Gálatas 2:16 - Qheshwa Biblia DC

¹⁶ Yachaspa runaqa mana leypa ruwanasninraykuchu mana juchayojpaj rejsisqa kasqanta, manachayqa Jesucristopi creesqanraykulla. Noqaykupis Cristopi creerqayku, paypi fenejta mana juchayojpaj rejsisqa kanaykupaj, manataj leypa ruwanasninraykuchu. Mana pipis leypa ruwanasninraykuchu, mana juchayojpaj rejsisqa kanqa.

DIOSPA QHELQACHISQAN DEUTEROCANONICAL

¹⁶ Chaywanpis yachayku runaqa mana Moisespa kamachisqankunata junt'aspachu cheqan runapaj qhawasqa kasqanta, manachayqa Jesucristopi atinikusqanraykulla. Noqaykupis Cristopi atinikorqayku, paypi atinikusqaykuraykutaj Diospa ñawpaqenpi cheqan runapaj qhawasqa kayku, manataj kamachisqakunata junt'asqaykuraykuchu. Mana pipis kamachisqakunata junt'asqanrayku Diospa ñawpaqenpi cheqan runapaj qhawasqa kayta atenqachu.

DIOSPA QHELQACHISQ

¹⁶ Chaywanpis yachayku runaqa mana Moisespa kamachisqankunata junt'aspachu cheqan runapaj qhawasqa kasqanta, manachayqa Jesucristopi atinikusqanraykulla. Noqaykupis Cristopi atinikorqayku, paypi atinikusqaykuraykutaj Diospa ñawpaqenpi cheqan runapaj qhawasqa kayku, manataj kamachisqakunata junt'asqaykuraykuchu. Mana pipis kamachisqakunata junt'asqanrayku Diospa ñawpaqenpi cheqan runapaj qhawasqa kayta atenqachu.

Quechua South Bolivia: Dios Parlapawanchej

¹⁶ Chaywanpis yachanchejña Dios uj runataka chekan runapaj khawaskanta Jesucristopi jap'icuskannejllata, manataj camachiskanta ruwaskannejtachu. Ajinata nokanchejpis Jesucristopi jap'icorkanchej paynejllata chekan runaspaj Dioska khawanawanchejpaj, manataj camachiskata ruwaskanchejnejtachu. Chekamanta Dioska ni pitapis camachiskata ruwaskannejta chekan runapaj khawanchu.

Gálatas 2:16 Iomraidhean Croise

Job 25:4

Runaqa atinmanchu mana juchayoj, llimphu ch'uyataj kayta Diospa ñaupaqempi? Imaynatataj uj warmimanta nacejqa llimphu kayta atinmanri?

Job 9:29

Noqaqa juchasapa kani. Imapajtaj qhasi mana kajta llank'asajri?

Salmos 143:2

Ama juicioman wajyaychu kamachiykitaqa, ñaupaqeykipeqa mana pipis mana juchayojqa kanchu.

San Juan 20:31

Kay imastaj escribisqas karqanku creenaykichejpaj Jesusqa Cristo Diospa Churin kasqanta; paypitaj creespa kausayniyoj kanaykichejpaj.

Hechos 4:12

Salvacionqa Jesucristollapi tarikun. Kay pachapi mana waj suti runasman qosqa kanchu, mayqempichus salvasqas kananchejpaj.

Romanos 1:17

Evangeliopeqa Diospa justician fenejta rikuchikun, fepajtaj; imaynachus escribisqa kasqanman jina: Cheqan runaqa fenejta kausanqa.

Romanos 3:30

Diosqa ujlla, paytaj fenejta circuncidasqasta, mana circuncidasqastapis, mana juchayojpaj rejsenqa.

Romanos 4:2

Sichus Abraham ruwasqasninrayku, mana juchayojpaj rejsisqa kanman chayqa, atinman karqa alabakuyta, manataj Diospa ñaupaqempichu.

Romanos 4:24

Noqanchejpajpis escribisqallataj karqa feninchej yupasqa kanampaj. Noqanchej creenchej Diospi, pichus Señorninchej Jesusta wañusqakunamanta kausarichimorqa, chaypi.

Romanos 8:3

Diosqa ruwarqa imatachus Moisespa leynin mana ruwayta atisqanta, aycha pisi kallpayoj kasqanrayku. Chayrayku Diosqa Churinta kachamorqa juchallikoj runaman rijch'akojta, jucha jawa; chay juchata aychapi chinkachinampaj; leypa cheqan kasqanqa noqanchejpi junt'akunampaj. Noqanchejqa mana aychaj munayninman jinachu purishanchej, astawanqa Espirituman jina.

Romanos 9:30

Chantá ima nisuntajri? Gentilesqa cheqan kajta mana mask'aspalla tarerqanku. Chayqa niyta munan cheqan kajqa fenejta tarikun.

1 Corintios 6:11

Ajina karqankichej qankunamanta wakin; kunanrí mayllasqasña kankichej, juchamanta llimphuchasqasña, allinyasqastaj Señor Jesuspa sutinrayku, Diosninchejpa Espiritunnejta ima.

Gálatas 4:5

Leypa kamachimpi kashajkunata kacharichinampaj, paypa wawasnin jinataj rejsisqas kanaykupaj.

Gálatas 5:4

Leypi cheqan kasqaykichejta yuyakuspaqa, Cristomanta karunchakunkichej, Diospa khuyakuyninmantataj karunchakunkichej.

Filipenses 3:9

Paywan kayta munani manaña leyman jinachu kausanaypaj, astawanqa Cristopi creespa. Chaytaj Diospa cheqan kayninmanta feman jina; chayrayku Cristota astawan rejsinaypaj kausarimuynimpi, ferayku payman rijch'akunaypaj wañuynimpi, suyashanitaj imaynamantapis kausarimuyta wañusqakunamanta.

1 Pedro 1:2

Qankunata Dios Tata ajllakorqa ñaupajmantapacha yuyasqanman jina, Santo Espiritunejta llimphuchaspa, Jesucristota kasunaykichejpaj, yawarninwantaj ch'ajchusqas kanaykichejpaj. Khuyakuy, sonqo tiyasqa kayta, qankunapi yapakuchun.

1 Pedro 2:24

Pay kikin cuerpompi juchasninchejta k'aspi cruzpi aparqa, noqanchejta juchaspaj wañusqas kaspa, cheqanta kausananchejpaj. Paypa nanayninraykutaj jucha onqoymanta thañichisqas kankichej.

1 Pedro 3:18

Cristopis juchasrayku uj kutillata ñak'arerqa cheqan mana juchayoj, juchasapasrayku; Diosman pusanawanchejpaj. Cheqamanta aychapi wañorqa, espiritupitaj kausasharqa.

2 Pedro 1:1

Noqa, Simón Pedro, Jesucristoj kamachin apostolnintaj kani. Dios Tataj cheqa kaynimpi, Salvawajninchej Jesucristopitaj, chay sumaj creeyta noqayku jina tarinkichej. Qankunaman kay cartata apachimuykichej.

1 Juan 1:7

K'anchaypichus purisunman chayqa, imaynatachus Diospis k'anchaypi kashan, ajinata noqanchejpis, ujkuna ujkunawan uj sonqolla kausanchej. Diospa Churin Jesuspa yawarnintaj tukuy juchamanta pichawanchej.

Apocalipsis 7:14

Noqataj payman kuticherqani: Wiraqochi, chaytaqa qan yachanki, nispa. Paytaj niwarqa: Kaykunaqa jatun llakiymanta jamojkuna kanku. P'achasninkuta t'ajsarqanku, Corderoj yawarnimpitaj yurajyacherqanku.

Apocalipsis 7:9

Kay imaspa qhepanta, ancha ashkha runata rikorqani, mana yupay atinata tukuy llajtamanta, ayllumanta, runasmanta, tukuy parlaykunamantawan. Paykunaqa tronoj ñaupaqempi, Corderoj ñaupaqempi kasharqanku, yuraj p'achaswan p'achallisqas. Palmastataj makisninkupi jap'isharqanku.