:6

T'ukuni chay jina usqhayta karunchasqaykichejmanta Diosmanta, pichus Cristoj khuyakuyninrayku wajyasorqachej, waj jina evangeliota qhatisqaykichejmantapis.

Gálatas 2:14

Maypachachus rikorqani mana allinta purejta, evangelioj cheqa kayninman jina, chaypacha tukuypa ñaupaqempi Pedroman nerqani: Sichus qan judío kashaspa, gentiles jina kausanki, manataj judío jinachu chayqa, imaraykutaj kamachinki gentilesqa judíos jina kanankutari?

Gálatas 3:3

Chay jina wampuspunichu kankichej? Espíritoj munayninman jina qallarishaspa, kunanqa aychaj munayninman jinachu tukuychayta munashankichej?

Gálatas 4:9

Kunanqa Diosta rejsishaspa, chayrí Diospa rejsisqasnin kaspa, imaraykutaj ujtawan mana kallpayoj, wajcha yachachiykunaman kutiripuyta munankichej kamachisnin jina?

Gálatas 5:11

Hermanos, sichus noqa circuncisionmantaraj willani chayqa, imaraykutaj judíos qhatiykachawanku? Jina kanman chayqa, cruzmanta misk'ana mana kanmanchu.

Efesios 3:8

Diospa tukuy ajllasqasninmanta aswan juch'uy kashajtiypis, Diosqa atiyta qowarqa, Cristoj qhapaj kapuyninta mana rejsiy atina evangeliota gentilesman willanaypaj.

Efesios 5:15

Allinta qhawakuychej imaynatachus purisqaykichejta, amataj mana yuyayniyoj wampus jinaqa, manachayrí, yachayniyojkuna jina.

Deuteronomio 32:6

Wampu runas, mana yachayniyojkuna, ajinatachu Señormanqa kutichinkichej? Manachu payqa tataykichej, ruwasojniykichejtaj? Paymin qankunataqa ruwasorqachej, uj ayllullamantaj tukuchisorqachej.

2 Tesalonicenses 1:8

Payqa nina larwaywan rikhurimuspa, juchachanqa Diosta mana rejsejkunata, Señorninchej Jesucristoj evangeliontapis mana kasojkunata.

Hebreos 11:8

Creesqanrayku Abrahampis wajyasqa kaspa, chayaqepaj jap'inan jallp'aman llojserqa, mana yachaspa maymanchus rishasqanta.

Hebreos 5:9

Allinchasqaña kaspa, tukuy payta kasojkunapaj wiñaypaj salvajnin churasqa karqa.

1 Pedro 1:22

Kunantaj qankuna Santo Espiritunejta cheqa kajta kasuspa, almasniykichejta llimphucharqankichej, hermanosniykichejta cheqamanta munakunaykichejpaj mana llullakuspa. Kunanqa munananakuychej purajmanta llimphu sonqowan.

1 Pedro 4:17

P'unchay chayamunña. Juiciotaj Diospa wasinmanta qallarikunan tiyan. Juiciochus noqanchejmanta qallarikonqa chayqa, Diospa evangelionta mana kasojkuna, imapitaj tukukonqankuri?

2 Pedro 2:18

Chay runasqa, jatunmanta qhasi mana kajta parlaspa, wajkunata aychaj millay munayninman, tukuy laya runasman ima pusanku pikunachus cheqamanta ayqerqankuña, chay pantaypi kausajkunamanta.

Apocalipsis 18:3

Tukuy llajtakuna ujyarqanku qhenchachakusqampa vinota. Kay pachapi reyestaj paywan qhenchachakorqanku. Kay pachapi qhatojkunapis kusiy kausaypa atiyninwan qhapajyarqanku.

Apocalipsis 2:20

Chaywampis uj ima qampa contraykipi tiyapuwan: Chay Jezabel warmita, Diosmanta sut'inchaj kani nikojta saqenki yachachinanta, kamachisniytataj ch'aukiyananta, qhenchachakunankupaj, chay lantikunaman jaywasqasta mikhunankupaj ima.

1 Samuel 13:13

Samueltaj kuticherqa: Kaytaqa wampu jina ruwanki. Sichus Señorpa kamachisqanta ruwawaj karqa chayqa, payqa wiñaypaj kamachiyniykita sayachinman karqa.