Éxodo 34:15 - Qheshwa Biblia DC

^15-16 Chayrayku amapuni ima tratotapis ruwakunkichejchu ni mayqenwan chay jallp'api tiyakojkunawan, paykunaqa diosninkoj qhepampi qhenchachakonqanku, ofrenda rikuchikustataj diosninkuman jaywanqanku. Paykunaqa chaywan wajyasonqachej, chay jaywasqanku imastataj qankunaqa mikhunkichej, chayri ususisninkuta wawasniykichejwan casarachenqanku, jinamanta ususisninkupis qhenchachakonqanku diosninkoj qhepampi, churisniykichejtapis qhenchachachenqanku lantisninkuta yupaychachispa.

DIOSPA QHELQACHISQAN DEUTEROCANONICAL

¹⁵ Chayrayku chay cheqanejpi tiyakojkunawan amapuni ima tratotapis ruwakunkichejchu. Paykunaqa millayta ruwaspa, diosninkuta yupaychayta yachanku. Chantá uywa ñak'asqata diosninkuman jaywashaspa, qankunata wajyasunkichejman. Qankunataj rispa, paykunawan khuska diosninkuman jaywasqa mikhunata mikhuspa wasanchawankichejman.

DIOSPA QHELQACHISQ

¹⁵ Chayrayku chay cheqanejpi tiyakojkunawan amapuni ima tratotapis ruwakunkichejchu. Paykunaqa millayta ruwaspa, diosninkuta yupaychayta yachanku. Chantá uywa ñak'asqata diosninkuman jaywashaspa, qankunata wajyasunkichejman. Qankunataj rispa, paykunawan khuska diosninkuman jaywasqa mikhunata mikhuspa wasanchawankichejman.

Éxodo 34:15 Iomraidhean Croise

1 Crónicas 5:25

Chaywampis, ñaupa tatasninkoj Diosnimpa contrampi oqharikorqanku, payta qhesachaspataj paykunaj ñaupaqenkumanta Dios wijch'orqa. Chay runaspa lantisninkuta yupaycharqanku.

Esdras 6:9

Sapa p'unchay paykunaman entregasqapuni kachun Jerusalempi kaj sacerdotespa nisqankuman jina, imastachá mañanqanku chay tukuyta: Torillustachus, carnerostachus, corderostachus, janaj pachapi kaj Diosman jaywaspa ruphachinankupaj; manachayqa, trigotachus, kachitachus, vinotachus, aceitetachus.

Esdras 9:12

Nillawarqaykutaj: Warmi wawasniykichejta qhari wawasninkuwan ama casarachinkichejchu. Paykunaj warmi wawasninkutapis ama qhari wawasniykichejwan casarachinkichejchu. Amataj jayk'ajpis mask'ankichejchu chay runakunaj kusiyninta, ni allinnintapis munaspa. Ajinamanta qankuna sinch'illatapuni sayankichej, chay jallp'amanta allin kajninta mikhunkichej, chaymantataj tukuy chayaqeta wiñaypaj mirayniykichejman saqenkichej, nispa.

Salmos 106:28

Baal-peorman k'askaykorqanku, wañusqa diosman jaywasqastataj mikhorqanku.

Salmos 73:27

Pikunachus qanmanta karunchakojkuna, wañonqanku. Qanta mana qhatisojkunatataj pampachanki.

Éxodo 22:19

Pikunachus uywaswan qhenchachakonqanku chaykunapis wañonqanku.

Éxodo 22:20

Pikunachus lantisman rikuchikusta jaywajkuna, Señorllaman jaywanankumanta nisqaqa, chaykunapis wañonqanku.

Éxodo 23:32

Ama paykunawanqa ni ima tratota ruwankichu, nitaj dioskunasninkuwampis.

Éxodo 32:8

Paykunaqa usqhayllata t'aqarpayakunku ima ñantachus noqa nerqani rinankuta chaymanta. Qorimanta unuyachispa ruwakunku uj waka uñata. Chayta paykunaqa yupaychashanku rikuchikusta jaywaspa, nispataj: “Israelitas, kayqa diosniykichej, pichus Egipto jallp'amanta orqhomusorqachej, chay”, nispa.

Éxodo 34:10

Señortaj payman nerqa: Kunanqa uyariwaychej kayta: Noqa ruwashani kay tratota tukuy aylluyki israelitaspa ñaupaqempi. Noqa ruwasaj jatuchaj milagrosta; chayqa manaraj maynejpipis ruwakunrajchu. Chaytaqa tukuy israelitas rikonqanku, mayqenkunaj chaupinkupischus qan kashanki chaypi; paykunaj chaupinkupi Señorqa chay milagrosta ruwanqa. Chay ruwasqayqa may t'ukunapaj jina kanqa qankuna ukhupi.

Éxodo 34:12

Amapuni ni ima tratotapis ruwakunkichejchu maymanchus rishankichej chaypi kaj runaswan, ama, ima sajratachus ruwasqasninkupi urmanaykichejpaj, jinamanta ama misk'achinasuykichejpaj.

Jeremías 3:9

Chaytaqa payllamanta imata jina ruwarqa, tukuy nacionnintinta mana allinman churarqa. Judaqa t'aqakuwaspa, rumista, k'ullustawan yupaychaj churakorqa.

Oseas 4:12

Aylloyqa k'aspi lantisllata tapurakunku; chay llant'a k'aspiswantaj adivinaranku, qhenchachakuywan atipachikuspa. Aylloyqa pantay ñanninta rishan, qhenchachakuypi jinamanta t'aqakuspa Diosmanta.

Oseas 9:1

Ama kusikuychu Israel; ama kusikuywan phinkiriychu waj llajta jinaqa. Qanqa qhenchachakunki Diosniykita saqerpayaspa. Maypichus grano trillakun chay eraspi, qanman gustasunki chay qhenchachakusqaykimanta t'inkasta jap'ikuy.

Levítico 17:7

Amaña jayk'ajpis rikuchikusninkuta jaywanqankuchu chay supaykunaman, mayqenkunatachus yupaychanku, mayqenkunanejtachus juchachakunku. Kay kamacheyqa wiñaypaj kanqa, qankunapaj, tukuy mirayniykichejpajpis.

Números 15:39

Ajinamanta chay flecosnejta yuyarikunkichej tukuy kamachiykunasniyta qosusqaymanta, junt'ankichejtaj. Ajinata munayniykichejwan mana atipachikunkichejchu, chay mana allinta ruwaspa qhatinawaykichejmanta.

Números 25:1

Israelitasqa Sitimpi tiyakorqanku; chaypitaj qharisqa Moab warmiswan qhenchachakuyta qallarerqanku.

Números 25:2

Chay warmis pusarqanku lantisninkuman uywa wañuchisqasta jaywasharqanku chaykunaman. Israelitastaj chay mikhuykunasta mikhuysikorqanku, yupaycharqankutaj moabitaspa lantisninkuta.

Hechos 15:20

Manachayqa escribina kachun: Ama qhasi dioskunaman jaywasqasta mikhunankuta, ama qhenchachakunankuta; ama jeq'eqasqa animalesta mikhunankuta, nitaj yawartapis.

1 Corintios 10:27

Pipis Señorpi mana creej wajyasunkichejman mikhunaykichejpaj, qankunataj riyta munankichej chayqa, mikhuychej tukuy ima qosqanta ama imata tapuspa concienciarayku.

1 Corintios 8:10

Pillapis qanta rikusunkiman mesapi mikhushajta, yachayniyoj kashaspa lantikunaj wasimpi chayqa, manachu chay pisi feniyoj qanta rikuspa mikhullanqataj lantikunaman jaywasqata?

1 Corintios 8:4

Chay mikhunata lantikunaman jaywasqamantaqa, yachanchej jina, lanteqa mana imachu kay pachapeqa. Yachallanchejtaj uj k'ata Dioslla kasqanta.

1 Corintios 8:7

Manataj tukuychu yachanku kaykunasta; wakenqa kunankama yachasqas kanku lantikunaman jaywasqa mikhunaman, concienciankutaj pisi kallpayoj kaspa ch'ichichakun.

Deuteronomio 31:16

Chaymanta Señorqa Moisesman nerqa: Qanqa wañupunkiña, kay israelita runastaj waj nacionespa dioskunasninkuwan juchallikonqanku kunan yaykonqanku chay jallp'api. Jinamanta paykunaqa qonqapuwanqanku, paykunawan ruwasqay tratotataj p'akenqanku.

Deuteronomio 31:18

Chaypachataj noqaqa astawan paykunamanta karunchakusaj, chay tukuy ima millay sajrata ruwasqankumanta, waj dioskunata yupaychasqankumantataj.

Deuteronomio 32:37

Chaypitaj paykunaman nenqa: Maypitaj kunan dioskunasniykichejri? Maypitaj kunan jark'asojniykichej chhanka pakakunaykichejpajri?

Deuteronomio 32:38

Maypitaj kunan rikuchikusta jaywasqaykichejmanta wirasta mikhojkunari? Vino ofrendasta jaywasqaykichejmanta vinota ujyajkunari? Kunanqa sayarimuchunku qankunata yanapaj! Jamuchunku qankunata jark'akoj!

Deuteronomio 7:2

Maypachachus Señor Diosninchej chay nacionesta qankunaman qopusonqachej, atipankichejtaj, chaypacha paykunata chinkachinkichej. Amapuni paykunawan ni ima tratota ruwankichejchu, ni khuyakullankichejpischu.

Deuteronomio 7:3

Ama paykunawan ayllunachanakunkichejchu. Ama casarachinkichejchu qhari wawasniykichejta warmi wawasninkuwan, nitaj warmi wawasniykichejtapis qhari wawasninkuwan casarachinkichejchu.

Josué 23:12

Sichus qankuna ukhupi qhepakunkuraj chay runaswan chajrukunkichej, chaykunawantaj casarankichej, paykunawan ujllaman tukuspa, paykunapis qankunawan chayqa, yachanaykichejpaj Señor Diosniykichejqa qankunawan kashan chay runasta mana qharqonqachu, manachayqa paykunata churanqa waskhata jina chaypi layk'ukuspa urmanaykichejpaj, chicoteta jina wasasniykichejpi jasut'isunaykichejpaj, khishkata jina ñawisniykichejpi t'ojsisunaykichejpaj ima, kay chhika sumaj jallp'ata Señor Diosniykichej qosusqaykichejmanta mana ujniyoj chinkanaykichejkama.

Apocalipsis 2:20

Chaywampis uj ima qampa contraykipi tiyapuwan: Chay Jezabel warmita, Diosmanta sut'inchaj kani nikojta saqenki yachachinanta, kamachisniytataj ch'aukiyananta, qhenchachakunankupaj, chay lantikunaman jaywasqasta mikhunankupaj ima.

Jueces 2:17

Chaywampis israelitasqa mana kasorqankuchu chay kuraj runastaqa, manachayqa Señorta saqerparispa waj dioskunastataj yupaycharqanku. Ñaupa tatasninkoqa kasusqanku Señorpa kamachisqasninta, paykunataj mana tatasninku jinachu ruwasqanku.

Jueces 3:6

Israelitaspa qhari wawasninku chantá warmi wawasninkupis chay llajtasniyojkunawan casarakorqanku, dioskunasninkutataj yupaycharqanku.