Éxodo 30:10 - Qheshwa Biblia DC

¹⁰ Chay altarqa t'aqasqapuni kanan tiyan Señorpaj. Chay altarpi wajras patapi Aaronqa uj rikuchikuta jaywanqa uj kutillata sapa wata, juchas pampachasqa kanampaj. Chaytaqa uj kutillatapuni ruwanqa Aaronqa sapa watapi, uywaspa yawarninwan chay altar patapi juchas pampachasqa kanampaj. Chaytaj Señorpajqa may t'aqasqamin kanqa.

DIOSPA QHELQACHISQAN DEUTEROCANONICAL

¹⁰ Aaronqa watapi uj kutita altarpa wajrankunata, uywa ñak'asqaj yawarninwan jawenqa. Ajinata ruwanqa jucha pampachasqa kananpaj. Chaytaqa sapa watapi uj kutillata jucha pampachasqa kananpaj ruwanqa. Chay altartaj Tata Diospaj may llimphumin kanqa, nispa. Ajinata Tata Dios nerqa.

DIOSPA QHELQACHISQ

¹⁰ Aaronqa watapi uj kutita altarpa wajrankunata, uywa ñak'asqaj yawarninwan jawenqa. Ajinata ruwanqa jucha pampachasqa kananpaj. Chaytaqa sapa watapi uj kutillata jucha pampachasqa kananpaj ruwanqa. Chay altartaj Tata Diospaj may llimphumin kanqa, nispa. Ajinata Tata Dios nerqa.

Éxodo 30:10 Iomraidhean Croise

1 Reyes 1:50

Chayrayku Adoniasqa rey Salomonta manchachikuspa rispa altarpa wajrasninmanta jap'ikamorqa.

1 Crónicas 6:49

Aaronwan wawasninwantaj ñak'asqa uywasta jaywaj kanku, chay q'olachina altar patapi. Jinataj inciensota q'osñichina altar patapipis. Jinallataj llimphupaj qhawasqa cheqapipis, tukuy ima ruwanapajpis. Churasqas karqanku, chanta Israelpa juchasninmanta perdonta tarinapajpis, Diospa kamachin Moisés kamachisqanman jina.

Éxodo 30:11

Señorqa Moisesman parlarqa, ajinata: Maypachachus israelitasta yupanki chayqa, sapa ujninku qolqeta ramachunku Señorpaj, kausakusqankumanta pagaspa ama ima onqoypis kanampaj ajinata yupashajtiyki.

Éxodo 30:9

Kay altar incienso patapeqa amapuni ima inciensotapis q'osñichinkichejchu, ni rikuchikusta, nillataj ch'aki mikhuy ofrendastapis, nillataj vino ofrendatapis chayman ch'ajchunkichejchu.

Levítico 16:16

Ajinamanta maypichus Diospa tiyakunanqa llimphuchasqa kanqa israelitaspa millay imasninkumanta, machu machu kayninkuwan juchasninkuwan ima ch'ichichasqa kasqanmanta. Kikillantataj ruwanqa Dioswan tinkukuna toldotapis; chay kashan israelitaspa chaupinkupi, tukuy millay kayninkoj chaupimpi ima.

Levítico 16:2

Chaypi Señorqa Moisesman nerqa: Wauqeyki Aaronman niy, ama sapa kuti Diospa tiyakunanman yaykunankuta, mayqenchus veloj wasampi kashan chayman, nillataj Diospa leyninwan kashan chay cajompa kirpanan qayllamampis, ama payñataj wañunampaj. Imaraykuchus noqaqa rikuchikuni uj phuyupi chay kirpana patapi.

Levítico 4:18

Uj pisi yawarwantaj Señorpa ñaupaqempi kashan chay altarpata wajras jina kaj esquinasninta jawenqa Dioswan tinkukuna toldo ukhupi. Tukuynin puchoj yawartataj rikuchikusta ruphachina altarpa uranman jich'anqa, Dioswan tinkukuna toldo punkupi.

Levítico 4:7

Chantaqa sumajta q'apashaj incienso altarpa wajras jina kaj esquinasninta uj pisi yawarwan jawiykonqa, Señorpa ñaupaqempi Dioswan tinkuna toldopi. Tukuynin puchoj yawartataj, rikuchikusta ruphachina altarpa uranman jich'aykonqa Dioswan tinkukuna toldo punkupi.

Hebreos 1:3

Paytaj Diospa k'anchaynimpa lliphipiynin kaspa, Dios kaynimpa kikin rijch'aynintaj, tukuy imata palabrampa atiyninwan sayachin, pay kikintaj juchasninchejta pichaspa, jatun kajpa pañanman janaj pachapi tiyaykukorqa.

Hebreos 9:25

Manataj sapa kutichu wañorqa, imaynatachus kuraj sacerdote, sapa wata wajpa yawarninwan aswan llimphu santuarioman yaykoj, ajinata.

Hebreos 9:7

Iskay kajmanrí, jatun sacerdotella uj kutita sapa wata yawarwan yaykoj, mana yawarwanqa mana. Chaytataj paypa juchasninrayku, runaspa juchasninraykutaj jaywaj.

Apocalipsis 9:13

Sojta kaj angeltaj trompetata waqacherqa. Uyarerqanitaj parlamojta, qori altarpa tawantin cantosninmanta. Chaytaj Diospa ñaupaqempi kasharqa.