Éxodo 33:16 - Qheshwa Biblia DC

¹⁶ Imapitaj yachakonqa qampi khuyakuyniykita tarisqayri, jinallataj israelita runasniyki imari? Manachu yachakonqa qan noqaykuwan purisqaykipi, manachu chanta yachakullanqataj noqata, israelita runasniykita ima kay mundopi tukuy laya runasmanta wajllaman t'aqawasqaykupi?

DIOSPA QHELQACHISQAN DEUTEROCANONICAL

¹⁶ Qan noqaykuwan mana riwajchu chayqa, noqa, jinataj aylluyki Israel imaynapitaj yachasqayku qan khuyarikuwasqaykutari? Noqaykuwan rejtiykeqa, sut'ita yachakonqa noqa, jinataj aylluyki kay pachapi runakunamanta t'aqasqa kasqayku, nispa.

DIOSPA QHELQACHISQ

¹⁶ Qan noqaykuwan mana riwajchu chayqa, noqa, jinataj aylluyki Israel imaynapitaj yachasqayku qan khuyarikuwasqaykutari? Noqaykuwan rejtiykeqa, sut'ita yachakonqa noqa, jinataj aylluyki kay pachapi runakunamanta t'aqasqa kasqayku, nispa.

Éxodo 33:16 Iomraidhean Croise

2 Samuel 7:23

Israel aylluyki jinaqa, mana waj llajta pay jina kanchu tukuy kay pachapeqa? Qan Diosníy, aylluyki kanampaj kacharicherqanki, may uyarisqa kanantataj ruwarqanki, payrayku may t'ukuna k'acha imasta ruwaspa. Egiptomanta kacharicherqanki, chay aylluykej ñaupaqenmantataj qan wijch'orqanki chay waj nacionesta dioskunasnintawan.

1 Reyes 8:53

Imaraykuchus qanqa paykunata ajllakorqanki chayaqeykipaj kay jallp'a patapi tukuy naciones ukhumanta, imaynatachus kamachiyki Moisesnejta nisqaykiman jina, maypachachus tatasniykuta Egiptomanta orqhomorqanki, Señor Diosníy, nispa.

Salmos 147:20

Mana ajinataqa ruwarqachu mayqen nacionwampis, paykunaqa Diospa kamachisqasninta mana yacharqankuchu. Señorqa yupaychasqa kachun.

Éxodo 34:10

Señortaj payman nerqa: Kunanqa uyariwaychej kayta: Noqa ruwashani kay tratota tukuy aylluyki israelitaspa ñaupaqempi. Noqa ruwasaj jatuchaj milagrosta; chayqa manaraj maynejpipis ruwakunrajchu. Chaytaqa tukuy israelitas rikonqanku, mayqenkunaj chaupinkupischus qan kashanki chaypi; paykunaj chaupinkupi Señorqa chay milagrosta ruwanqa. Chay ruwasqayqa may t'ukunapaj jina kanqa qankuna ukhupi.

Éxodo 8:22

Ajina kashajtintaj, Gosén jallp'apeqa mana kanqachu khanikoj ch'uspisqa, mayqempichus aylluy tiyakushan chaypi; ajinamanta yachanaykichejpaj noqa Señor kay jallp'a patapi kashasqayta.

Levítico 20:24

Noqa niykichej dueños kanaykichejta chay runaspa llajtankumanta, noqa kikiy chay jallp'api qankunata mojonachisqaykichej, maypishus lechewan misk'iwan yaku jina corrishan chaypi. Noqamin Señor Diosniykichejqa kani. Tukuy llajtasmanta qankunata t'aqarqaykichej.

Levítico 20:26

Qankunaqa noqa jina santos kanaykichej tiyan, imaraykuchus noqa Señorqa santopuni kani. Noqa qankunata ajllasqaykichej tukuy ayllusmanta, noqajta kanaykichejpaj.

Números 14:14

Maypachachus egipcios yachanqanku ajinata kay runasta ruwasqaykita, chaytaqa canaampi tiyakojkunaman willanqanku. Paykunapis yachanku Señor, qan paykunaj chaupinkupi kasqaykita. Qan paykunawan uyapura rikuchikusqaykita, phuyuykipis paykunaj patankupi kashan. P'unchayqa paykunaj patankuta phuyuykipi rinki, tutantaj nina k'anchay ukhupi pusanki.

Números 23:9

Kay chhanka patamanta paykunata rikuni, kay orqo patamanta paykunata rikushani. Kay runasqa sapallanku tiyakunku, tukuy runasmanta waj jina runas kanku.

San Mateo 1:23

Uj sipas, manaraj qharita rejsej, wijsallikonqa, nacichikonqataj uj qhari wawata. Paytataj Emanuel sutiwan sutichanki. Kay sutitaj niyta munan: Dios noqanchejwan kashan.

2 Corintios 6:17

Chayrayku llojsiychej paykunaj chaupinkumanta, t'aqakuychejtaj, nin Señorqa. Ama llankhaychejchu ch'ichi imasta, noqataj jap'ikapusqaykichej.

Deuteronomio 4:34

Karqachu ima diosllapis uj nacionta tukuy nacionespa chaupinmanta ajllakojqa, imaynatachus qankunawan ruwarqa Señor Diosniykichej Egiptopi ajinata qankunaj ñaupaqeykichejpi, milagroswan, guerraswan ima, jatun atiyninta pruebaswan, señaleswan rikuchispa, manchachispataj?

Deuteronomio 4:7

Mayqen jatun nacionwantaj dioskunasnin chay jina qayllapi kashanku, imaynatachus Señor Diosninchej noqanchejwan kashan, tukuy ima mañakusqanchejpi jinatari?