Éxodo 29:41 - Qheshwa Biblia DC

⁴¹ Kikillantataj chay ujnin kaj corderotapis ch'isiyaykuyta jaywanki tutamanta jina, jak'uwan, vinowan ima. Sumajta q'apashajta Señorpa munananta ruphachinki.

DIOSPA QHELQACHISQAN DEUTEROCANONICAL

⁴¹ Chay ujnin kaj corderotataj inti yaykuykuyta jaywanki, imaynatachus tutamanta jak'utawan, vinotawan ima jaywarqanki, ajinallatataj. Chayqa ima munayta q'apashaj Tata Diospa sonqonman chayaj kanqa.

DIOSPA QHELQACHISQ

⁴¹ Chay ujnin kaj corderotataj inti yaykuykuyta jaywanki, imaynatachus tutamanta jak'utawan, vinotawan ima jaywarqanki, ajinallatataj. Chayqa ima munayta q'apashaj Tata Diospa sonqonman chayaj kanqa.

Éxodo 29:41 Iomraidhean Croise

1 Reyes 18:29

Khuskan p'unchaypis pasarqaña, paykunatajri phinkiykachaspa aswan jatunmanta qhaparishallarqankupuni, jaywana rato chayamunankama, manataj ima parlayllapis uyarikorqachu, nitaj pipis kutichej nitaj uyarejpis karqachu.

1 Reyes 18:36

Chanta q'olachispa jaywana rato chayamojtin, profeta Eliasqa chimpaykuspa nerqa: Abrahampata, Isaacpata, Israelpatawan Señor Diosnin, kunan yachachunku qan Israelpa Señor Diosnin kasqaykita, noqataj kamachiyki kasqayta, qampa kamachisqaykiwantaj kay tukuy imasta ruwasqayta.

2 Reyes 16:15

Acaztaj sacerdote Uriasman kamacherqa: Jatun kaj altarpi q'olachinki tutamanta jaywasqata, tarden ch'aki mikhuy jaywasqata, reypa q'olachinanta, ch'aki mikhuy jaywasqanta, ajinallatataj tukuynin runaspa q'olachinanta, ch'aki mikhuy jaywasqanta, vino jaywasqankutawan. Chanta nillarqataj ch'ajchunanta: Q'olachinapaj uywaspa yawarninta, ñak'asqa jaywanapaj uywaspa yawarnintawan. Broncemanta altartaqa saqellankichej chaypi Señorta noqa tapunaypaj, nispa.

2 Crónicas 2:3

Chaymantataj Salomonqa Tiroj reynin Hiramman willacherqa: Imaynatachus tatay Davidta yanaparqanki, ajinata noqatapis yanapariway. Paymanqa cedro k'aspista apachimorqanki, palacionta ruwachikuspa chaypi tiyakunampaj.

Salmos 141:2

Mañakususqayqa ñaupaqeykipi inciensoj q'apaynin jina kachun. Qanman makisniyta oqharisqaytaj inti yaykuy horasta jaywana jina kachun.

Éxodo 12:6

Chaykunataqa waqaychallankichej kay killapi chunka tawayoj p'unchaykama. Chayllapi ñak'ankichej sapa ujniykichej chay uywasta ña ch'isiyaykushajtinña.

Éxodo 29:40

Chantapis, ñaupaj kaj corderowanqa jaywallankitaj iskay kilo sumaj jak'uta, uj litro olivo aceitewan chajrusqata. Chaymantaj ch'ajchuykunki uj litro ofrenda vinowan.

Éxodo 29:42

Kay ruphachisqa ofrendaqa ñaupaqeypi noqaman jaywasqapuni kanqa wiñaypaj, tinkuna toldo punkupi, maypichus tinkukusunchej parlasunaypaj.

Daniel (hebreo) 9:21

Ajinata mañakushajtiy, ñaupajta mosqoypi jina rikhuriwarqa Gabriel, phawamorqataj maypichus noqa kasharqani chayman, tardempi Diosman uywata wañuchispa rikhuchikuta jaywana chay horastaña.