Éxodo 4:5 - Qheshwa Biblia DC

⁵ Chay kanqa uj señal, Señorqa qanman rikhurisusqanta, ñaupa tatasniykej Diosnin, Abrahampata, Isaacpata, Jacobpata ima.

DIOSPA QHELQACHISQAN DEUTEROCANONICAL

⁵ Tata Diostaj nillarqapuni: Chayta rikuspa, paykuna yachanqanku ñawpa tataykichejkunaj Tata Diosnin, Abrahampata, Isaacpata, chantá Jacobpata ima, qanman rikhurisqayta, nispa.

DIOSPA QHELQACHISQ

⁵ Tata Diostaj nillarqapuni: Chayta rikuspa, paykuna yachanqanku ñawpa tataykichejkunaj Tata Diosnin, Abrahampata, Isaacpata, chantá Jacobpata ima, qanman rikhurisqayta, nispa.

Éxodo 4:5 Iomraidhean Croise

Génesis 12:7

Chaypi Señorqa Abramman rikhurerqa, nerqataj: Kay jallp'ata mirayniykiman qosaj. Abramtaj chaypi uj altarta Diospaj ruwaporqa, chaypi Señorqa payman rikhurisqanrayku.

Génesis 17:1

Abram isq'on chunka isq'onniyoj watasniyoj kashajtin, Señorqa rikhurerqa payman, nerqataj: Noqa tukuy atiyniyoj Dios kani; qan kausay ñaupaqeypi sumaj kausayta, mana pejpa k'aminan.

Génesis 18:1

Abrahamman Señor rikhurerqa Mamre encinas sach'ararapi, jaran punkupi tiyachushajtin, khuskan p'unchayta jina.

Génesis 26:2

Chaypi Señor rikhurerqa, nerqataj: Ama riychu Egiptoman. Tiyakullay maypichus noqa nisqayki chaypi.

Génesis 28:13

Jinallataj paypa ñaupaqempi Señor sayashajta, payman nishajta: Noqa kani Señor, abueloyki Abrahampa Diosnin, tatayki Isaacpatawan. Qanman mirayniykimanwan qosqayki kay jallp'ata, maypichus puñushanki chayta.

Génesis 48:15

Jinaspataj Joseta bendicerqa kay jinata: Tukuy atiyniyoj Dios, pitachus kasorqanku abuelosniy Abraham, Isaacwan; mayqenchus noqata pusaykachakuwarqa nacesqay ratomantapacha, tukuy sajra kajmanta waqaychawaj, ángel, kay wawasta bendicichun. Paykunanejta sutiy yuyarisqa kanampaj, jinallataj tatasniypa sutisnimpis Abrahampata, Isaacpatawan. Paykuna kachunku ashkha wawasniyoj, ashkhas kachunku kay mundopi.

Génesis 48:3

Chaymantataj Joseman nerqa: Tukuy atiyniyoj Dios Luz llajtapi rikhuriwarqa, bendiciwarqataj Canaán jallp'api, kay palabraswan: Noqa qanta ashkhata mirachisqayki, chay mirayniykimanta ashkha naciones ruwakonqanku. Chanta mana chayllachu, kay jallp'ata mirayniykiman qopusaj, paykunajta kanqa wiñaynintimpaj.

1 Reyes 18:36

Chanta q'olachispa jaywana rato chayamojtin, profeta Eliasqa chimpaykuspa nerqa: Abrahampata, Isaacpata, Israelpatawan Señor Diosnin, kunan yachachunku qan Israelpa Señor Diosnin kasqaykita, noqataj kamachiyki kasqayta, qampa kamachisqaykiwantaj kay tukuy imasta ruwasqayta.

2 Crónicas 20:20

Q'ayantintaj tutamanta jatarikorqanku, Tecoa ch'in pampanejman puririnankupaj. Puririshajtinkutaj Josafatqa sayarikuspa nerqa: Jerusalempi, jinataj Judapi tiyakojkuna uyariwaychej: Señor Diosniykichejpi atienikuychej, sumaj waqaychasqastaj kankichej, profetasnimpipis confiaychej, tukuy imapitaj allin risonqachej.

Éxodo 19:9

Señortaj payman nerqa: Qhawariy, noqa jamusaj uj yanayarishaj phuyupi, qanwan parlasqayta israelitas uyarinankupaj, ajinamanta wiñaypaj parlasqaykita creenankupaj. Moisestaj ujtawan Señorman willarqa israelitas imastachus nerqanku chayta.

Éxodo 3:15

Chantapis Diosqa nillarqataj Moisesman: Ajinata ninki israelitasman: Señor, ñaupa tatasniykichejpa Diosnin, Abrahampata, Isaacpata, Jacobpata ima qankunaman kachamuwan. Kay suteyqa wiñaypajmin kanqa; kay suteyqa wiñaypa wiñaynintimpaj mirayniykichejnejta yuyarisqa kanqa, nispa.

Éxodo 3:16

Chayaspataj tukuy israelitaspa kurajkunasninta tantachinki, paykunamantaj ninki: Ñaupa tatasniykichejpa Diosnin, Abrahampata, Isaacpata, Jacobpata ima rikhuriwaspa kay jinata niwan: Noqa qankunata qhawarimushaspa rikuykichej, imaynatachus qankunata egipcios ruwasqasuykichejta.

Éxodo 3:18

Jinata nejtiykitaj kasusonqanku; chaymantataj paykunawan khuska rinki Egipto reyman, chayaspataj ninkichej: Señor, hebreospa Diosnin taripawayku; chayrayku kunan risqayku kinsa día puriyta ch'in pampanejta, uj rikuchikuta Señor Diosniykuman jaywamunaykupaj, nispa.

Éxodo 3:4

Señorqa, Moisés chayta qhawaj qayllaykushajtaña rikuspa sutinmanta nimorqa chay nina larwaj ukhumanta: Moisés!, Moisés!, nispa. Paytaj kuticherqa kaypi kashani Señor, nispa.

Éxodo 3:6

Chantá nillarqataj: Noqa ñaupa tatasniykej Diosnin kani, Abrahampata, Isaacpata, Jacobpatawan. Moisestaj chay kikimpacha uyanta pakaykukorqa, imaraykuchus manchachikorqa Diosta qhawariyta.

Éxodo 4:1

Chaymantataj Moisesqa kuticherqa: Imatataj paykuna chaytaqa creewanqankuri, nitaj kasutapis ruwawankumanchu. Paykunaqa niwanqankuchari: Señorqa, qanman mana rikhurisunkichu, nispa.

Éxodo 4:31

Israelitastaj creerqanku chay nisqanta. Yachaspa Señorqa Israelpa wawasninmanta yuyarikusqanta llakiyninkuta rikusqanta. Jinaspataj tukuyninku qonqoriykukuspa Señorta yupaycharqanku.

Éxodo 4:4

Chantá Señorqa Moisesman nerqa: Ama ayqeychu, makiykiwan chupanmanta jap'iykuy. Paytaj kasuspa makinwan chupanmanta jap'iykorqa, chay kikimpachataj tojnullanmantaj tukuporqa jap'iykojtinkama.

Jeremías 31:3

Noqa unaymantapacha paywan rikuchikorqani. Nerqanitaj: Noqa munakorqayki wiñay munakuywan, chayrayku khuyakuynillaywampuni qanta pusaykachayki.

San Juan 11:15

Nerqataj: Kusikuni qankunarayku, mana chaypi kasqaymanta, astawan noqapi creenaykichejpaj; kunan jaku watukamuna.

San Juan 11:42

Noqa yachanipuni uyariwasqaykita. Kunantaj, kay muyuyniypi kajkunaj uyarisqanta mañakorqayki, qan kachamuwasqaykita creenankupaj.

San Juan 20:27

Kikimpacha Tomasman nerqa: Dedoykita kayman churay, makisniytataj qhawariy, makiykita apamuy, churaykuytaj ukhuyman; amataj iskayrayaychu, astawanqa creey.

San Juan 20:31

Kay imastaj escribisqas karqanku creenaykichejpaj Jesusqa Cristo Diospa Churin kasqanta; paypitaj creespa kausayniyoj kanaykichejpaj.

San Juan 5:36

Juampa willasqanmanta aswan sumaj willajniy tiyan; Dios Tata ruwanasta qowarqa junt'anaypaj, chaykunata ruwashani; chay ruwasqasniytaj willashanku Dios Tata kachamuwasqanta.

Hechos 7:2

Estebantaj kuticherqa: Hermanos, tatakuna ima, uyariwaychej. Jatun atiyniyoj Diosqa, tatanchej Abrahamman Mesopotamiapi kashajtin, manaraj Harán jallp'aman tiyakoj ripushajtin, nerqa: Llojsiy kay jallp'aykimanta aylluykimantawan; noqa rikuchisqayki chay jallp'amantaj ripuy.

Hebreos 11:16

Chaywampis, aswan sumaj llajtata munasharqanku, chay janaj pachapi kajta. Chayrayku Diosqa mana p'enqakunchu paykunaj Diosninku kayta, imaraykuchus paykunapaj uj llajtata wakichiporqa.