Éxodo 9:16 - Qheshwa Biblia DC

¹⁶ Chaywampis cheqamanta churayki, qampi atiyniyta rikuchinaypaj, qannejta sutiy willasqa kanampaj tukuy mundontimpi.

DIOSPA QHELQACHISQAN DEUTEROCANONICAL

¹⁶ Noqarí kawsanaykita munaniraj, atiyniyoj kasqayta rikunaykipaj, ajinamanta qannejta tukuy kay pachantinpi uyarisqa kanaypaj.

DIOSPA QHELQACHISQ

¹⁶ Noqarí kawsanaykita munaniraj, atiyniyoj kasqayta rikunaykipaj, ajinamanta qannejta tukuy kay pachantinpi uyarisqa kanaypaj.

Éxodo 9:16 Iomraidhean Croise

2 Samuel 7:23

Israel aylluyki jinaqa, mana waj llajta pay jina kanchu tukuy kay pachapeqa? Qan Diosníy, aylluyki kanampaj kacharicherqanki, may uyarisqa kanantataj ruwarqanki, payrayku may t'ukuna k'acha imasta ruwaspa. Egiptomanta kacharicherqanki, chay aylluykej ñaupaqenmantataj qan wijch'orqanki chay waj nacionesta dioskunasnintawan.

2 Reyes 19:35

Chay kikin ch'isipitaj Señorpa angelnin llojsispa, asiriospa soldadosninta pachaj pusaj chunka phishqayoj waranqata jarankupi wañuracherqa. Q'ayantin sut'iyayta jatarimunankupajtaj ayasllaña karqa.

1 Crónicas 16:24

Parlaychej may jatun kayninmanta t'ukuna imasta, ruwasqasninmantawan tukuy aylluspa ñaupaqempi, jinataj nacionespa ñaupaqempipis.

Nehemías 9:10

Faraompa contrampi, jinataj kamachisnimpajpis, chay jallp'api tukuy runaspa ñaupaqempipis jatuchaj t'ukuna imasta qan rikucherqanki. Qan rikorqanki imaynatachus israelitasta wapu wapulla may llakiyta ruwasqankuta. Jinamantataj may jatun uyarisqa sutiyoj karqanki kunankama.

Salmos 106:8

Diosninchejqa llimphu sutinrayku paykunata salvarqa, atiyninta rikuchinampaj.

Salmos 64:9

Chaypacha tukuy runas Diosta jatunchanqanku; ruwasqasninmanta parlanqanku, yachanqankutaj Diospa ruwasqasninta.

Salmos 76:10

Runaj phiñakuynenqa qanta yupaychanaman tukun, qantataj yupaychasunki chay phiñakuynenqa, uj chhikan phiñakuyninkupis pilluykiman tukun.

Éxodo 14:17

Noqataj egipciospa sonqosninta rumiyachisaj, qhepaykichejta qhatimunasuykichejpaj. Chaypitaj noqa atiyniyta rikuchisaj faraompa soldadosnimpi, carrosnimpi, caballosnimpi, maqanakoj soldadosnimpi ima.

Éxodo 14:4

Noqataj faraompa sonqonta rumiyachisaj qankunata qhatirimunasuykichejpaj. Chaypitaj atiyniyta rikuchisaj paypa patampi, tukuy soldadosnimpa patampiwan. Ajinamanta egipciosqa yachanqanku noqa Señor kasqayta. Israelitastaj chayta uyarispa kikinta ruwarqanku.

Éxodo 18:11

Imaraykuchus paykunaqa may jinata ñak'arichisorqachej. Kunanqa yachani Señorqa aswan jatun atiyniyoj kasqanta tukuy dioskunamanta nisqaqa.

Éxodo 9:15

Sichus mana makiyta oqhariyman qanta nanachisunaypaj, runasniykitawan, manchay jasut'iyniywan chayqa, kay jallp'a patamanta chinkachisqaña kawaj karqa.

Éxodo 9:17

Chaywampis qanqa astawanraj sonqoykita rumiyachishanki israelitaspa contranta, mana paykunata saqeshankichu llojsejta.

Proverbios 16:4

Señorqa kay tukuy imasta ruwan uj yuyayllawan; juchasapa runatapis uj p'unchay jasut'isqa kanampaj.

Jeremías 32:20

Qan rikunki milagrosta, Egiptopi may uyarisqamin, kunampis ruwashallankirajpuni, Israel chaupipis, waj runaspa chaupimpipis, jinamanta sutiykeqa may uyarisqa kashan.

Ezequiel 39:21

Ajinata, nacionespa ñaupaqempi jatun kayniyta rikuchisaj. Tukuy nacionespi kaj runas rikonqanku, paykunata imaynatachus cheqancharqani, jasut'erqanitaj chayta.

Malaquías 1:11

Tukuynejpi kay pachapi sutiyta jatumpaj jap'inku; tukuynejpi inciensota noqapaj q'osñichinku, ofrendatataj qonku llimphu uywasta, imaraykuchus suteyqa may jatunmin tukuynin llajtas ukhupi, nin Tukuy Atiyniyoj Señorqa.

Malaquías 1:14

Maldicisqa kachun nejqa mana onqosqa uywata jaywanawanta, nishaspa, chantá onqosqa kajtataj jaywawajqa. Noqaqa jatun Reymin kani, tukuy llajtaspa respetasqantaj kani. Ajinata Tukuy Atiyniyoj Señorqa nin.

Números 14:21

Chay tukuywampis, cheqamanta noqa kausashani. K'anchayniyta tukuy jallp'asman junt'asqata rikunku.

Romanos 9:17

Escriturapi faraonman nerqa: Kaypajmin qantaqa sayaricherqayki, qampi atiyniyta rikuchinaypaj, sutiytaj tukuynej jallp'api willasqa kanampaj.

Romanos 9:22

Imaynatataj chantá Dios phiñakuyninta, atiynintapis rikuchiyta munaspa chay sajra runaswan pacienciakorqa, pikunachus wakichisqa kasharqanku wañuypaj chaykunawan.

Josué 4:24

Ajinapi kay mundopi tukuy llajtas yachanqanku Señorqa may jina atiyniyoj kasqanta; qankunapis Señor Diosniykichejtaqa manchachikuychejpuni.

1 Pedro 2:19

Kayqa allin qhawasqa kanan tiyan; sichus pillapis concienciarayku, Diospa ñaupaqempi llakiykunata, qhasi mana kajmanta jap'ikun chayqa.

Judas 1:4

Wakin runasqa pakayllamanta yaykumorqanku. Paykunamantaqa ñaupajmantapachaña Escrituras willarqanku juiciopaj juchachasqas kasqankuta. Paykunaqa mana manchachikuyniyoj kanku, Diosninchejpa khuyakuynintapis millay kausayninkuman tukuchinku. Kamachej sapan Diosta, Señorninchej Jesucristotapis qhesachanku.

1 Samuel 4:8

Ay, noqanchejmanta imachus kanqapis. Pitaj jark'awasunman Atiyniyoj Diospa makinman urmananchejmantari? Paymin ch'in pampapi egipciosta tukuy laya jasut'iywan tukucherqa!