Éxodo 6:3 - Qheshwa Biblia DC

³ Noqa tukuy atiyniyoj Dios sutiywan rejsichikorqani Abrahamwan, Isaacwan, Jacobwan ima. Señor nisqa sutiywanri paykunaman mana rejsichikorqanichu.

DIOSPA QHELQACHISQAN DEUTEROCANONICAL

³ Noqaqa Tukuy Atiyniyoj Dios sutiywan Abrahamwan, Isaacwan, Jacobwan ima rejsichikorqani. Tata Dios sutiywanrí mana paykunaman rejsichikorqanichu.

DIOSPA QHELQACHISQ

³ Noqaqa Tukuy Atiyniyoj Dios sutiywan Abrahamwan, Isaacwan, Jacobwan ima rejsichikorqani. Tata Dios sutiywanrí mana paykunaman rejsichikorqanichu.

Éxodo 6:3 Iomraidhean Croise

Génesis 13:18

Jinamanta Abramqa toldonta oqharispa riporqa Mamre runaj encinas sach'arara jallp'anman, Hebrón llajta qayllaman. Chaypi uj altarta Señorpaj ruwarqa.

Génesis 17:1

Abram isq'on chunka isq'onniyoj watasniyoj kashajtin, Señorqa rikhurerqa payman, nerqataj: Noqa tukuy atiyniyoj Dios kani; qan kausay ñaupaqeypi sumaj kausayta, mana pejpa k'aminan.

Génesis 22:14

Chay cheqata Abrahamqa suticharqa: Señorqa qon imachus mana kanchu chayta, nispa. Chayrayku kunan ninku: Uj orqopi Señorqa qon imachus mana kanchu chayta, nispa.

Génesis 28:3

Tukuy atiyniyoj Dios bendicisuchun, ashkhayachisuchun, mirayniykita mirachichun, qanmanta ashkha naciones kanankupaj.

Génesis 48:3

Chaymantataj Joseman nerqa: Tukuy atiyniyoj Dios Luz llajtapi rikhuriwarqa, bendiciwarqataj Canaán jallp'api, kay palabraswan: Noqa qanta ashkhata mirachisqayki, chay mirayniykimanta ashkha naciones ruwakonqanku. Chanta mana chayllachu, kay jallp'ata mirayniykiman qopusaj, paykunajta kanqa wiñaynintimpaj.

Salmos 68:4

Qankuna Diosman takiychej, sutinman takiykunata takiychej. Phuyus patapi sayasqa kajta yupaychej. Señorpi kusikuychej. Kusikuychej paypa ñaupaqempi.

Salmos 83:18

Yachachunku qanlla Señor kasqaykita, qanllapuni patapi kaj Dios tukuy kay pachapi kasqaykita.

Éxodo 15:3

Señorqa tukuy maqanakupi atipaj, sutintaj Señor.

Éxodo 23:21

Ama paypa ñaupaqenmanta t'aqakunkichu, paypa nisusqantataj uyarinki. Ama paywanqa mana kasukoj jina purinkichu; imaraykuchus payqa chay imasta noqaj sutiypi ruwanqa. Mana jinata ruwankichejchu chayqa, juchasniykichejtapis mana perdonasonqachejchu.

Éxodo 3:14

Chaypacha Dios nerqa: NOQA KANI PICHUS KANI CHAY. Chantá nillankitaj israelitasman: NOQA KANI nej Dios qankunaman kachamuwan, nispa.

Isaías 42:8

Noqaj suteyqa Señor. Wajkunamanqa mana atiyniyta qosajchu; nitaj yupaychasqa kayniytapis lantismanqa qosajchu.

Isaías 44:6

Tukuy Atiyniyoj Señorqa, Israelta salvaj reyqa ajinata nin: Noqamin kani qallariytaj tukukuytaj. Noqamanta astawan waj diosqa mana kanchu.

Jeremías 16:21

Chayrayku kunan kutipi atiyniyta rikuchisqaykichej, ajinamanta yachanaykichejpaj suteyqa Señorpuni kasqanta.

Ezequiel 20:5

Noqamanta paykunaman niy: Señorqa kay jinata nin: Israelta ajllakorqani chaypachaqa, makiyta oqharispa Jacobpa ayllunman jurarqani, maypachachus paykunaman Egiptopi rikhurerqani chaypacha. Sumajtapuni paykunaman jurarqani, noqa Señor Diosniykeqa kani, nispa.

Ezequiel 37:13

Ayllúy, noqa aya p'ampanasniykita kicharispa chaymanta orqhomusqaykichej, chaypacharaj yachankichej noqa Señor kasqayta.

Ezequiel 37:6

Ankusta churaykusqaykichej, aychawantaj junt'arachisqaykichej, chantá qarachasqaykichej, chaymantaj kausay samayta churasqaykichej, chay jinamanta watejmanta kausankichej. Chaypacha yachankichej noqa Señor kasqayta.

San Juan 8:58

Jesús paykunaman nerqa: Cheqamanta, cheqamanta niykichej: Manaraj Abraham kashajtin, noqa kaniña.

Apocalipsis 1:4

Noqa, Juan, escribimuni Asiapi kaj qanchis iglesiasman: Khuyakuy, sonqo tiyasqa kaytaj qankunawan kachun, pimantachus kunan kashan, karqataj, jamonqataj chaymanta; qanchis espiritusmantawan, pikunachus tronompa ñaupaqempi kashan, chaykunamanta; Jesucristomantapis, pichus sumaj testigo, junt'ajtaj, wañusqakunamanta kuraj kaj, kay mundopi kaj reyespa kamachejnintaj. Payqa munakuwarqanchej, mayllawarqanchejtaj juchasninchejmanta yawarninwan.

Rut 1:20

Paytaj kuticherqa: Ama sutichawaychejchu Noemí nispa, manachayqa Mara niwaychej, imaraykuchus tukuy Atiyniyoj Dios imaymana llakiykunaswan junt'achiwan.