Éxodo 32:1 - Qheshwa Biblia DC

¹ Israelitastaj chaykama, Moisés Sinaí orqomanta mana usqhayta uraykamojtin, tantakuytawan Aaronman qayllaykuspa nerqanku: Kunanqa dioskunata ruwapuwayku ari ñaupaqeykuta rinankupaj. Imaraykuchus Egipto jallp'amanta orqhomuwarqayku chay Moisesqa imanakunchus mana rikhurimunchu.

DIOSPA QHELQACHISQAN DEUTEROCANONICAL

¹ Moisés Sinaí orqomanta mana usqhayta urayk'amusqanrayku, israelitakuna tantakuspa, Aaronta nerqanku: Egiptomanta orqhomuwarqayku, chay Moiseswan imachus kasqanta mana yachaykuchu. Chayrayku ñawpaqeykuta rispa pusanawaykupaj, dioskunata ruwapuwayku, nispa.

DIOSPA QHELQACHISQ

¹ Moisés Sinaí orqomanta mana usqhayta urayk'amusqanrayku, israelitakuna tantakuspa, Aaronta nerqanku: Egiptomanta orqhomuwarqayku, chay Moiseswan imachus kasqanta mana yachaykuchu. Chayrayku ñawpaqeykuta rispa pusanawaykupaj, dioskunata ruwapuwayku, nispa.

Éxodo 32:1 Iomraidhean Croise

Génesis 19:14

Lottaj usqhayta rerqa ususisninwan casarananku karqa chay qharisman willaj, nerqataj: Jatariychej usqhayta, kaymanta ayqeychej, kay llajtataqa Señor chinkachenqa kasqa! Tolqasnintaj chayta mana creespa mana kasorqankuchu, chansiyakusqanta yuyaspa.

Génesis 21:26

Abimelectaj nerqa: Kunankama mana yacharqanichu chayta, qampis chaymantaqa mana ima niwankichu, mana yachanichu pichus chayta ruwasqanta.

Génesis 39:8

Josetaj mana munasqachu, nerqataj: Patronneyqa niwan noqa tukuy imasninmanta cuentayoj kanayta, noqa kaypi kashajteyqa mana imamantapis llakikunanchu tiyan.

Génesis 44:15

Josetaj paykunaman nerqa: Imatataj kayta ruwawankichejri? Manachu yachankichej noqa jina runaqa chayta qhawaspa imatapis yachasqanta?

Génesis 44:4

Llajtamanta manaraj karuta rishajtinkutaj Joseqa mayordomonman yachaykucherqa: Chay runasta qhatiriy, taripaspataj ninki: Imaraykutaj patronniyman kutichinkichej allinmanta mana allintari? Ima nispataj qolqe copanta suwamunkichejri, patronniypa ujyananta, qhawaspataj imatapis yachanantari? Kaytaqa mana allintachu ruwankichej.

Salmos 106:19

Horeb orqopi uj uña torillota ruwakorqanku, qorimanta unuyachispa lantita ruwasqankuta yupaycharqanku.

Éxodo 13:21

Señorqa paykunaj ñaupaqenta rerqa p'unchaypi jatun chhoqo phuyu ukhupi paykunata pusaspa, tutantaj nina k'anchay ukhupi ama ñanta pantanankupaj; chantapis tuta p'unchay rinankupaj.

Éxodo 14:11

Moisesmantaj nerqanku: Manachu Egiptopi p'ampakunaykupaj karqa aya p'ampanas, kay ch'in pampapi wañurachichinawaykupajchu orqhomuwarqayku? Imatataj kayta ruwawaykuri? Chaypajchu Egiptomanta orqhomuwarqayku?

Éxodo 16:3

Ajinata nerqanku: Allin kanman karqa Egiptopi Señorqa wañurachinawayku. Chaypi aycha mankaykoqa ni jayk'aj pisejchu, chantapis t'antata mikhoj kayku sajsakunaykukama. Qankunaqa kay ch'in orqoman pusamuwayku yarqhaymanta wañuchinawaykupaj kay tukuyniykuta.

Éxodo 20:23

Noqaj ñaupaqeypi ama lantista ruwankichejchu qolqemanta, nitaj qorimantapis, chaykunatapis yupaychanaykichejpaj.

Éxodo 24:12

Señortaj Moisesman nerqa: Jamuy, orqoman wicharimuy, maypichus noqa kashani chayman, chaypi suyaway, jaqaypi uj p'alta rumita qosqayki. Chay rumipi uj ley qelqasqa kanqa, kamachiykuna ima qankunaman yachachinaypaj.

Éxodo 24:18

Moisestaj chay phuyu ukhuman yaykuspa orqoman wicharerqa. Chaypitaj payqa kamorqa tawa chunka p'unchayta, tawa chunka tutatawan.

Éxodo 32:11

Moisestaj chayta uyarispa Señor Diosninmanta mañakorqa, nispa: Señorníy, imaraykutaj qan paykunapaj k'ajaj phiñakuyniykita rikuchiwajri, israelita runasniykej contrampiri, mayqentachus Egipto jallp'amanta manchay kallpawan, atiywantaj orqhomusqaykipajri?

Éxodo 32:22

Aarontaj Moisesman kuticherqa: Ama phiñakuwaychu, wiraqochíy. Qan allinta yachanki, kay runasqa munankupuni imatapis mana allin kajta ruwayta.

Éxodo 32:23

Paykuna niwarqanku: Dioskunata ruwapuwayku ñaupaqeykuta rispa pusanawaykupaj; pi qharichus Egiptomanta orqhomuwarqayku, chay Moisesqa imanakunchus kampis mana yachakunchu, nispa.

Éxodo 32:7

Señortaj Moisesman nerqa: Kunanqa riy, uraykuy, imaraykuchus Egiptomanta orqhomusqayki runasqa millayta juchallikunku.

Éxodo 33:3

Qankunaqa riychej maypichus lechewan misk'iwan corrishan yaku jina chayman. Noqaqa mana qankunawanchu risaj; qankunawan riyman chayqa, ñampi tukuchiykichejman, imaraykuchus qankunaqa ancha rumi sonqo runas kankichej.

Ezequiel 20:8

Paykunataj contraypi sayarerqanku, manataj uyariyta munawarqankuchu. Ñawisninkuta ch'aukiyaj millay juchasninkumanta ni pipis t'aqakorqankuchu, nitaj Egiptopi kaj lantistapis saqerqankuchu. Yuyarqani paykunaj patampi k'aj phiñakuyninmanta samariyta, Egipto jallp'api kikin phiñakuyniyta paykunapi junt'anaypaj.

Oseas 12:13

Señor orqhomorqa Egiptomanta Israel ayllunta uj profetanejta. Paykunata waqaycharqa uj profetanejta!

Miqueas 6:4

Noqa Egiptomanta orqhorqayki, kamachi kashajtiyki librarqayki; Moisesta, Aaronta, Mariatapis kachamorqayki pusanasuypaj.

Números 14:22

Egiptopi, kay ch'in pampaspipis ashkha milagro ruwasqasniytapis rikullankutaj. Kay ch'in pampaspi chunka kutitaña noqaj contrayta oqharikunku, kamachisqasniyta mana kasuwayta munankuchu.

San Mateo 24:43

Kayta yachaychej, sichus wasiyoj tuta ima horatachus suwa jamunanta yachanman chayqa, mana puñuspa suyaykunman, nitaj wasinta jusk'ojta saqenmanchu.

San Mateo 24:48

Chantá, chay kamachichus sajra kanman, sonqompitaj ninman chayqa: Manaraj sina patronniy chayamonqachu, nispa.

Hechos 17:29

Diospa mirayninmanta kanchej chayqa, mana yuyananchejchu tiyan Diosqa rijch'akusqanta qori, qolqe, rumi lantiman ima. Chaykunaqa, runaj yuyayninman jinalla ruwasqas kanku.

Hechos 19:26

Qankunaqa rikushankichej, uyarishankichejtaj, imaynatachus Pablo tukuyman junt'achisqanta: Mana dioskunachu kanku runaj makinwan ruwasqasqa, nispa. Chay nisqanwantaj, ashkha runaj sonqonta tijrachishan mana kay Efeso llajtallapichu, astawanqa tukuy Asiantimpi.

Hechos 7:40

Chayraykutaj Aaronman nerqanku: Dioskunata ruwapuwayku ñaupaqeykuta rinankupaj. Egiptomanta orqhomuwarqayku chay Moisesqa mana yachakunchu, imanakapunchus.

Deuteronomio 31:8

Señorqa ñaupaqeykita renqa, qanwantaj kanqa. Payqa qhawasonqapuni, manataj saqerpayasonqachejchu. Qanqa ama manchachikuychu, nitaj kharkatitiychu.

Deuteronomio 9:1

Uyariychej israelitas: Kunanqa Jordán mayuta chimpanaykichejña tiyan. Qankunamanta aswan ashkha runasniyoj nacionesta, aswan atiyniyojkunatataj jallp'asninkumanta qharqonaykichejpaj, jap'ikapunkichejtaj jatuchaj perqawan muyuykusqa llajtasninkuta.

Deuteronomio 9:9

Chay orqoman wicharerqani Señormanta jap'imoj palqayoj p'alta rumipi qelqasqa kamachiykunata, qankunawan Señor tratota ruwarqa chaykunata. Chaypitaj chinkamorqani tawa chunka p'unchaykunata tawa chunka tutastawan mana t'antata mikhuspa, nitaj yakuta ujyaspa.

Josué 7:13

Sayarispa israelitasta tantachimuy, llimphuchachimuytaj. Niy, q'aya ñaupaqeyman chimpamunankupaj wakichikunankuta; imaraykuchus noqa Señor, Israelpa Diosnin ajinata nini: Qankuna israelitas imachus phirikunan kajta mana phirichinkichejchu. Manachus tukuyninta phirinkichej, manatajchus qanmanta jawaman wijch'unki chayqa, manapuni enemigosniykichejta atipayta atinkichejchu.

2 Pedro 3:4

Nenqankutaj: Mayta Cristoj jamusaj nisqanri? Tatas wañusqankumantapacha kunankamaqa, tukuy ima qallariypi jina, imaynachus karqa, kikimpacha kakushan.