Éxodo 3:6 - Qheshwa Biblia DC

⁶ Chantá nillarqataj: Noqa ñaupa tatasniykej Diosnin kani, Abrahampata, Isaacpata, Jacobpatawan. Moisestaj chay kikimpacha uyanta pakaykukorqa, imaraykuchus manchachikorqa Diosta qhawariyta.

DIOSPA QHELQACHISQAN DEUTEROCANONICAL

⁶ Chantá nillarqataj: Noqa ñawpa tataykikunaj Diosnin kani, Abrahampata, Isaacpata, Jacobpatawan ima, nispa. Moisestaj chayta uyarispa, uyanta qhataykukorqa, imaraykuchus Diosta qhawayta manchachikorqa.

DIOSPA QHELQACHISQ

⁶ Chantá nillarqataj: Noqa ñawpa tataykikunaj Diosnin kani, Abrahampata, Isaacpata, Jacobpatawan ima, nispa. Moisestaj chayta uyarispa, uyanta qhataykukorqa, imaraykuchus Diosta qhawayta manchachikorqa.

Éxodo 3:6 Iomraidhean Croise

Génesis 12:1

Uj kuti Señorqa Abramman nerqa: Saqey jallp'aykita, ayllusniykita, tataykej wasintawan. Jinaspataj ripuy, noqa rikuchisqayki chay jallp'aman.

Génesis 12:7

Chaypi Señorqa Abramman rikhurerqa, nerqataj: Kay jallp'ata mirayniykiman qosaj. Abramtaj chaypi uj altarta Diospaj ruwaporqa, chaypi Señorqa payman rikhurisqanrayku.

Génesis 17:3

Abramtaj chayta uyarispa umanta pampaman chayachinankama k'umuykorqa. Diostaj payman nillarqataj:

Génesis 24:12

Chaypi kamacheqa Diosmanta mañakuyta qallarerqa, nispa: Señor patronniy Abrahampa Diosnin, niway ari allin kajta ruwanayta, k'acha kayniykita rikuchikuy ari, patronniyta khuyakuspa.

Génesis 26:24

Chay ch'isi Señorqa rikhurerqa, nerqataj: Noqa kani tatayki Abrahampa Diosnin. Ama manchachikuychu, noqa qanwan kashani. Kamachiy Abrahamrayku bendicisqayki, mirayniykitapis ashkhayachisaj.

Génesis 28:13

Jinallataj paypa ñaupaqempi Señor sayashajta, payman nishajta: Noqa kani Señor, abueloyki Abrahampa Diosnin, tatayki Isaacpatawan. Qanman mirayniykimanwan qosqayki kay jallp'ata, maypichus puñushanki chayta.

Génesis 28:17

Anchatataj manchachikorqa, nispa: Kayqa Diospa wasin, janaj pacha punkutaj.

Génesis 31:42

Jinaqa, sichus Abrahampa Diosnin, tatay Isaac yupaychan chay Dios mana noqawanchu kanman karqa chayqa, qanqa mana imayojta kacharpayamuwankiman karqa. Chayrayku Diosniy llakiyniyta rikuwan, imaynatachus llank'apususqayta. Chantamá á ch'iseqa k'amisunki.

Génesis 32:9

Chaymantataj Jacobqa Diosmanta mañakuyta qallarerqa: Señor, abueloy Abrahampa Diosnin, tatay Isaacpatawan Diosnin, qan niwarqanki ayllusniypaman, jallp'ayman kutipunayta, niwarqankitaj noqawan kanaykita allin rinawampaj.

1 Reyes 18:36

Chanta q'olachispa jaywana rato chayamojtin, profeta Eliasqa chimpaykuspa nerqa: Abrahampata, Isaacpata, Israelpatawan Señor Diosnin, kunan yachachunku qan Israelpa Señor Diosnin kasqaykita, noqataj kamachiyki kasqayta, qampa kamachisqaykiwantaj kay tukuy imasta ruwasqayta.

1 Reyes 19:13

Eliastaj chayta uyarispa, ponchonwan uyanta suk'umpaykukorqa; llojsimuspataj chay chhanka jusk'u punkuman jamorqa. Chaypitaj payman uj parlay jamorqa: Elías, imata kaypi ruwashankiri?, nispa.

Nehemías 9:9

Qan rikorqanki ñaupa tatasniyku Egiptopi ñak'arisqankuta, chay Puka mar qocha nisqapipis qan uyarerqanki waqaspa qhaparikamususqankuta.

Ester (hebreo) 3:4

Sapa kuti ajinata payta tapojtinku payqa manapuni kutichejchu, nitaj kasuta ruwajchu. Chayrayku Amanman willaykamorqanku, sapa kutichus jinallapuni kanqa manachus chayta rikunankupaj. Payqa judío kasqanta nisqaña.

Salmos 132:2

Yuyarikuytaj juramemtota ruwasusqanmanta, Jacobpa Atiyniyoj Diosninman nisqanmanta.

Éxodo 15:2

Señorman takisaj. Pay noqaj salvacionniy, kallpaytaj. Kaymin Diosneyqa, Payta yupaychasaj, tataypa Diosnin; Payta jatunchasaj.

Éxodo 29:45

Israelitas ukhupi noqa kausasaj, Diosninkutaj kasaj.

Éxodo 3:16

Chayaspataj tukuy israelitaspa kurajkunasninta tantachinki, paykunamantaj ninki: Ñaupa tatasniykichejpa Diosnin, Abrahampata, Isaacpata, Jacobpata ima rikhuriwaspa kay jinata niwan: Noqa qankunata qhawarimushaspa rikuykichej, imaynatachus qankunata egipcios ruwasqasuykichejta.

Éxodo 33:20

Chantaqa sut'inta niyki: Manapuni qanqa uyayta rikuwankichu, imaraykuchus ni pi rikuwajqa kausallanqapunichu.

Éxodo 4:5

Chay kanqa uj señal, Señorqa qanman rikhurisusqanta, ñaupa tatasniykej Diosnin, Abrahampata, Isaacpata, Jacobpata ima.

Jeremías 24:7

Allin sonqota qosaj, noqa Señorninku kasqayta rejsinawankupaj. Paykunaqa aylluy kanqanku, noqataj paykunaj Diosninku kasaj, imaraykuchus tukuy sonqowan kutirimpuwanqanku.

Jeremías 31:33

Jaqay p'unchaykunapi Israelwan tratoyta ruwasaj chayqa, kay jina kanqa: Leyniyta sonqosninkuman churasaj, chantá yuyayninkumampis qelqaykullasajtaj. Noqa Diosninku kasaj, paykunataj aylluy kanqanku. Noqa Señor chayta nini.

Jeremías 32:38

Paykuna aylluy kawanqanku, noqataj Diosninku kasaj.

Ezequiel 11:20

Chantá paykuna leyesniyman jina kausanqanku, kamachisqasninman jinataj purenqanku, junt'anqankutaj. Paykunaqa aylluy kanqanku, noqataj paykunaj Diosninku kasaj.

Zacarías 8:8

Apamusajtaj paykunata Jerusalenman chaypi tiyakunankupaj. Chaypacha paykuna aylluy kanqanku, noqataj Diosninku kasaj, cheqa kaypi llimphu kaypitaj.

San Mateo 17:6

Yachachisqasnintaj kayta uyarispa, pampakama k'umuykukorqanku; imaraykuchus sinch'itapuni mancharikorqanku.

Marcos 12:26

Wañusqas kausarimunankumantaqa, manachu leerqankichej Moisespa escribisqampi, thansamanta Dios parlamusqanta?, nispa: Noqa Abrahampa Diosnin kani, Isaacpata, Jacobpata ima.

San Lucas 20:37

Wañusqas kausarimunankumantaqa, Moisesña yachacherqa zarza larwajpi, Señorqa kasqanta Abrahampata, Isaacpata, Jacobpata ima Diosnin.

San Lucas 5:8

Chayta rikuspa Simón Pedroqa, Jesusman qonqoriykukuspa nerqa: Señor ithirikuy noqamanta, imaraykuchus juchasapa runa kani, nispa.

Hechos 7:34

Cheqamanta noqa rikuni Egiptopi, israelita wawasniy ñak'arisqankuta, sonqo nanayta waqasqankuta ima uyarini. Chayrayku uraykamuni chaymanta orqhonaypaj. Kunanqa jamuy ari, Egiptoman kachasqayki, nispa.

Deuteronomio 6:3

Uyarikuychej ari israelitas, allinta chaykunata ruwaychej. Ajinamanta allin risonqachej lechewan, misk'iwan yaku jina corrishaj chay llajtapi, chaypitaj ashkhata mirankichej, imaynatachus ñaupa tatasniykichejpa Señor Diosnin nisorqachej chayman jina.

Hebreos 11:16

Chaywampis, aswan sumaj llajtata munasharqanku, chay janaj pachapi kajta. Chayrayku Diosqa mana p'enqakunchu paykunaj Diosninku kayta, imaraykuchus paykunapaj uj llajtata wakichiporqa.

Hebreos 12:21

Chay jina mancharinapaj karqa chay rikukusqanqa! Kikin Moisespis nerqa: Ancha mancharisqa, kharkatitispataj kashani, nispa.

Apocalipsis 1:17

Payta rikuspataj, wañusqa jina chakisninman urmarqani. Paytaj makisninta churaykuwarqa, nispa: Ama mancharikuychu. Noqa kani ñaupaj kaj, qhepa kajtaj.

Jueces 13:22

Manoataj warminman nerqa: Cheqamanta wañusumpunichá Diosta rikusqanchejrayku.