Éxodo 3:15 - Qheshwa Biblia DC

¹⁵ Chantapis Diosqa nillarqataj Moisesman: Ajinata ninki israelitasman: Señor, ñaupa tatasniykichejpa Diosnin, Abrahampata, Isaacpata, Jacobpata ima qankunaman kachamuwan. Kay suteyqa wiñaypajmin kanqa; kay suteyqa wiñaypa wiñaynintimpaj mirayniykichejnejta yuyarisqa kanqa, nispa.

DIOSPA QHELQACHISQAN DEUTEROCANONICAL

¹⁵ Chay jawa Diosqa Moisesta nillarqataj: Israelitakunata nillankitaj: Tata Dios, pichus ñawpa tataykichej Abrahampata, Isaacpata, Jacobpata ima Diosnin kajqa noqata qankunaman kachamuwan, nispa. Suteyqa wiñaypaj Tata Dios kanqa, chay sutiwantaj wiñaypa wiñayninkama rejsisqa kasaj.

DIOSPA QHELQACHISQ

¹⁵ Chay jawa Diosqa Moisesta nillarqataj: Israelitakunata nillankitaj: Tata Dios, pichus ñawpa tataykichej Abrahampata, Isaacpata, Jacobpata ima Diosnin kajqa noqata qankunaman kachamuwan, nispa. Suteyqa wiñaypaj Tata Dios kanqa, chay sutiwantaj wiñaypa wiñayninkama rejsisqa kasaj.

Éxodo 3:15 Iomraidhean Croise

Génesis 24:12

Chaypi kamacheqa Diosmanta mañakuyta qallarerqa, nispa: Señor patronniy Abrahampa Diosnin, niway ari allin kajta ruwanayta, k'acha kayniykita rikuchikuy ari, patronniyta khuyakuspa.

1 Crónicas 16:16

Abrahamwan ruwarqa chay tratomantaqa, Isaacman jurarqa chaymantapis.

1 Crónicas 29:18

Qanqa ñaupa tatasniykoj Señor Diosnin kanki, Abrahampata, Isaacpata, Israelpatawan. Kay aylluykej sonqonman churaypuni ari, wiñaypaj chay jina k'uchi sonqoyoj kayta, qanmantaj astawan sonqonkuta wajyay.

2 Crónicas 28:9

Chaypi karqa Señorpa uj profetan Obed sutiyoj, paytaj Samariaman kutiykapushajtinku soldadosta taripaj rerqa, nerqataj: Ñaupa tatasniykichejpa Señor Diosnin, Judawan phiñasqa kashan, chayrayku paykunataqa qankunaman jaywasorqachej. Qankunataj sinch'i phiñakuywan wañuracherqankichej, chaytaj janaj pachakama chayan.

Salmos 102:12

Qantaj, Señor, wiñaypaj sayanki, sutiykeqa yuyarisqallapuni kanqa.

Salmos 102:13

Sayarikuspa Sionmanta khuyakunki. Tiempoña khuyakuyniykeqa, junt'akunña perdonanaykipaj horaqa.

Salmos 135:13

Señor, sutiykeqa wiñaypajmin, wiñaypajtaj yuyarisqallapuni kanki,

Salmos 30:4

Qankuna Señorta qhatejkuna, takiykunata takiychej! Santo sutintataj alabaychej.

Salmos 30:5

Phiñakuynenqa uj ratollapaj, k'acha kaynintaj tukuy kausaypaj. Ch'isin waqasun chayqa, tutamanta kusikusun.

Salmos 68:5

Diosninchej santo wasimpi tiyakun, payqa wajchaspa tatan. Viudastataj waqaychan.

Salmos 72:17

Reypa sutintaj wiñaypajpuni kachun, allin kaynintaj inti jina unaypaj kachun. Tukuy ayllus mundontimpi kajkuna, paynejta bendicisqas kachunku. Kusikuyniyojmin nispa tukuy ayllus kutichachunku.

Salmos 72:19

Wiñaypaj jatun sutenqa yupaychasqa kachun. Mundontimpi jatun kaynin junt'a kachun. Ajina kachun, ajina kachun.

Éxodo 15:2

Señorman takisaj. Pay noqaj salvacionniy, kallpaytaj. Kaymin Diosneyqa, Payta yupaychasaj, tataypa Diosnin; Payta jatunchasaj.

Éxodo 15:3

Señorqa tukuy maqanakupi atipaj, sutintaj Señor.

Éxodo 3:13

Chanta Moisesqa nillarqataj: Sichus noqa rispa israelitasman nisaj: Ñaupa tatasniykichejpa Diosnin kachamuwan qankunaman, nispa; paykunataj tapuwanqanku: Imataj sutin kasqari?, niwanqanku chayqa, ima nisajtaj noqari?, nispa.

Éxodo 3:6

Chantá nillarqataj: Noqa ñaupa tatasniykej Diosnin kani, Abrahampata, Isaacpata, Jacobpatawan. Moisestaj chay kikimpacha uyanta pakaykukorqa, imaraykuchus manchachikorqa Diosta qhawariyta.

Éxodo 4:1

Chaymantataj Moisesqa kuticherqa: Imatataj paykuna chaytaqa creewanqankuri, nitaj kasutapis ruwawankumanchu. Paykunaqa niwanqankuchari: Señorqa, qanman mana rikhurisunkichu, nispa.

Éxodo 4:5

Chay kanqa uj señal, Señorqa qanman rikhurisusqanta, ñaupa tatasniykej Diosnin, Abrahampata, Isaacpata, Jacobpata ima.

Éxodo 6:2

Diosqa parlallarqapuni Moiseswan, nispa: Noqamin kani Señorqa.

Proverbios 18:10

Señorpa sutenqa uj sumaj torre jina, chayman cheqan runasqa pakakunankupaj qayllanku.

Isaías 26:8

Señor kamachisqasniykej ñannimpi yachakuyku allin kasqaykuta. Noqaykoj sonqoykoqa qanllapi yuyan.

Isaías 42:8

Noqaj suteyqa Señor. Wajkunamanqa mana atiyniyta qosajchu; nitaj yupaychasqa kayniytapis lantismanqa qosajchu.

Isaías 63:12

Maytaj kunan Moisespa ñaupaqenta atiynimpa k'anchayninwan pusakorqachej chayri; pichus paykunaj ñaupaqempi yakuta iskayman t'aqarqa chayri, ajinamanta atiyniyoj kasqanta wiñaypaj rikuchejri?

Isaías 9:6

Uj wawa nacepuwanchejña, Dios uj wawata qowanchej. Chayman qosqa kashan jatun atiy kamachinampaj. Sutisnintaj kaykuna kanqa: Mayta T'ukuna Yuyaychaj, Atiyniyoj Dios, Wiñaypaj Tata, Sonqo tiyachej Rey ima.

Daniel (hebreo) 2:23

Tatasniypa Diosnin, qanman graciasta qoyki, yupaychaykitaj. Qan yachayniyojta ruwawanki, kallpachawankitaj. Kunantaj sut'ita rikuchiwanki imatachus mañakususqaykuta. Rikuchiwaykuñataj imatachus rey yachayta munasharqa chaytapis.

Oseas 12:5

Señor Tukuy Atiyniyoj Dios: Señormin sutenqa!

Oseas 12:6

Ajinaqa ari, Israel kutirikuy Diosniykiman; ruwasqasniyki kachun munakuypi cheqa kajpitaj, Diosniykipitaj confiakullaypuni.

Levítico 24:11

Chay israelita warmej wawanqa Diospa contranta rimarqa, Diospa sutinta maldicispa. Chayrayku Moisesman pusamorqanku.

Miqueas 4:5

Waj llajtakunaqa kasunku kikin lantisnillankuta, jinapis noqanchejqa kasusunchejpuni Señor Diosninchejta.

Malaquías 3:6

Señormin noqa kani; kikillampunitaj kani. Chayrayku qankuna, Jacobmanta mirajkuna, mana t'unasqachu karqankichej.

Hechos 3:13

Abrahampa Diosnin, Isaacpata, ñaupa tatasninchejpata ima, kamachin Jesusta jatunchaspa k'anchayninman oqharerqa. Qankunataj payta pusarqankichej Pilatojman, qhesacharqankichejtaj paypa ñaupaqempi. Pay kacharipuyta munashajtimpis mana munarqankichejchu.

Deuteronomio 1:11

Ñaupa tatasniykichejpa Señor Diosnin kunanqa qankunata mirachichun uj waranqa jinatawan kunan kashankichej chaymanta nisqaqa; astawantaj qankunata bendicichun, imatachus qosqaykichej nisqanman jina.

Deuteronomio 1:35

Kay sajra miraymantaqa ni mayqenninku rikonqankuchu sumaj jallp'ata, ñaupa tatasninkuman qosqaykichej nerqani, chayta.

Deuteronomio 4:1

Kunanqa, israelitas, sumajta uyariychej kamachiykunasta, chayman jina ruwanaykichejpaj. Jinamanta allinta kausakunaykichejpaj, ima jallp'apichus Señor, ñaupa tatasniykichejpa Diosnin qosonqachej, chaypi.

Hebreos 11:16

Chaywampis, aswan sumaj llajtata munasharqanku, chay janaj pachapi kajta. Chayrayku Diosqa mana p'enqakunchu paykunaj Diosninku kayta, imaraykuchus paykunapaj uj llajtata wakichiporqa.

Hebreos 13:8

Jesucristoqa kikillampuni qayna, kunan, wiñaypajpis.