Éxodo 32:4 - Qheshwa Biblia DC

⁴ Paytaj chaykunata jap'iytawan, tukuyninta ujllaman unuyarpachiytawan cincelwan uj waka uñata ruwarqs. Chaymantataj nerqanku: “Israelitas, kayqa Diosniykichej, pichus Egiptomanta orqhomusorqachej chay”, nispa.

DIOSPA QHELQACHISQAN DEUTEROCANONICAL

⁴ Paytaj jap'ispa qorita ninapi unuyacherqa. Chaymantataj cincelwan t'illmispa, waka uñaman rijch'akoj lantita ruwarqa. Chantá israelitakuna waka uña lantita rikuspa nerqanku: Israelitakuna, kaymin Egiptomanta orqhomuwarqanchej, chay diosninchejqa, nispa.

DIOSPA QHELQACHISQ

⁴ Paytaj jap'ispa qorita ninapi unuyacherqa. Chaymantataj cincelwan t'illmispa, waka uñaman rijch'akoj lantita ruwarqa. Chantá israelitakuna waka uña lantita rikuspa nerqanku: Israelitakuna, kaymin Egiptomanta orqhomuwarqanchej, chay diosninchejqa, nispa.

Éxodo 32:4 Iomraidhean Croise

1 Reyes 12:28

Chaymanta yuyaychakuytawantaj, iskay waka uñasta qorimanta ruwarqa, chanta israelitasman nerqa: Anchataña Jerusalenman rinkichej: Israelitas kayqa ari dioskunaykichejqa, Egipto jallp'amanta orqhomusorqachej chaykuna.

1 Reyes 12:32

Chanta Jeroboamqa uj fiestata wakicherqa pusaj kaj killapi, chunka phishqayoj p'unchaypi, imaynatachus uj jatun fiestata Judapi ruwaj kanku ajinata; uj altar patapitaj uywa ñak'asqasta jaywarqa. Ajinata ruwarqa Betelpi uywa ñak'asqasta jaywaspa chay waka uñasta ruwasqanman. Kamachillarqataj sacerdotes kanankupaj chay lomas patapi wasista ruwachisqasnimpaj.

2 Reyes 10:20

Jehoqa: nillarqataj: Kunanqa Baalman uj diata t'aqaychej jatun fiestata ruwanapaj. Paykunataj ajinata tantacherqanku.

2 Reyes 10:29

Chay tukuywampis, Jehoqa manataj Nabatpa wawan Jeroboampaj juchasninmanta t'aqakorqachu, imaswanchus Israelta juchallicherqa chaykunamanta. Ajinata saqellarqa qorimanta waka uñasta Betelpi, Dampi ima.

2 Crónicas 11:15

Jeroboamqa waj sacerdotesta paypaj ajllakorqa, loma pata altarespi Señorman jaywanankupaj. Jinataj supaykunasta yupaychanakupaj, chanta chay waka uñasta ruwacherqa, chaykunasta yupaychanankupaj.

2 Crónicas 13:8

Kunan qankunaqa churanakuyta munashankichej Davidpa mirayninnejta kamachisqa kashan chay Señorpa reinonman chaytaqa ruwashankichej, may ashkha kasqaykichejman atienikuspa. Chay jawaqa qorimanta waka uñasta Jeroboam ruwapusorqachej dioskunata jina yupaychanaykichejpaj.

Nehemías 9:18

Metalta unuyachispa uj waka uñata ruwakuspa, kaymá Egiptomantaqa orqhomuwarqanchej chay diosqa nispa nejtinkupis, chay chhika millay juchasta ruwashajtinkupis, Qanqa jatun khuyakuyniykirayku ch'in pampapi mana saqerparerqankichu. Llanthoj phuyoqa ñanninkuta pusaspa manapuni maykunamanta p'unchaynimpi t'aqakorqachu; nitaj nina k'anchaypis tutampi paykunamanta t'aqakullarqatajchu, k'anchayninwan rinanku karqa chay ñanta rikuchispa.

Éxodo 20:2

Noqa Señor Diosniyki kani, Egiptomanta orqhomorqayki, kamachillapuni kanaykimanta.

Éxodo 20:23

Noqaj ñaupaqeypi ama lantista ruwankichejchu qolqemanta, nitaj qorimantapis, chaykunatapis yupaychanaykichejpaj.

Éxodo 20:4

Ama ni ima lantita ruwakunkichu, ni patapi cielopi kajman rijch'akojta, ni urapi jallp'api kajman rijch'akojta, nitaj yakuspi kajman rijch'akojtapis.

Éxodo 28:11

Chay rumispi ruwana sutista ruwanki sello ñit'inata jina, sapa ujnin rumisman Israelpa wawasnimpa sutisninta churanaykipaj. Chaymantaqa chay rumista churaranki qorimanta ruwasqa muyuynin pataman.

Éxodo 28:9

Chaymantaqa iskay ónice rumista k'askachinki, chaymantaj Israelpa wawasnimpa sutisninta churay.

Éxodo 32:1

Israelitastaj chaykama, Moisés Sinaí orqomanta mana usqhayta uraykamojtin, tantakuytawan Aaronman qayllaykuspa nerqanku: Kunanqa dioskunata ruwapuwayku ari ñaupaqeykuta rinankupaj. Imaraykuchus Egipto jallp'amanta orqhomuwarqayku chay Moisesqa imanakunchus mana rikhurimunchu.

Éxodo 32:24

Noqataj paykunaman nerqani: Pejpatachus qorin tiyajtenqa apamuwaychej, nispa. Paykunataj qowarqanku, chaymantataj ninawan unuyacherqani, jinamanta kay waka uña ruwakorqa.

Éxodo 32:3

Israelitastaj chayta uyarispa tukuyninku apamorqanku qori faluchosninkuta Aaronman ningrisninkumanta orqhokuytawan.

Éxodo 32:35

Israelitasta Señorqa juchankumanta jasut'erqa, waka uñata Aaronwan ruwachikusqankumanta.

Éxodo 32:5

Chayta rikuspataj Aaronqa uj altarta ruwarqs waka uñaj ñaupaqempi. Chaymantataj nerqa: Q'aya ruwasunchej Señorpaj uj fiestata.

Éxodo 32:7

Señortaj Moisesman nerqa: Kunanqa riy, uraykuy, imaraykuchus Egiptomanta orqhomusqayki runasqa millayta juchallikunku.

Éxodo 32:8

Paykunaqa usqhayllata t'aqarpayakunku ima ñantachus noqa nerqani rinankuta chaymanta. Qorimanta unuyachispa ruwakunku uj waka uñata. Chayta paykunaqa yupaychashanku rikuchikusta jaywaspa, nispataj: “Israelitas, kayqa diosniykichej, pichus Egipto jallp'amanta orqhomusorqachej, chay”, nispa.

Isaías 30:22

Chaymantaqa qhesachanki qolqemanta lantisniykita, jinallataj qoriwan lluchhisqa lantisniykitapis. Qanqa chaymanta millayta jina qhawanki, uj q'opata jinataj, ninkitaj llojsiy jawaman, nispa.

Isaías 46:6

Paykunaqa wayaqasninkumanta qorita orqhonku, qolqeta pesaspi aysanku, chaymantataj lantita ruwajta wajyachinku, ruwachinkutaj, jinaspataj chay ruwasqa diosman qonqorikuytawan yupaychanku.

Ezequiel 23:8

Egiptopi qhenchachakusqanmantapacha mana qonqakunachu, imaraykuchus sipas kashajtin egipcio waynas paywan puñuykorqanku, paykunataj doncella chuchusninta t'ojpispa qhenchacharqanku uj qhencha warmiman tukuchinankukama.

Oseas 10:5

Samariamanta runakunaqa kharkatitinku; waqanku chay Bet-avempi waka uñata chinkachisqankumanta. Chaymantamá tukuy llajta, sacerdotesnintin jik'un jik'unta waqashanku, chay alabasqa kashan chinkasqanrayku.

Oseas 13:2

Kunan juchallapiraj kashanku! Qolqesninkuta unuyarichispa lantista ruwarikunku sapa munarispa, chay ruwajkunaspa munasqanman jina. Chaymanta ninku: Rikuchikusta jaywaychej! nispa; runastaj much'arinku chay waka uñasman rijch'akun lantista.

Hechos 17:29

Diospa mirayninmanta kanchej chayqa, mana yuyananchejchu tiyan Diosqa rijch'akusqanta qori, qolqe, rumi lantiman ima. Chaykunaqa, runaj yuyayninman jinalla ruwasqas kanku.

Hechos 7:41

Paykunataj ruwarqanku waka uñaj lantinta. Uywasta wañuchispataj, chay waka uña ruwasqankuman jaywarqanku. Kusikorqankutaj chay makisninkuwan ruwasqankupi.

1 Corintios 10:7

Chayrayku qankunaqa ama lantikunata yupaychaychejchu, imaynatachus paykunamanta wakin yupaycharqanku jinataqa. Escribisqapi nishan: Chay runasqa tiyaykukorqanku mikhunankupaj, ujyanankupaj. Chaymantataj sayarerqanku pujllanankupaj.

Deuteronomio 9:16

Qankuna Señor Diosniykichejpa contranta juchallikusqaykichejta rikuspa, uj waka uña lantita mineralta unuyachispa ruwasqaykichejta, Señorpa ñanninta rikuchisqasuykichejta saqespa kajtiykichej, makiypi jap'isharqani chay qelqasqa kamachiykunata, ñaupaqeykichejman choqaspa t'unarqani.

Jueces 8:24

Noqaqa munayman chay jap'erqankichej chay runaspa anillosninta qonawaykichejta. Chay anillostaqa chay enemigosninku ukhupi soldados apaykachaj kanku, chay ch'in pampasnejmanta runas kasqankurayku.

Jueces 8:27

Gedeonqa chay qoriswan ruwarqa uj lantita, chaytataj Ofra llajtaman churaykorqa. Jinapis chay lantita ruwachisqanrayku Señorman mana cheqatachu purerqanku chay llajtayojkuna jinataj Israel ayllupis. Gedeompaj ayllumpajpis chayqa pantaypaj karqa.