Éxodo 9:29 - Qheshwa Biblia DC

²⁹ Moisestaj nerqa: Kayqa kunitan kay llajtamanta llojsiytawan Señorman makisniyta oqharisaj mañakuspa, qhon qhonkunataj thañenqanku, granizopis manañataj kanqachu, yachanaykipaj kay jallp'a patapi Señorqa kasqanta.

DIOSPA QHELQACHISQAN DEUTEROCANONICAL

²⁹ Moisestaj nerqa: Kay llajtamanta llojsiytawanpacha, makiyta oqharispa, Tata Diosmanta mañakusaj. Chantá illapakuna ch'inyanqa, chijchi parapis thañenqa. Ajina kanqa kay pacha Tata Diospata kasqanta yachanaykipaj.

DIOSPA QHELQACHISQ

²⁹ Moisestaj nerqa: Kay llajtamanta llojsiytawanpacha, makiyta oqharispa, Tata Diosmanta mañakusaj. Chantá illapakuna ch'inyanqa, chijchi parapis thañenqa. Ajina kanqa kay pacha Tata Diospata kasqanta yachanaykipaj.

Éxodo 9:29 Iomraidhean Croise

1 Reyes 8:22

Chanta Salomonqa Señorpa altarnimpa ñaupaqempi, tukuynin Israelmanta runas rikushantin sayaykorqa, makisninta janaj pachaman oqharispa; nerqataj: Israelpa Señor Diosnin mana qan jina waj Diosqa janaj pachapi kanchu, nitaj kay jallp'a patapipis, qanqa tratoykita waqaychanki khuyakuyniykitapis kamachisniykiman rikuchinki, qampa ñaupaqeykipi tukuy sonqowan purejkunaman.

Esdras 9:5

Chay horaspi phutiyniymanta kutirerqani, chaywampis llik'isqa p'achaywanraj qonqoriykukuspa makisniyta Señor Diosniymanta oqharispa mañakuyta qallarerqani kay jinata: Diosníy, Diosníy, nispa. May p'enqaypi tarikuni, musphaykachashallani. Mana yachanichu imaynata qanman qayllaykusuyta. Pantasqaykoqa may jatumpuni, juchasniykutaj janaj pachakama chayamun.

Job 11:13

Allinta unanchakuy imatapis cheqanta ruwanaykipaj, chaymantataj Diosmanta mañakuy.

Salmos 135:6

Señorqa tukuy munasqanta ruwan, janaj pachapi, kay pachapi, mar qochapi, tukuy ukhuspipis.

Salmos 143:6

Qanman makisniyta oqharini, qanmanta ch'akichikuni ch'aki jallp'a jina.

Salmos 50:12

Yarqhawanman chayqa, mana willaykimanchu, imaraykuchus tukuy mundo noqajta, tukuy imantin.

Éxodo 19:5

Kunanqa sichus tratoymanta palabrasniyta uyarikunkichej, waqaychankichejtaj chayqa, noqapaj kankichej uj sumaj ayllu, tukuy ayllusmanta aswan sumaj; imaraykuchus noqajtamin tukuy jallp'asqa.

Éxodo 20:11

Señorpis sojta p'unchaypi ruwarqa cielota, kay pachata, mar qochata, chay ruwasqasnimpi imaschus kashanku chaykunatawan. Qanchis kaj p'unchaypitaj samarikorqa, chayrayku Señorqa bendicerqa samarikuna p'unchayta, nerqataj payllapaj kasqanta.

Éxodo 8:22

Ajina kashajtintaj, Gosén jallp'apeqa mana kanqachu khanikoj ch'uspisqa, mayqempichus aylluy tiyakushan chaypi; ajinamanta yachanaykichejpaj noqa Señor kay jallp'a patapi kashasqayta.

Éxodo 8:6

Aarontaj makinta jaywarerqa Egipto yakus pataman, Jinajtinkamataj k'aylankulasqa yakusmanta llojsiykamorqanku tukuynin Egipto jallp'asman junt'aykunankukama.

Éxodo 9:33

Moisestaj faraompa qayllanmanta, llajtamanta llojsiytawan Señormanta mañakuspa makisninta oqharerqa. Chay ratopacha qhon qhonkunawan granizowan thañiporqanku. Jinamanta paraqa manaña paramorqachu.

Isaías 1:15

Qankuna mañakunaykichejpaj makisniykichejta oqharejtiykichej, mana qhawarisqaykichejchu; ashkha kutitapis mañakuychej, noqaqa mana uyarisqaykichejchu, imaraykuchus makisniykichejqa yawarwan may ch'ichichasqa.

1 Corintios 10:26

Jallp'aqa Señorpata, jinallataj tukuy ima jallp'a patapi kajpis.

1 Corintios 10:28

Sichus pipis chaypi willasunkichejman: Kay aychaqa lantikunaman jaywasqa karqa nispa chayqa, ama mikhuychejchu chay willasqanrayku, chantá concienciaraykutaj; [imaraykuchus Señorpata jallp'aqa, tukuy ima junt'a kasqanwan].

Deuteronomio 10:14

Kunanqa yachanaykichej tiyan; janaj pachaqa janaj pachamanta aswan patapi kajkuna, kay pacha, chaypi imaschus kajkunasnintin, Señor Diosniykichejpata kashanku.