Éxodo 32:17 - Qheshwa Biblia DC

¹⁷ Josuetaj, israelitaspa maytapuni ch'ajwaspa qhaparisqankuta uyarispa, Moisesman nerqa: Jarapeqa maqanakuspapis ch'ajwashankuman jina uyarikun, nispa.

DIOSPA QHELQACHISQAN DEUTEROCANONICAL

¹⁷ Chantá Josueqa israelitakunaj ch'ajwasqankuta uyarispa, Moisesta nerqa: Maqanakuspapis ch'ajwashankuman jina jaramanta uyarikamushan, nispa.

DIOSPA QHELQACHISQ

¹⁷ Chantá Josueqa israelitakunaj ch'ajwasqankuta uyarispa, Moisesta nerqa: Maqanakuspapis ch'ajwashankuman jina jaramanta uyarikamushan, nispa.

Éxodo 32:17 Iomraidhean Croise

1 Crónicas 7:27

Elisamaj wawantaj Nun, paypatataj Josué.

Job 39:25

Relinchiyaspa pututoj waqasqanman kutichin; karullamanta mayta maqanakusqankuta muskhirin, uyarintaj capitanespa qhaparisqankuta, kamachisqankuta ima.

Salmos 47:1

Tukuy ayllus t'ajllakuychej. Kusisqas Diosman qhapariychej.

Éxodo 17:9

Moisestaj Josueman nerqa: Wakin qharista ajllay, chaykunawan rispa amalecitaswan maqanakamuychej. Noqataj q'aya jatun orqo puntapi kamusaj, Diospa qowasqan tojnuta makiypi jap'irisqa.

Éxodo 24:13

Moisesqa sayariytawan Josué yanapajninwan khuska wicharerqa Diospa orqonman.

Éxodo 32:16

Chay palqa rumitaqa Diospuni ruwarqa, jinallataj chaypi ch'eqosqa palabrastapis Diospuni ruwarqa.

Éxodo 32:18

Moisestaj kuticherqa: Mana maqanakupi atipaspa kusiywan qhaparisqanku jinachu, nitaj atipachikuspa llakiywan qhaparisqanku jinachu; manachayqa waj laya takiykunata noqaqa uyarini.

Éxodo 32:6

Q'ayantenqa tutamanta jatariytawan ofrendata, allinyakuy chay rikuchikustawan jaywarqanku. Chaymantataj runasqa tiyaykukuspa mikhorqanku, ujyarqankutaj, sayariytawantaj mayta kusikorqanku.

Jeremías 51:14

Tukuy Atiyniyoj Señorqa kausayninrayku juran: Enemigosniykiwan, langostaswan jina junt'aykuchisqayki, paykunataj qanta atipaykususqankurayku tarikonqanku, nispa.

Amós 1:14

Chayrayku Rabá llajtaj perqasninman ninata jap'iykuchisaj. Chay ninataj q'olaykonqa palaciosninkuta, may maqanakuy ch'ajwa ukhupi, may qhaparikuy llakiy p'unchaypitaj ukhupi.

Amós 2:2

Chayrayku Moab llajtaman ninata jap'iykuchisaj, jinamanta chay nina Queriotpa palaciosninta chinkachenqa, maqanaku ch'ajwa ukhupi jinataj, pututu waqay ukhupitaj, moabitasqa wañuranqanku.

Josué 6:10

Soldadosmantaj Josueqa kamacherqa mana ch'ajwaspa ch'inllamanta rinankuta, mayk'ajchus qhapariychej nejtillan sinch'ita qhaparinankuta.

Josué 6:16

Qanchis kuti sacerdotes pututusninkuta waqachejtinku, chaypacha Josueqa israelitasman nerqa: Qhapariychej! Señormin llajtataqa makisniykichejman jaywasunkichej.

Josué 6:20

Runasqa jatunmanta qhaparerqanku, sacerdotespis pututusninkuta waqacherqanku, Israelitastaj chay pututus waqamusqanta uyariytawan, kunkankoj atisqanta qhapariyta qallarerqanku. Llajtaj kancha perqasnintaj pampaman loqhekorqanku. Chaymantataj llajta cheqanta phinkiykorqankupacha, chanta jap'irarqankutaj.

Josué 6:5

Carnero wajrasta waqajta uyariytawan, tukuy kallpawan qhapariychej, llajtaj perqasnintaj ujllata pampaman urmanqanku. Chaymantataj sapa ujniykichej llajtaman phinkikuychej, nispa.

Jueces 15:14

Lehiman chayamojtintaj filisteosqa kusiywan qhaparkachaspa payta taripaj llojserqanku. Señorpa Espirituntaj Sansonman jamorqa, paytaj makisnimpi chay watasqa waskhasta t'ipirarerqa uj ruphasqa linomantapis ruwasqas kankuman karqa jinata.

1 Samuel 17:20

Chay q'ayantintaj Davidqa tutamanta jatarikorqa, ovejasninta wajman mink'arikuspataj rerqa, tatan Isaí mikhunasta wakichisqanta apaspa. Maqanaku jaraman chayashajtintaj, soldadosqa maqanakupaj wakichikusharqanku, maqanaku qhaparqakaykunasta qhaparispa.

1 Samuel 17:52

Chaypacha Judamanta kajkuna, jinataj Israelmanta kajkunapi qhaparispa qhatiykorqanku Gat llajtaman yaykunakama, Ecronman yaykuna chaynejkamataj. Saaraimantapacha, Gatman, Ecronmampis rina ñan pataspeqa filisteo soldadospa ayasninku wijch'u wijch'ulla kasharqanku.