Éxodo 29:9 - Qheshwa Biblia DC

⁹ Chaymanta Aaronta chumpichinki, jinallataj wawasnintapis, jinaspataj churaranki ch'ulusta sapa ujninkuman. Ajinamanta qanqa paykunata unaypaj sacerdotesniy kanankupaj t'aqapuwanki.

DIOSPA QHELQACHISQAN DEUTEROCANONICAL

⁹ Chaymantá Aaronta, jinallataj churinkunatapis chumpiwan chumpinki, jinaspataj sapa ujman ch'uluta churaranki. Ajinamanta paykunaqa kamachisqaman jina wiñaypaj sacerdoteykuna kanqanku. Ajinata Aaronta, churinkunatawan ima wiñaypaj sacerdoteykuna kanankupaj t'aqanki.

DIOSPA QHELQACHISQ

⁹ Chaymantá Aaronta, jinallataj churinkunatapis chumpiwan chumpinki, jinaspataj sapa ujman ch'uluta churaranki. Ajinamanta paykunaqa kamachisqaman jina wiñaypaj sacerdoteykuna kanqanku. Ajinata Aaronta, churinkunatawan ima wiñaypaj sacerdoteykuna kanankupaj t'aqanki.

Éxodo 29:9 Iomraidhean Croise

Éxodo 27:21

Chaymanta cuentayojqa kachunku Aaronwan wawasninwan, chay k'anchachinas tukuy tuta k'anchanankupaj, paykuna ima kajtapis ruwachunku, jinamanta Señorpa ñaupaqempi k'anchanampaj; velomanta jawapi, maypichus Señorpa leynimpa cajonniy kashan chaypi. Kayta israelitasqa sapa kuti ruwanqanku, jinallataj mirayninkupis uj kamachiy wiñaypaj churasqata jina.

Éxodo 28:1

Wauqeyki Aaronta wajyachispa kamachiy, wawasnintawan, Nadabta, Abiuta, Eleazarta, Itamartawan, paykuna israelitas ukhupi sacerdotesniy kanankupaj.

Éxodo 32:29

Chaymantataj Moisesqa levitasman nerqa: Kunan qankunaqa Diosmanta kamachiyta jap'inkichej Señorpa ñaupaqempi sacerdotesniy jina, chay jinata ruwajkuna wawasniykichejpa, hermanosniykichejpa contranta sayarikusqaykichejrayku, ajinamanta Señorqa bendicionesninta qonasuykichejpaj.

Éxodo 40:15

Jinaytawantaj aceitewan jawiy, imaynatachus tatankuta jawerqanki ajina, paykunapis sacerdotesniy kanankupaj. Ajinata aceitewan jawisqaykeqa wiñaypaj wawasninkupis qhepaman sacerdotesllapuni kanankupaj.

Levítico 8:1

Señorqa Moisesman kay jinata parlarqa: Kunanqa Aaronta, wawasnintawan jap'iy. Chantapis oqharikuy sacerdote p'achasta, jawina aceiteta, juchasrayku wañuchina uj waka uñata, iskay corderosta, mana levadurayoj t'antasniyoj canastastawan.

Levítico 8:13

Chaymantaqa Aarompa wawasnintañataj wajyarqa. P'achastataj churakunankupaj jaywararqa, chumpicherqataj. Chaymantataj umasninkuman muru ch'ulusta churaracherqa, imaynatachus Señorqa Moisesman kamachisqanman jina.

Levítico 8:33

Chantapis ama karunchakunkichejchu Dioswan tinkukuna toldo punkumanta qanchis p'unchayta sacerdoteswan tukunaykichejkama.

Números 16:10

Señorqa munarqa qan, chanta aylluykimanta qhatisojkuna levitas, paypa qayllampi kanaykichejta. Kunanqa qankuna sacerdote jina imatapis ruwayta munankichej.

Números 16:35

Chantapis Señorqa ninata apachimorqa, pikunachus Dioswan parlana toldopi inciensota jaywasharqanku chaykunata iskay pachaj phishqa chunkayoj runasta ruphaykorqa.

Números 16:40

Chay karqa uj señal israelitas yuyarikunankupaj, yachanankupajtaj ama pipis Señorman inciensota jaywanallankupaj, manachayqa Aarompa familianmanta kajlla jaywanampaj, ama Corewan jina imapis kanampaj, nitaj paywan sayarqanku chaykuna jinapis Señorpa Moisesman kamachisqanman jina.

Números 18:7

Chantaqa qan, wawasniyki imalla ruwankichej sacerdotej ruwananta, altarpi imaschus ruwana kajta, veloj qhepampi, chay imasta qankuna allinta purichinaykichejpaj. Ajinata qankunata noqa churaykichej sacerdotej ruwanasninta ruwanaykichejpaj. Sichus pipis mana sacerdote kashaspalla sacerdotej ruwananta ruwanqa chayqa, wañonqa.

Números 25:13

Chayrayku payman qoni sacerdotej ruwanasninta wiñaypaj ruwanampaj, pay, jinallataj miraynimpis; imaraykuchus pay Diosninrayku chayta ruwan, jinallataj israelitaspaj perdonta tarinampaj.

Números 3:10

Jinamanta Aaronman mirayninmanwan saqey, sacerdotej ruwanasninta ruwanankupaj. Sichus waj runa sacerdotej ruwananta ruwanqa chayqa, wañonqa.

Deuteronomio 18:5

Paykunataqa Señor Diosniykichej ajllakun ayllus chaupimanta, Señorta yupaychachinankupaj. Paykuna mirayninkupis wiñaypaj.

Hebreos 5:10

Diostaj kuraj sacerdoteta payta suticharqa, Melquisedecpa t'aqanman jina.

Jueces 17:5

Micaiaqa t'aqarqa wasimpi uj lugarta lantista yupaychanapaj. Ruwakorqataj uj efod p'achata chantá wasi lantistawan ima, ujnin kaj wawantataj sacerdoteta jina t'aqarqa.

1 Samuel 2:30

Chayrayku Señorqa Israelpa Diosnin nerqa: Qanwan aylluykiwan ima paypa nisqanta ruwanaykichejtapuni. Kunanqa nisunkichej: Mana ni jayk'aj chayta saqesajchu, manachayqa jatunchawajkunata jatunchallasajtaj; qhesachawajkuna tapis p'enqaypi rikhurichisaj. Noqa Señor chayta nini.