Éxodo 34:6 - Qheshwa Biblia DC

⁶ Jinamanta Señor Moisespa ñaupaqenta pasarqa qhaparispa: Señor, Señor, wiñaypaj Dios, khuyakuyniyoj, k'acha sonqoyoj, llamp'u sonqo, mana imamantapis k'ajajta phiñakojlla. Chantaqa jatun khuyakuypi, jinallataj cheqa kaypipis.

DIOSPA QHELQACHISQAN DEUTEROCANONICAL

⁶ Moisespa ñawpaqenta pasashaspataj, jatunmanta qhaparispa, nerqa: Noqa Tata Dios kani, khuyakuyniyoj, k'acha sonqoyojtaj, pacienciayoj, mana imamantapis usqhayta phiñarikoj Dios. Noqaqa may jina munakuyniyoj kani, jinallataj cheqamin.

DIOSPA QHELQACHISQ

⁶ Moisespa ñawpaqenta pasashaspataj, jatunmanta qhaparispa, nerqa: Noqa Tata Dios kani, khuyakuyniyoj, k'acha sonqoyojtaj, pacienciayoj, mana imamantapis usqhayta phiñarikoj Dios. Noqaqa may jina munakuyniyoj kani, jinallataj cheqamin.

Éxodo 34:6 Iomraidhean Croise

Génesis 24:27

Yupaychasqa kachun Señorqa patronniypa Diosnin. Payqa k'acha khuyakuyniyojpuni patronniypaj, pay pusawan ñanta ayllusnimpa wasinman.

2 Samuel 24:14

Davidtaj Gadman kuticherqa: Jatun llakiypi kashani. Jinapis walej kanman kikin Señorpa mkisninman urmanayku, Paypa khuyakuynin may jatun kasqanrayku, amataj runaj makisninman urmanaykupaj.

1 Reyes 19:11

Señortaj nerqa: Llojsimuy jawaman, chay orqopitaj Señorpa ñaupaqempi sayakuy. Señortaj pasarqa, uj jatun wayrataj qaqasta urmachimuspa wayrarqa Señorpa ñaupaqempi, Señortaj mana chay wayrapichu kasharqa; chay wayraj qhepampitaj uj jallp'a ikhakuy karqa, Señortaj mana chay jallp'a ikhakuypichu kasharqa.

1 Reyes 8:30

Uyariy ari, kay kamachiykej mañakusqanta, Israel llajtaykejtapis, kay cheqapi mañakojtinu, janaj pachapi tiyakunki chaymantapacha uyariwayku perdonawaykutaj.

2 Crónicas 30:9

Qankuna Señorman kutirikunkichej chayqa, wauqesniykichejta wawasnintinta presosta enemigosniykichejqa jap'ishanku chay paykunamanta khuyakonqanku, kay jallp'ankumantaj kutimponqanku, imaraykuchus Señor Diosniykichejqa, may munakuyniyojmin, khuyakuyniyojtaj. Manataj qankunata qhesachasonqachejchu qankuna payman kutirinkichej chayqa.

Nehemías 9:17

Mana munarqankuchu kasuyta, nitaj yuyarikuytapis chay jatuchaj t'ukuna imasta paykunata khuyaspa ruwasqasniykita. May rumi sonqos kasqaykurayku uj kamachejta churakorqanku watejmanta Egipto kamachiyman kutipunankupaj. Chaywampis qanqa perdonaj Diosmin kanki, llamp'u sonqo khuyakuyniyoj, pacienciayoj, munakuyniyoj Diostaj kanki. Chayrayku paykunataqa mana saqerparerqankichu.

Salmos 108:4

Khuyakuyniykeqa janaj pachamantapis aswan jatun. Cheqa kasqaykitaj patakama chayan.

Salmos 111:4

Señorpa sumaj ruwasqasnenqa mana qonqanapaj jina. Señorqa llamp'u sonqo khuyakuyniyojtaj.

Salmos 111:8

imaraykuchus wiñaykama sinch'i kanku, kay kamachisqaqa sut'i, cheqan ruwasqastaj kanku.

Salmos 112:4

Laqhapi k'anchay jina, k'acha sonqoyojkunapaj lliphipin, khuyakoj, cheqan sonqo, llamp'u sonqotaj.

Salmos 116:5

Señorqa cheqampuni, khuyakojtaj; Diosninchejqa llamp'u sonqoyoj.

Salmos 138:2

Santo wasiykej ñaupaqempi qonqorikusaj, khuyakuyniykimanta cheqa kayniykimantawan, imaraykuchus sutiykita, palabraykitawan tukuy imasmanta astawan pataman churarqanki.

Salmos 145:8

Señorqa llamp'u sonqoyoj, khuyakuyniyojtaj, mana phiñakullanchu, jatun munakuyniyoj,

Salmos 146:6

Pay ruwarqa janaj pachata, kay pachatapis, mar qochata, tukuy chaypi kajkunatawan. Payqa nisqanta junt'ampuni.

Salmos 31:19

Jatunchasojkunapaj may jatunmin munakuyniykeqa, sumaj waqaychasqata qolqeta jina jallch'anki runaj rikunanta, qampi atienekojkunaman qonki.

Salmos 57:10

Munakuyniykeqa janaj pachakama chayan, cheqan kayniykitaj phuyuskama chayan.

Salmos 86:15

Qanrí, Señor, llamp'u sonqoyoj Dios kanki, pacienciayoj, jatun munakuyniyoj, cheqantaj.

Salmos 86:5

Qanqa k'acha kanki, perdonankitaj, qanta wajyakojkunapaj jatun munakuyniyoj kanki.

Salmos 91:4

Lijrasninwan qhataykusonqa; chay urapi sumaj pakasqa kanki, cheqa kaynintaj jark'asonqa.

Éxodo 20:5

Ama qonqorikunkichu chaykunaman, ama yupaychankichu; imaraykuchus noqamin Señor Diosniykeqa kani, sinch'i, Dios celoso, noqata chejniwajkunaj juchasninkuta jasut'ej, tatasninkoj juchasninkuta wawasninkupi jasut'ini, chantá allchhisninkupi, nieto allchhisninkupi ima.

Éxodo 22:27

Chay p'achitallan tiyapun chirimanta qhataykukunampaj. Manachayqa, imawantaj qhataykukonqari? Pay willakuwanqa chayqa, noqa payta kasusaj, imaraykuchus noqaqa khuyakuyniyoj kani.

Éxodo 33:19

Señortaj kuticherqa: Noqa k'acha sonqo kayniyta ñaupaqeykipi rikuchisqayki. Chaymanta Señor sutiyta oqharisaj. Chaypi khuyakuyniyta rikuchisaj pimanchus munasqayman; jinallataj tukuy munakuyniywan yanapasaj pitachus munasqayta.

Proverbios 3:3

Munakuymanta, cheqa kajmantawanqa ama jayk'ajpis t'aqakunkichu; qanqa chaykunata apaykachay uj walqapis kanman jinata, sonqoykipitaj sumaj qelqasqa kachun;

Eclesiastés 8:11

Juchasapa runas mana usqhayta jasut'isqa kajtinkoqa runaspa sonqosninku astawan sajra ruwayman qokunku.

Isaías 12:4

Chaypacha ninkichej: Señorman graciasta qoychej, sutinta jatunchaychej, imatachus ruwasqasninta runasman willamuychej, yuyarichiychej sutenqa may jatun kasqanta.

Isaías 65:16

Pichus kay jallp'a patapi tukuy imayojpis kayta munan chayqa, cheqa kaj Diosmanta jap'in. Pichus jurayta munan chayqa, cheqa kaj Diospa sutimpi juranqa. Qallariymantapacha ima llakiykunaschus karqa chaykunaqa, qonqasqas kanqa. Mana ujtawan rikunaypaj pakasqas kanqanku.

Jeremías 32:18

Qanmin khuyakuyniykita rikuchinki waranqa waranqa miraykunaman, jinapis runasta jasut'inki tatasninkoj juchasninkurayku. Oh jatun Dios, atiyniyojtaj, sutiykeqa Tukuy Atiyniyoj Señormin.

Jeremías 9:24

Sichus pipis munanman runaykachayta chayqa, noqata rejsiwasqanmanta runaykachachun, noqa Señormin, Diosnintaj kasqaymanta, pichus kay jallp'api ruwarqa, munakuypi, justiciapi, cheqan kaypitaj chaymanta. Chaymin noqataqa kusichiwan. Noqa Señormin chayta nini.

Lamentaciones 3:23

Sapa paqarin mosojllapuni, qampa cheqan kayniykeqa mana tukukoj.

Joel 2:13

Qankuna, Señor Diosniykichejman kutirikampuychej! P'achasta llik'inaykichejtaqa, sonqoykichejta llik'iychej! Imaraykuchus, Señorqa sonqonta wawayachikojmin, khuyakojtaj. May pacienciayoj, tukuy munakuyniyojtaj Payqa. Jasut'isuyta yuyasqanta saqepuytapuni munan.

Jonás 4:2

Señormantaj kay jinata nerqa: Qhawariy Señor, kaytamá nerqayki jallp'aypi kashaspallaraj. Chayrayku ayqesharqani Tarsisman. Yachani ari, khuyakoj sonqo nanachikoj Dios kasqaykita, mana chhika usqhayta phiñakoj kasqaykita, chhika jatun khuyakuyniyoj kasqaykita, jasut'ej rishaspa mana jasut'isqaykita chay jina millay sajrata ruwasqankumanta.

Miqueas 7:18

Mana waj qan jina Diosqa kanchu, imaraykuchus qanqa juchasninkumanta perdonanki, qonqapunkitaj kay uj chhika puchoj aylluykej juchasninmanta. Qanqa munakuyniykita rikuchiwayku, manataj wiñaypajchu phiñakunki.

Miqueas 7:20

Señor, waqaychallaypuni noqaykuwan kasqaykita munakuyniykitapis, ñaupa tatasniyku Abrahamman Jacobmantaj ñaupa wataspi prometerqanki chayta!

Nahúm 1:3

Señorqa llamp'u sonqo jinapis may atiyniyoj, chayrayku juchallejkunataqa jasut'enqapuni. Sinch'i loco para kajtimpis Señorqa purillan, phuyuspis chakisnimpeqa jallp'a jinalla.

Números 12:8

Paywanqa uyapura parlani, sumaj sut'itataj. Sichus paywan uyapura parlayku chayqa, imaraykutaj paypa contranta rimankichejri?, nispa.

San Juan 1:17

Moisesnejta leyqa qosqa karqa; Diospa khuyakuynin cheqawan, Jesucristonejta chayamuwanchej.

Romanos 2:4

Chayrí, Diospa qhapaj khuyakuynintachu qhesachanki, paciencianta, jatun munakuyninta ima? Mana yachashajtillayki munakuynenqa qanta pusasunki Diosman kutirinaykipaj.

Deuteronomio 32:3

Noqa Señorpa sutintaqa yupaychasaj, qankunarí ninkichej Diosninchej may jatun kasqanta.

Deuteronomio 4:31

Payqa may khuyakuyniyoj. Manataj qhesachasonqachejchu, nitaj chinkachisonqachejchu, nitaj qonqaponqachu ñaupa tatasniykichejwan juraspa tratota ruwasqanmanta.

Deuteronomio 5:10

Khuyakuyniytaqa waranqa waranqasman rikuchini, pikunachus munakuwanku, kamachisqasniytataj kasuwanku chaykunaman.

Santiago 5:11

Pacienciakuspa ñak'arejkunataqa, kusikuyniyoj kasqankuta ninchej. Qankuna uyarerqankichej Jobpa paciencianta llakiykunapi imaynatachus Señor paymanta khuyakusqanta.