Éxodo 3:8 - Qheshwa Biblia DC

⁸ Chayrayku uraykamuni egipciospa makinmanta, atiyninmanta ima orqhonaypaj; chay jallp'ankumanta orqhospa sumaj jatun jallp'aman pusanaypaj, mayqempichus lechewan misk'iwan yaku jina corrishan chayman. Chay jallp'apeqa tiyakushanku kay runas: Cananeos, heteos, amorreos, ferezeos, heveos, hebuseos ima.

DIOSPA QHELQACHISQAN DEUTEROCANONICAL

⁸ Chayrayku Egipto llajtayojkunaj makinmanta paykunata kacharichinaypaj urayk'amuni, Egiptomanta orqhospa, paykunata sumaj jallp'aman pusanaypaj, maypichus lechewan, abeja misk'iwan yaku jina purishan, chayman. Chay jallp'api tiyashanku: Cananeokuna, jeteokuna, amorreokuna, ferezeokuna, heveokuna, jebuseokuna ima.

DIOSPA QHELQACHISQ

⁸ Chayrayku Egipto llajtayojkunaj makinmanta paykunata kacharichinaypaj urayk'amuni, Egiptomanta orqhospa, paykunata sumaj jallp'aman pusanaypaj, maypichus lechewan, abeja misk'iwan yaku jina purishan, chayman. Chay jallp'api tiyashanku: Cananeokuna, jeteokuna, amorreokuna, ferezeokuna, heveokuna, jebuseokuna ima.

Éxodo 3:8 Iomraidhean Croise

Génesis 11:5

Señortaj uraykamorqa chay llajtata qhawarej, chay torretawan runas ruwasqankuta.

Génesis 11:7

Kunanqa jaku uraykunachej parlayninkuta chajroj, parlasqankuta ama entiendenakunankupaj.

Génesis 15:13

Señortaj payman nerqa: Yachay kayta, mirayniykeqa tiyakonqa runaj llajtampi, chaypitaj runaj kamachisnin, may k'irinchasqastaj kanqanku tawa pachaj watasta.

Génesis 15:14

Pichus chay jinata ruwaj llajtata jasut'isaj, mirayniykitaj ashkha imas aparisqa llojsenqa.

Génesis 18:21

Chayrayku kunanqa rishani qhawarej, willawasqaykuman jina, cheqachus chay juchasninkoqa ancha millaypuni manachus chayta. Ajinamanta noqaqa yachasaj.

Génesis 43:11

Chaymanta tatankoqa nerqa: Mana imapis kanan kajtenqa kayta ruwaychaj: Chay runaman jaywanaykichejpaj apaychej costalesniykichejpi imachus kaypi sumaj poqoj kajta, sumajnin kajkunata: Uj chhika balsamota, uj chhika abeja misk'ita, q'apaj mirrata, nuecesta, almendrastawan.

Génesis 46:4

Noqa qanwan Egiptoman uraykusaj; noqallataj qhepaman mirayniykita orqhuspa kutichimusaj kayman. Chantapis wañojtiyki Joseyki qayllaykipi kanqa.

Génesis 50:24

Uj kuti Joseqa wauqesninman nerqa: Pisillaña kashan wañupunayman, Dios qankunamanta yuyarikusonqachej, kay jallp'amanta orqhosonqachej, pusasunaykichejpaj mayqen jallp'atachus qosqaykichej nerqa Abrahamman, Jacobman ima, chayman.

Nehemías 9:8

Rikorqanki qampi sumajta atienikoj runa kasqanta, uj tratotataj paywan ruwarqanki. Nerqankitaj wawasninman jallp'ankuta qonaykita, cananeospata, hititaspata, amorreospata, fereseospata, jebuseospata, gergeseospata ima. Qanqa nisqaykitaqa ruwankipuni, imaraykuchus qanqa nisqaykita junt'ajpuni kanki.

Salmos 12:5

Señorqa kay jinata nin: Pisi kallpayojkunaqa saruchikunku, wajchasrí nanaywan waqakunku, noqataj jatarikuspa yanapasaj, imaraykuchus chayta chhikata suyashanku.

Salmos 12:6

Señorpa qosqayki nisqan, palabrasqa ch'uwa llimphuchasqa qolqe jina, mayqenchus qanchis kutita ninapi ch'uwachasqa.

Salmos 34:8

Qhawaychej yachaychejtaj, Señorqa k'acha kasqanta. Kusikuyniyojmin paypi suyaj runaqa.

Salmos 91:15

Pay wajyawajtin, noqa uyarisaj, noqapuni paywan kasaj; llakiypipis noqa paywan kasaj. Libraspataj allinman payta churasaj.

Éxodo 12:41

Mayk'ajchus tawa pachaj kinsa chunkayoj watas junt'akorqa, chay kikin p'unchayllataj Señorpa soldadosnin Egiptomanta llojsiporqanku.

Éxodo 12:51

Chay kikin diallataj Señorqa orqhorqa Egiptomanta israelitaspa soldadosninta.

Éxodo 13:5

Kay kikin killallapitaj yuyarikuspa qhochukuta Señorman ruwankichej, maypachachus Señor yachachisonqachej lechewan misk'iwan phullchisaj chay jallp'aman chaypacha; mayqen jallp'amantachus Señorqa orqhonqa cananeosta, heteosta, amorreosta, heveosta, jebuseosta ima. Chay jallp'ata Señorqa juraspa nerqa tatasniykichejman qonanta.

Éxodo 3:17

Chantaqa nillawantaj, Egiptopi may llakiyta ñak'arinaykichejmanta kacharichinasuykichejta; pusasunaykichejtataj lechewan misk'iwan yaku jina corrishan chay jallp'aman, maypichus tiyakushanku, cananeos, hiteos, amorreos, ferezeos, heveos, jebuseos ima, chayman.

Éxodo 34:11

Kay kamachisqayta sumajta junt'aychej; noqa qharqosaj ñaupaqeykichejmanta amorreosta, cananeosta, hititasta, ferezeosta, heveosta, jebuseostawan.

Éxodo 5:23

Kayman jamuspa faraonman sutiykipi parlasqaymantapacha payqa astawan llakiyman churan israelitasta; qantaj chaymanta manaraj kacharichinkichu aylluykita.

Isaías 36:17

Chayta ruwankichej noqa jamuspa pusamusunaykichejkama. Noqaqa pusasqaykichej jallp'aykichejman rijch'akoj jallp'allamantaj granowan, trigowan, uvaswan poqojman.

Isaías 64:1

Señor, sichus janaj pachata llik'ispa uraykamuwaj chayqa, qampa ñaupaqeykipi tukuy orqos kharkatinkuman.

Jeremías 11:5

Sichus qankuna kasuwankichej chayqa, noqapis chay ñaupa tatasniykichejman jurarqani qonayta, chayta junt'asaj, maypichus tiyakushankichej chaypi lechepis, misk'ipis yaku jina puririshan, nispa. Noqataj chaypi kuticherqani: Arí, Señor, nispa.

Jeremías 2:7

Noqamin pusamorqaykichej kay sumaj poqoj jallp'amin, chay sumaj poqoykunasninta mikhunaykichejpaj, imaschá allinta poqon chaykunatawan. Chantá qankunataj jamuytawan jallp'asniyta ch'ichicharqankichej. Ruwasqasniykichejqa kay kikin jallp'aypi millachikunaypaj jina kashan.

Jeremías 32:22

Israel aylluykiman qorqanki kay jallp'ata, lechewan misk'iwan yaku jina puririshan chayta, imaraykuchus ñaupa tatasninkuman qonaykita nisqaykiman jina.

Ezequiel 20:6

Chay p'unchaypi noqa juraspa nerqani Egiptomanta paykunata orqhonayta, pusanaytataj noqa mask'arqani chay jallp'aman. Chaypitaj lechewan misk'iwanqa yaku jina puririshan, chaytaj tukuy jallp'asmanta aswan sumajpuni.

Levítico 20:24

Noqa niykichej dueños kanaykichejta chay runaspa llajtankumanta, noqa kikiy chay jallp'api qankunata mojonachisqaykichej, maypishus lechewan misk'iwan yaku jina corrishan chaypi. Noqamin Señor Diosniykichejqa kani. Tukuy llajtasmanta qankunata t'aqarqaykichej.

Amós 2:10

Qankunatataj Egiptomantapacha orqhomorqaykichej, tawa chunka watastataj pusaykacharqaykichej ch'in pampaspi, chay runaspa jallp'asninkuta qankunaman qonayrayku.

Números 13:18

Chaymanta qhawankichej imaynachus chay jallp'as kasqanta, chaypi tiyakoj runas sumaj jallp'asniyojchus kanku manachus chayta; ashkhaschus, chayri pisillachus kanku chaytawan.

Números 13:19

Chanta qhawallankichejtaj llajtasninkupis perqaswan muyurisqaschus chayta, chayri jarasllachus chayta; chay jallp'asninkupis sumajchus manachus chaytawan.

Números 13:27

Moisesmantaj nerqanku: Noqaykoqa maymanchus kachawasqayku jallp'aman chayayku. Chay jallp'apeqa cheqamanta lechewan misk'iwan yaku jina corrishan. Chay jinata kay jallp'aqa poqoy kasqa.

San Juan 3:13

Mana pipis janaj pachaman wicharerqachu. Runaj Churillan janaj pachamanta uraykamorqa; [payqa janaj pachapi kashan.]

San Juan 6:38

Mana munayniyta ruwanaypajchu janaj pachamanta uraykamorqani, astawanqa kachamuwajniypa munayninta ruwanaypaj jamuni.

Deuteronomio 1:25

Chay jallp'amanta poqoykunatataj apamorqanku, willawarqaykutaj: Señor Diosninchejpa qowasqanchej jallp'asqa sumachaj jallp'as.

Deuteronomio 1:7

Tukuy imasniykichejta oqharikuspa amorreospa orqosninkuman riychej, tukuy vecinosninkoj muyuyninkupi kaj jallp'asninkuman ima. Arabaman, sach'arara lomasman, vallesman, Neguevman, mar qocha cantosman, cananeospa jallp'anman, Libanoman, Eufrates jatun mayukama.

Deuteronomio 27:3

Chay rumispitaj kay tukuy kamachisqasniyta qelqankichej chay jallp'aman chayaytawankama, lechewan misk'iwan yaku jina corrishan chayman. Chay jallp'ata Señor Diosniykichej qosonqachej ñaupa tatasniykichejman nisqanman jina.

Deuteronomio 28:11

Señorqa khuyakuyninta rikuchisonqachej, ashkha wawasta qankunaman qospa, uywasniykichejta ashkhata mirachispa, chajrasniykichejta sumajta poqochispa ima, ñaupa tatasniykichejman qonanta nisqanman jina.

Deuteronomio 6:3

Uyarikuychej ari israelitas, allinta chaykunata ruwaychej. Ajinamanta allin risonqachej lechewan, misk'iwan yaku jina corrishaj chay llajtapi, chaypitaj ashkhata mirankichej, imaynatachus ñaupa tatasniykichejpa Señor Diosnin nisorqachej chayman jina.

Deuteronomio 7:1

Señor Diosninchejqa pusasonqachej maypichus jallp'ata jap'ikunkichej chayman. Ñaupaqeykichejmanta Señor qharqonqa qanchis jatuchaj nacionesta, qankunamanta aswan jatun atiyniyojta: Hititasta, gergeseosta, amorreosta, cananeosta, fereseosta, heveosta, jebuseosta ima.

Josué 5:6

Chaykama israelitasqa tawa chunka watasta purisqanku ch'in pampaspi. Chaykunaspi wañupusqanku Egiptomanta llojsimoj tukuynin israelitas soldado mitayoj llojsimojkuna. Chay qharisqa Señorta mana kasusqankuchu, chayrayku Señorqa juraspa nerqa paykunaman, lechewan misk'iwan correshaj jallp'ata tatasninkuman qonanta nerqa, chayman ama chayanankuta.

Josué 9:1

Chay tukuy imas kasqanta yacharqanku kay reyes heteosmanta, amorreosmanta, cananeosmanta, ferezeosmanta, heveosmanta, jebuseosmanta ima. Kay reyesqa tiyakusqanku Jordán mayu cantospi inti yaykunannejpi, chanta chay orqospi, pampasnimpi, Mediterráneo mar qochej cantosnimpi, Líbano jallp'aspi ima.

Josué 9:7

Israelitastaj heveosman kuticherqanku: Ichapis qankunaqa kay noqayku qayllallamanta kankichej. Imaynatataj qankunawan uj tratota ruwasunmanri?