Éxodo 5:22 - Qheshwa Biblia DC

²² Moisesqa chaymanta rispa Diosmanta mañakorqa, nispa: Señor, imaraykutaj chay jinatapuni llakichinki kay ayllutari? Chaypajqa imapajtaj kachamuwarqankiri?

DIOSPA QHELQACHISQAN DEUTEROCANONICAL

²² Chantá Moisesqa Tata Dioswan parlaspa, nerqa: Diosníy, imajtintaj aylluykita kay jinatapuni ñak'arichinkiri? Imapajtaj kachamuwarqankiri?

DIOSPA QHELQACHISQ

²² Chantá Moisesqa Tata Dioswan parlaspa, nerqa: Diosníy, imajtintaj aylluykita kay jinatapuni ñak'arichinkiri? Imapajtaj kachamuwarqankiri?

Éxodo 5:22 Iomraidhean Croise

1 Reyes 19:10

Paytaj kuticherqa: Tukuy Atiyniyoj Señor Diosníy, noqaqa anchatapuni qanmanta sienteni, imaraykuchus israelitasqa tratota ruwasqaykita saqerparinku, altaresniykita urmachinku, profetasniykitapis espadawan wañurachinku; noqa sapallayña qhepakuni, chaywampis wañuchinawankupaj mask'ashawankuraj.

1 Reyes 19:4

Ch'in pampanejta riporqa uj p'unchay puriyta jina, chaypitaj retama sach'a uraman tiyaykukorqa wañupuyta munaspa, nerqataj: Chayllaña kachun, Señorníy, kausayniyta qhechupuwan, noqaqa mana aswan sumajchu kani tatasniymanta nisqaqa.

Salmos 73:25

Piniytaj janaj pachapi kapuwanri? Qanlla. Qanwan kaspaqa kay pachapi mana imatapis munaniñachu.

Éxodo 17:4

Jina kajtintaj Moisesqa Señormanta mañakorqa, nispa: Señor, imanasajtaj kay runaswanri? Pisimantawanqa rumiwan ch'anqaspachá wañuchiwanqanku ari.

Jeremías 12:1

Señor, qanwan siminakuni chayqa, qampa nisqaykipuni aswan allin kajqa llojsin, chaywampis tapurisuyta munayman, imaraykuchus chay wakin imas ajina kasqanta. Chay juchasapastaqa imaraykutaj allin rinri? Imaraykutaj chay wasanchajkunapis mana ima ch'ajwaywan kausakunkuri?

Jeremías 20:7

Señor, qan ch'aukiyawarqanki, noqataj ch'aukiyachikullarqayki; qan may kallpayoj karqanki atipawarqankitaj. Sapa kutipi asipayakuwanku, tukuytaj noqamanta alqochakuwanku.

Jeremías 4:10

Noqa nerqani: Ay Señor, imajtintaj Jerusalempi kaj runasta ch'aukiyankiri? Sonqo tiyakuyta qosqaykichej nerqanki, kunantaj kunkankupi cuchillo churasqa kashan.

Habacuc 2:3

Chaywampis manaraj chayamunchu rikusqayniykiman jina junt'akunanqa, chaywampis mana junt'akuspaqa mana qhepakonqachu. Qhaparejmanña rijch'asunki chaypis suyarillay, chaypaj junt'akunan tiempoqa chayamullanqa.

Números 11:11

Chaymanta Moisesqa Señorman nerqa: Imaraykutaj kay kamachiykita mana allinta ruwawankiri? Imapitaj mana allinta rijch'aykiri? Imapajtaj kay runasta pusachimuwankiri?

Josué 7:7

Josueqa nerqa: Ay, Señorníy! Imapajtaj kay runasta Jordán mayuta chimpachichimorqanki, amorreosman jaywanawaykupajchu, paykuna tukuchinawaykupajchu? Walej kanman karqa Jordán mayu chimpallapi qhepakunayku.

1 Samuel 30:6

Davidqa sinch'i llakisqa kasharqa, chay runasnin payta rumiswan ch'anqaykuyta munasqankurayku. Tukuyninku wawasninkumanta llakisqas kasqankurayku. Chaywampis Davidqa Señor Diosnimpi atienikorqa.