Éxodo 34:7 - Qheshwa Biblia DC

⁷ Khuyakuyninwan waranqa waranqa runasta juchasninta pampachan munakuyninwan, jinallataj tukuy sajra kayninkuta, mana allin puriyninkuta, juchasninkuta ima. Chantaqa mana qhawallanchu tataspa jucha ruwasqasninkuta, payqa jasut'impuni, wawasninkupi, chaymanta aswan qhepaman wawasninkupipis kinsa mitakama, chayri tawa mitakama.

DIOSPA QHELQACHISQAN DEUTEROCANONICAL

⁷ Munakuyneyqa mana tukukuyniyoj, wiñaypaj kikillanpuni. Chayrayku tukuy millay ruwasqankuta, mana kasukusqankuta, juchallisqankutapis pampachani. Chaywanpis juchallejtaqa mana qhawakullanichu, aswanpis tata mamaj juchallisqankumanta wawankunata, allchhinkunata, allchhinkunaj wawankukamaraj ñak'arichini, nispa.

DIOSPA QHELQACHISQ

⁷ Munakuyneyqa mana tukukuyniyoj, wiñaypaj kikillanpuni. Chayrayku tukuy millay ruwasqankuta, mana kasukusqankuta, juchallisqankutapis pampachani. Chaywanpis juchallejtaqa mana qhawakullanichu, aswanpis tata mamaj juchallisqankumanta wawankunata, allchhinkunata, allchhinkunaj wawankukamaraj ñak'arichini, nispa.

Éxodo 34:7 Iomraidhean Croise

Génesis 19:16

Lottaj mana usqhayta puririyta aterqachu, chayrayku angelesqa Lotta, warminta, iskaynin ususisninkutawan makisninkumanta llajtamanta jawaman aysarqanku, Señor paykunata khuyakusqanrayku.

1 Reyes 8:30

Uyariy ari, kay kamachiykej mañakusqanta, Israel llajtaykejtapis, kay cheqapi mañakojtinu, janaj pachapi tiyakunki chaymantapacha uyariwayku perdonawaykutaj.

2 Crónicas 30:9

Qankuna Señorman kutirikunkichej chayqa, wauqesniykichejta wawasnintinta presosta enemigosniykichejqa jap'ishanku chay paykunamanta khuyakonqanku, kay jallp'ankumantaj kutimponqanku, imaraykuchus Señor Diosniykichejqa, may munakuyniyojmin, khuyakuyniyojtaj. Manataj qankunata qhesachasonqachejchu qankuna payman kutirinkichej chayqa.

Nehemías 1:5

Nerqanitaj: Señor, janaj pachapi kaj Diosníy, qanqa jatun Dios atiyniyoj manchachikunataj kanki. Qanqa trato ruwasqaykitaqa sumajta jallch'anki. Jinataj munakusojkunatapis, kamachiykita junt'ajkunatapis mana jayk'aj saqenkichu.

Nehemías 9:32

Chayraykumari, noqaykoj Diosniyku, jatun Dios, atiyniyoj manachachikunataj kanki. Qanqa trato ruwasqaykipi munakuyniykitapis mana saqenkichu, ama qonqapuychu tukuy llakiykuna qhatirisqanmanta reyesniykuta, kurajkunasniykuta, sacerdotesniykuta, profetasniykuta, ñaupa tatasniykuta, jinataj tukuy aylluntinta, Asiriamanta reykunaspa tiemponmantapacha kunankama.

Job 10:14

Qanqa allinta qhawashawarqanki, juchallikonqachus manachus nispa, ajinamanta juchallikusqayrayku juchachanawaykipaj.

Salmos 103:3

Paypuni tukuy sajra ruwasqasninmanta perdonawan, onqoypipis pay thañichiwan.

Salmos 109:14

Tatampa sajra ruwasqanmanta Señorqa yuyarichumpuni, mamampa juchantapis Señorqa amapuni pampachachunchu.

Salmos 130:4

Qampi perdonta tariyku; chayrayku yupaychasuyku.

Salmos 136:10

Egiptopi tukuy kuraj wawasninkuta wañuchejman, khuyakuynin wiñaypaj kasqanrayku;

Salmos 136:15

Faraonta soldadosnintawan Puka mar qochaman chinkachejman, khuyakuynin wiñaypaj kasqanrayku;

Salmos 25:11

Jatun sutiykirayku Señor, jatun juchayta pampachapuway.

Salmos 86:15

Qanrí, Señor, llamp'u sonqoyoj Dios kanki, pacienciayoj, jatun munakuyniyoj, cheqantaj.

Salmos 99:8

Señor Diosniyku, qan paykunaman kuticherqanki, qan paykunaj juchasninkuta pampacharqanki. Juchallikojtinkutaj jasut'erqanki.

Éxodo 23:21

Ama paypa ñaupaqenmanta t'aqakunkichu, paypa nisusqantataj uyarinki. Ama paywanqa mana kasukoj jina purinkichu; imaraykuchus payqa chay imasta noqaj sutiypi ruwanqa. Mana jinata ruwankichejchu chayqa, juchasniykichejtapis mana perdonasonqachejchu.

Éxodo 23:7

Llulla parlaykunamanta t'aqakuy, amataj wañuchinkichu mana juchayojta, cheqan kaj runata; noqa juchasapataqa mana qhawasajchu mana juchayojpaj.

Éxodo 33:19

Señortaj kuticherqa: Noqa k'acha sonqo kayniyta ñaupaqeykipi rikuchisqayki. Chaymanta Señor sutiyta oqharisaj. Chaypi khuyakuyniyta rikuchisaj pimanchus munasqayman; jinallataj tukuy munakuyniywan yanapasaj pitachus munasqayta.

Isaías 45:21

Qankuna allinta parlaychej, ruwasqasninkuta rikuchiychej, munankichej chayqa ujkuna ujkuna tapunakuychej: Pitaj qallariymantapacha kay imasta ruwarqari? Pitaj unaymantapacha kay imasta willanri? Manachu noqa Señor chay imastaqa willarqaykichej? Noqamanta astawan waj diosqa mana kanchu. Cheqan Diosqa, tukuy imata atipajqa, manapuni ujpis kanchu; noqalla kani.

Jeremías 30:11

Noqa Señor nillanitaj, qanwan salvasunaypaj kashasqayta. Tukuy nacionesta tukuchisaj maypichá ch'eqeracherqayki chaykunata. Jinapis qantaqa mana tukuchisqaykichu; jasut'isqayki juchallikusqaykiman jinalla. Manapuni saqesqaykichu mana jasut'ispaqa.

Jeremías 32:18

Qanmin khuyakuyniykita rikuchinki waranqa waranqa miraykunaman, jinapis runasta jasut'inki tatasninkoj juchasninkurayku. Oh jatun Dios, atiyniyojtaj, sutiykeqa Tukuy Atiyniyoj Señormin.

Jeremías 9:24

Sichus pipis munanman runaykachayta chayqa, noqata rejsiwasqanmanta runaykachachun, noqa Señormin, Diosnintaj kasqaymanta, pichus kay jallp'api ruwarqa, munakuypi, justiciapi, cheqan kaypitaj chaymanta. Chaymin noqataqa kusichiwan. Noqa Señormin chayta nini.

Daniel (hebreo) 9:4

Señor Diosniymanta mañakorqani, kay imastataj willakorqani: Señor, may jatun Diosníy, trato ruwasqaykitaqa junt'ankipuni, munakuyniykitataj rikuchinki qanta munakusojkunaman, kamachisqasniykita junt'ajkunamampis.

Daniel (hebreo) 9:9

Señor Diosniyku, qampi kashan khuyakoyqa, juchasta pampachaypis. Noqaykoqa contraykita sayarerqayku.

Miqueas 6:11

Imaynatataj perdonayman faltaj balanzasta, faltaj pesanasta jap'ejkunata?

Miqueas 7:18

Mana waj qan jina Diosqa kanchu, imaraykuchus qanqa juchasninkumanta perdonanki, qonqapunkitaj kay uj chhika puchoj aylluykej juchasninmanta. Qanqa munakuyniykita rikuchiwayku, manataj wiñaypajchu phiñakunki.

Nahúm 1:6

Phiñakuynimpiri, pitaj sayasqallapipuni kanmanri? Pitaj chay phiñakuyninta ñak'ariyta atinmanri? Sinch'i phiñakuynenqa nina jinapuni t'akarikamun, ñaupaqempeqa qaqaspis iskayman lajrarikunku.

San Mateo 12:31

Chayrayku niykichej: Ima juchallapis, Diospa contranta rimasqapis, pampachasqa kanqa runaspajqa. Santo Espiritupaj sajrata rimasqarí, mana pampachasqachu kanqa.

San Mateo 6:12

Juchasniykuta pampachapuwayku, imaynatachus noqaykupis juchallikuwajniykuta perdonapuyku ajinata.

San Lucas 7:42

Mana imaynamanta kutichipuyta atejtinkutaj, iskayninkuta khuyaspa, manaña mañakaporqachu. Kunan niway ari, mayqentaj chay iskayninkumanta astawan munakonqari?

San Lucas 7:48

Warmimantaj nerqa: Juchasniyki pampachasqasña kanku.

Hechos 13:38

Hermanos, yachaychej Jesusnejta juchas pampachasqa kasqanta. Chaytataj qankunaman willayku.

Hechos 5:31

Diostaj atiyninwan Jesusta jatunman churarqa, kamachinampaj, salvanampajtaj. Diosqa munarqa Israel runakuna juchasninkuta saqespa Diosman kutirinankuta, juchasninku pampachasqa kanampaj.

Efesios 1:7

Paypa yawarninrayku kacharichisqas kanchej. Juchasninchejta pampachan khuyakuyninrayku.

Efesios 4:32

Ujkuna ujkunawantaj k'achas kaychej, khuyakuyniyojtaj. Sapa uj juchasniykichejta perdonanakuspa, imaynatachus Diospis juchasniykichejta pampacharqa Cristopi, ajinata.

Deuteronomio 32:35

Ayniyta kutichina diapaj, chaypi ruwasqankuman jina qopunayaj urmanqanku chaypacha. Chinkananku diaqa chayamushanña. Ñapis qayllamushanña.

Deuteronomio 7:10

Chanta payta chejnikojkunata, phirita ruwaspa chinchachin, juchasninkuman jina jasut'ispa. Payta chejnikojkunataqa usqhayllata jasut'in.

Deuteronomio 7:9

Chayrayku yachaychej ari, Señor Diosniykichejqa Pay sapallan Dios kasqanta. Yachallaychejtaj cheqan Dios kasqanta. Ima trato ruwasqantapis junt'asqanta may chhika miraykunaskama. Payta munakojkunaman, kamachiykunasnintataj junt'ajkunaman.

Hebreos 12:29

Diosninchejqa q'olaj ninaj larwaynin.

Josué 24:19

Josuetaj paykunaman nerqa: Qankunaqa manapuni Señortaqa kasuyta atiwajchejchu, imaraykuchus payqa llimphu Diosmin, manataj ima sajratapis ruwajta saqellanchu. Payqa mana saqellasonqachejchu paypa contrampi kajta, nitaj juchasniykichejtapis.

1 Juan 1:9

Juchasninchejtachus Diosman willakusunman chayqa, yachanchej payqa junt'aj cheqantaj kasqanrayku juchasninchejta pampachananta. Payqa tukuy sajra kayninchejtapis pichawasunchej.

Apocalipsis 20:15

Pichus kausay libropi mana escribisqachu tarikorqa chayqa, nina qochaman wijch'usqa karqa.

Apocalipsis 21:8

Manchachikojkunarí, mana creejkuna, millay kajkuna, runa wañuchis, qhenchachakojkuna, layqakuna, lanti yupaychajkuna, tukuy llullakojkunapis, chayaqepaj jap'enqanku, ninawan azufrewan larwashan chay qochata. Chaymá iskay kaj wañoyqa.