Éxodo 7:3 - Qheshwa Biblia DC

³ Noqataj faraompa sonqonta rumiyachisaj, astawantaj ashkhayachisaj may t'ukunasta ruwayta, milagrostawan ruwayta Egipto jallp'api.

DIOSPA QHELQACHISQAN DEUTEROCANONICAL

³ Noqatajrí faraonpa sonqonta rumiyachisaj, Egipto suyupitaj runaj mana jayk'aj rikusqan t'ukuna imakunata ruwasaj.

DIOSPA QHELQACHISQ

³ Noqatajrí faraonpa sonqonta rumiyachisaj, Egipto suyupitaj runaj mana jayk'aj rikusqan t'ukuna imakunata ruwasaj.

Éxodo 7:3 Iomraidhean Croise

Nehemías 9:10

Faraompa contrampi, jinataj kamachisnimpajpis, chay jallp'api tukuy runaspa ñaupaqempipis jatuchaj t'ukuna imasta qan rikucherqanki. Qan rikorqanki imaynatachus israelitasta wapu wapulla may llakiyta ruwasqankuta. Jinamantataj may jatun uyarisqa sutiyoj karqanki kunankama.

Salmos 135:9

Jatuchaj señalesta, t'ukuna imastawan Egiptopi ruwarqa; faraonta kamachisnintawan jasut'erqa.

Salmos 78:12

Diosqa tatasninkoj ñaupaqempi sumajkunata ruwarqa, Egiptopi jallp'api kaj Zoán cheqapi.

Éxodo 11:10

Moiseswan Aaronwan chay t'ukuna imasta ruwarqanku faraompa ñaupaqempi. Señortaj faraompa sonqonta rumiyacherqa, chayrayku israelitasta mana saqerqachu llajtanmanta llojsinankuta.

Éxodo 11:9

Chaymantataj Señorqa Moisesman nerqa: Faraonqa manapuni kasusonqachejchu; pay jina kasqanrayku t'ukuna ruwanasniy ashkhayanqa chay tukuynin Egipto jallp'api.

Éxodo 14:4

Noqataj faraompa sonqonta rumiyachisaj qankunata qhatirimunasuykichejpaj. Chaypitaj atiyniyta rikuchisaj paypa patampi, tukuy soldadosnimpa patampiwan. Ajinamanta egipciosqa yachanqanku noqa Señor kasqayta. Israelitastaj chayta uyarispa kikinta ruwarqanku.

Éxodo 3:20

Chayrayku noqaqa atiyniyta rikuchisaj, tukuy egipciosta nanachisaj, ashkha jasut'iykunata señalesta ima rikuchisaj, chaymantaraj saqesonqachaj llojsinaykichejta.

Éxodo 4:21

Chantaqa Señor nillarqataj Moisesman: Egiptoman kutispa faraompa ñaupaqempi kay t'ukunasta qosusqayta, ruwankipuni atiyta qosusqaywan. Noqataj faraompa sonqonta rumiyachisaj, paytaj israelitasta mana llojsejta saqenqachu.

Éxodo 4:29

Chaymantaqa Moiseswan Aaronwan iskayninku rispa tantacherqanku israelitaspa tukuy kurajkunasninta.

Éxodo 4:7

Chaymanta Señorqa nillarqataj: Ujtawan makiykita ojllaykiman churaykuy, nispa. Moisestaj kasuspa ujtawan makinta ojllayninman churaykorqa. Chaymanta orqhospa qhawarinampajtaj makenqa mana imanasqa rikhurerqa tukuy ukhun jina.

Éxodo 7:13

Chay tukuywampis faraompa sonqon astawan rumiyarqa, paykunata mana kasuta ruwarqachu, Señorpa nisqanman jina.

Éxodo 9:16

Chaywampis cheqamanta churayki, qampi atiyniyta rikuchinaypaj, qannejta sutiy willasqa kanampaj tukuy mundontimpi.

Proverbios 21:1

Reypa yuyaynenqa Señorpa makimpipuni kashan, chayqa larq'a yaku jina purin, Señor imaynatachus munasqanman jina.

Isaías 51:9

Señorpa makin, rijch'ariy, rijch'ariy ari atiyniykiwan, imaynatachus unay ruwaj kanki jinata rijch'ariy, ñaupa tiempospi jina. Qan Rahabta t'unarparerqanki, chay mar qochapi sierpeta.

Miqueas 7:15

May t'ukuna imasta rikuchiy Egiptomanta orqhomushaspa rikucherqanki ajinata.

San Juan 4:48

Chaypachataj Jesús payman nerqa: Qankunaqa mana creenkichejchu manachus señalesta milagrostapis rikuwajchej chayqa.

Hechos 2:22

Israelitas kay nisqayta uyariwaychej: Nazaret llajtayoj Jesusta Diosqa allimpaj qhawarqa, qankuna ukhupi paynejta ruwaspa milagrosta, t'ukuna ruwaykunata, señalestawan. Chaytaqa qankuna allinta yachashankichej imaraykuchus qankuna ukhupi ruwakorqa.

Hechos 7:36

Kay Moisés orqhomorqa Egiptomanta israelitakunata, milagrosta, señalesta ima ruwaspa, puka mar qochapi, ch'in pampaspi ima tawa chunka wata junt'ata.

Romanos 15:19

Milagroswan, señaleswan, Santo Espíritoj atiyninwan ima, Cristoj evangelionta junt'achini; Jerusalenmanta, tukuynejman Ilírikoj muyuyninkama.

Romanos 9:18

Ajinapeqa pitachus Dios khuyayta munan, chayta payqa khuyan. Pejpa sonqontachá rumiyachiyta munan, chayta rumiyachin.

Deuteronomio 4:34

Karqachu ima diosllapis uj nacionta tukuy nacionespa chaupinmanta ajllakojqa, imaynatachus qankunawan ruwarqa Señor Diosniykichej Egiptopi ajinata qankunaj ñaupaqeykichejpi, milagroswan, guerraswan ima, jatun atiyninta pruebaswan, señaleswan rikuchispa, manchachispataj?

Deuteronomio 7:19

Yuyarikuychej may chhika imastachus t'ukuna ruwanasninta rikusqaykichejta, señalesta, milagrosta, jatun atiynintawan. Chay jinata qankunataqa Egiptomanta orqhomusorqachej. Chay kikillantataj Señorqa ruwanqa tukuy nacioneswan qankuna manchachisushankichej chaykunawan.